Казанда Рудольф Нуриев исемендәге XXXVIII халыкара классик фестиваль дәвам итә. Программада Валерий Гаврилинның «Анюта» балеты да бар. Анда төп партияләрдә биергә илнең Мариин һәм Россиянең Зур театры биючеләре чакырылган. Спектакльдә Анюта партиясен Мариин театры прима-балеринасы Рената Шакирова башкара. Ул биюен карап эстетик ләззәт алганда, балеринаның татар тамырлары булуын белү дә аеруча бер горурлык хисе тудырды.
