Петуния үстерүнең өч сере

Җәй башыннан ук чәчәк атсын өчен, петунияләрне менә хәзердән үк чәчәргә кирәк. Ай календаре буенча, иң яхшы көннәр: февральдә – 11, 12, 15, 19, 24; мартта – 4, 5, 6.

 

Петунияне чәчкәндә бер үзенчәлекне истә тотарга кирәк: аның орлыкларын туфрак белән күмдерергә ярамый. Иң яхшысы – кар өстенә чәчү.

Йомшак, көпшәк, уңдырышлы туфракны сай гына пластик савытларга тутырып, җылымса су сибелә. Туфрак өстенә калын гына итеп кар өелә дә, кар өстенә орлыклар чәчелә. Алар бик вак, шуңа да тигез итеп чәчүе кыенрак. Ә кар өстенә орлыкның күпме төшкәне күренә. Бер урында куерак булып, бер урынга орлык төшмәсә, кары-ние белән күчерергә дә җайлы.

 

Шәхсән үзем шулай чәчәм һәм капкачын каплап, җылылык торбасы өстенә куям. Орлыгы иске булмаса, алар бик тиз – дүрт көн дигәндә тишелеп чыга. «Элмәкләр» күренүгә, савытны тәрәзә төбенә урнаштырам, капкачын ачам. Туфрагы кибеп китсә, бик саклык белән генә җылымса су сибәм. Алар әле зәгыйфь була, суны өсләреннән сипсәң, авып китәләр. Күп кеше кар суы куллана, ләкин минем кар эретеп ятарга вакытым юк, краннан гына агызып алам.

 

Бераз күтәрелә башлауга, сыек ашлама сипсәң, яфракларының төсе җетеләнеп, көрәеп китәләр. Мин үзем кибеттән сатып алган әзер тирес ачыткысы сибәм (кайчак, онытып та җибәрәм. Аңа карап, рассада үсүдән туктамый, билгеле).

Бу сай савытта алар 3 чын яфрагы чыкканчы гына үсә, аннары аларны күчереп утыртырга кирәк. Петунияне күчерер өчен артык зур савыт кирәкми, 150–200 мл стаканнар бик җиткән.

 

Күчергәндә тагын бер үзенчәлеге бар – беренче чыккан ике яфрагын туфрак белән күмдерсәң, тамыр муентыгы череге башлана. «Черная ножка» диләр аны. Шуңа күрә сак кына күчерегез. Дөресен әйтсәм, мин бер стаканга икешәр үсемлек утыртам. Икесен дә бер ояга түгел, ояларын аерым ясыйм. Җиргә күчереп утыртканда да шулай икесен бергә утыртып куям. Комачауламый алар бер-берсенә.

 

Петуния куагы шау чәчәк атсын өчен, аның тагын бер сере бар: 5-6 чын яфрак чыгарганнан соң (үсемлекнең биеклеге 8 сантиметрдан да ким булмый), рассаданың башын чеметеп алырга кирәк. Шуннан соң ул тармаклана башлый, ә тармакларда чәчәкләр күбрәк була. Менә шушы чорда инде ашлама белән сыйларга онытмаска кирәк. Ашлаган җир генә аш бирә, диләр бит.

 

Бу соңгы чеметү түгел әле: ян тармаклар үсеп киткәч, аларның да башын өзеп алалар. Озынрак булса, кисеп алган тармакны суга утыртып, тамырландырырга була. Аның өчен капкачлы банка җайлы. Банкага җылымса су тутырып, капкачын каплагыз да, капкачка бик тар булмаган ярыклар ясагыз. Шушы ярыктан үсемлекнең «тәпиен» генә суга батырыгыз, өске ягы капкач өстендә калсын. Болай эшләсәң, үсемлек суга егылып төшеп, череми.

 

Петуния бик артык салкын булмаган кырауга түзә әле, әмма барыбер дә яшь үсемлек салкынга чыдам түгел. Иртәрәк утыртсагыз, өстен капларга кирәк. Ул кояшны ярата, дымны, ашлаганны ярата. Ара-тирә тармак очларын чеметкәләп, чәчәк атып бетергән бөреләрен өзгәләп торсагыз, петуния кара көзгә кадәр чәчәк ата. Көзен чәчәк атып бетергән бөреләрне учыгызга селкеп, орлыгын да җыеп куя аласыз. Үз орлыгыңнан үстерсәң, үсемлек көчлерәк була.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7456
    1
    71
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8560
    2
    62
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5692
    3
    55
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4221
    0
    47
Реклама
Соңгы комментарийлар
  • 24 гыйнвар 2022 - 09:59
    Без имени
    Эйе, балалар бер дэ дорес эшлэмилэр, акыллы ир булса, яратсан, бер нигэ дэ карамыйча кушылыгыз. Килешерлэр тора-бара, минем бер танышым 70яшендэ чыкты бер бабайка, бик матур, тату яшилэр, соенеп бетэлми, балалары да йорешэлэр, ризалаштылар.
    Кызларым каршы булса да, кияүгә чыгаргамы?
  • 24 гыйнвар 2022 - 09:31
    Без имени
    Исэнмесез,тормыштан алынган эсэр ,куп мени шундый вакыйгалар. Рэхмэт сезгэ ,ошады
    Колынлы бия
  • 24 гыйнвар 2022 - 12:09
    Без имени
    Андый белемнәрне гаиләдә, мәктәптә бирү яхшы булыр иде!
    Акыллы хатын – хәзинә
  • 24 гыйнвар 2022 - 20:35
    Без имени
    Без сонгы поколение эти- энине дэ,балаларны да рэнжетудэн куркучылар. Балалар хэзер эгоистлар аларны тынларга тугел,узенэ ничек унайлы ,ничек рэхэт шулай яшэргэ вакыт житкэн. Хэзер бары тик узегез турында гына уйлагыз.
    Кызларым каршы булса да, кияүгә чыгаргамы?
  • 24 гыйнвар 2022 - 21:29
    Без имени
    Шулай шул, яндагы бәхетнең күпләр кадерен белми. Не было бы счастья, да помогло несчастье подружек)
    Яратып кочаклау
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда