Нәрсәдер борчыймы? Чәч кистерергә барабыз!

Гөлнур Сафиуллина

Ирләр ялгышалар. Дөресрәге, белмиләр. Алар безне маникюр ясаучыга – тырнакларыбызны тәртипкә китерергә, парикмахерга чәч кистерергә, чәч ясатырга гына йөри дип уйлыйлар.

«Хатын-кыз хәзер тырнак ничек кисәргә икәнен дә онытты», – дип мыек астыннан гына көлмәсләр иде, югыйсә.
Тормышында берәр проблема килеп чыкса, чит илдә хатын-кызлар психологка йөреп никадәр акча түгә. Ә без... Маникюр ясаучы мастер каршында утырып кайтабыз да, тынычланабыз. Ул ике сәгать эчендә нәрсә хакында гына сөйләшергә өлгермибез? Соңгы арада күңелеңне тырнап торган теге тема да кузгатылмый калмый. Мастерың сине мисалларга күмә: «Бер клиенты болай сөйләгән...», «Икенче клиентының болай булган...» Тыңлыйсың-тыңлыйсың да рәхәт булып китә: синең проблемаң чүп кенә бит әле, әнә башкаларныкы!..  
Менә бу юлы да. 
– Кечкенә улым чәчен үстермәкче була...
Минем: «Нишләргә?» – дигән соравым яңгырамаса да, Артем, әлбәттә, болай гына сүз кузгатмавымны аңлый.
– Ничә яшь әле улыгызга?
– Уналты тула...
Инде ике ай чәчтарашка юлны оныткан улымны бер минутка гына күз алдыма китерәм: килешми аңа озын чәч, килешми! Туры булса бер хәл әле, чәче минекенә охшаган бит аның: юдыңмы – бөдрәләнеп китә. Тузганак баш була да куя. Ә ул бу хакта ишетергә дә теләми! 
– Үстерсен! – ди Артем уйлап та тормыйча. – Үстереп карасын! 16 яшьтә андый тәҗрибә ясап карау куркыныч түгел ул. Ә менә 25 кә җиткәч мондый теләк белдерсә, борчылыр идегез.
Минем эчкә җылы йөгерә.
– Беләсезме, мин аның кебек чакта мондый тәҗрибәләрне күпме ясап карадым! Чәчемне зәңгәргә дә буядым, яшелгә дә...
Каршыдагы зур көзгедә күзләребез очраша. Аның бүгенге прическасына карап моңа ышану авыррак, әлбәттә.
– Ышанмыйсызмы? – дип елмая ул чәчемне кисә-кисә. – Күз алдыма китерү үземә дә авыррак хәзер... Тик болар барысы да булды. Һәм әтием белән әнием мине беркайчан тыймадылар. Аңладылар... Мин аларга шундый рәхмәтле...
Артемның бу дөньядан бик иртә киткән мәрхүм әнисен кабат искә төшереп алабыз: инде ничә ел ике-өч ай саен очрашып торабыз бит, күп нәрсә хакында сөйләшенгән инде – гаиләсе, әти-әнисе турында да, чәчтараш һөнәрен ничек сайлавы хакында да... 
Бераздан тагын бая башлаган сүзгә кайтып төшәбез.
– Башкалар кебек наркотиклар белән мавыксам, әлбәттә, дәшми калмаслар иде. Начарларга иярсәм... Чәчемнең төсе берара үзгәргәннән берәүгә дә зыян булмады бит. Үземнән кала... Укытучыларга ошап бетмәде, билгеле, директорга да чакырттылар... Аннан мондый теләкләр узды ул. Аның каравы, менә хәзер искә алып сөйләргә кызык. Мондый экспериментларны утызга җиткәндә ясаучылар бар, менә бу куркынычрак... Чәчен бөтенләй кырдырырга дип килүчеләр бар. Кызлар да килә...
– Еш киләләрме?
– Алай еш дип әйтә алмыйм. Күптән түгел 25-27 яшьләрдәге бер кыз килде менә. Чәче озын, калын. Матур! «Төбеннән үк алыгыз», – ди. Урындыкка утырткач та кабат сорадым: «Үкенерсез, тагын бер кат уйлагыз», – дидем. «Уйладым, башлагыз», – ди. Күп вакыт мондый үтенеч белән килүчеләр соңыннан көзгегә карыйлар да йөзләрендә үкенеч барлыкка килә. Бу кызда аны сизмәдем. Тыныч кына торды да, көзге янына барып үзен фотога төшерде. Аннан кемгәдер шалтыратып: «Мин сүземдә тордым, эшләдем», – диде. Күрәсең, кем беләндер бәхәсләшкән булган.
Чәчне төбенә кадәр кырдыру бик сирәкләргә генә килешергә мөмкин. Меңгә бер кешегә... Чөнки күпләрнең баш төзелеше дөрес түгел. Чәч булганга гына сизелми ул.
Артем бу хакта сөйләгәндә бер танышым искә төште. Кырык биштән узгач, чәче сыегая, сирәкләнә башлагач... ул аны бөтенләй алдырып ташлаган. Һәм башына яулык бәйләп куйган. «Яңа прическам, яңа имиджым», – дип көлә. 
– Проблеманы хәл итү юлы түгел бу. Чәчен дәваласа, ныгытса әйбәтрәк булыр иде, – ди Артем. – Ә улыгыз өчен борчылмагыз. Сез моның белән килешкәнне аңлауга чәчен кистереп кайтыр ул, күрерсез менә. Яшүсмерләр шундый бит алар. Каршы килсәң, гел үҗәтләнәләр...

Чәч кистергәч, соңгы вакыт җыелган проблемалардан да арынасың диләр. Дөрес әйтәләр. Әйбәт мастер кулына эләксәң – арынасың. Психологларың бер якта торсын. 

P.S. Ә Артем хаклы булган – чәч кыска безнең хәзер! Кистерде! Үзе теләп! 

Поделиться:
Комментарийлар (1)
Cимвол калды:
  • 17 июнь 2020 - 13:34
    Без имени
    Ә гомер буе бер прическа белән йөргән кешеләр турында ни уйлый икән? Менә эчтән үзгәрәсе дә килгән төсле, тик гел курку, кыюсызлык туктата. Аннан, тышкы кыяфәтне үзгәрткәнче, башта эчтән үзгәрергә кирәк бит. Кызыгам мин экспериментларга кыюлыгы җиткән кешеләргә! Үзем гомер буе бертөрле булгангадыр инде.
Хәзер укыйлар
  • 7650
    4
    106
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    8984
    5
    66
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    8788
    2
    58
  • 7505
    0
    54
Соңгы комментарийлар
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
  • 5 август 2020 - 14:02
    Без имени
    Роза апа Камалитдонва мин Фирдания белэн1984 нче елларда ялгышмасам Котлы Бокэш больницасында яттык Фирдания бик матур ,жор телле безнен кунеллэрне кутэреп шул вакытта ук безне колдерэ иде.Мин анын шундый хэлдэдэ авырлыкларга бирешмичэ уз кунелен узе куруенэ исем акылым китте.Мин андый чибэр сылу кыз кургэнем юк иде.Анын кургэннэрен ходай тэгалэ дошманынада курсэмэсен.Фирдания сэламэт бул матур шигырьлэрен матур жырларын белэн безне соендереп тор.Ходай тэгалэ сине рэхмэтеннэн ташламасын.Рафаилгэдэ исэнлек саулык сабырлык бирсен
    ​Бәхетем
  • 5 август 2020 - 13:05
    Без имени
    Фикерегезне калдырыгыз дияседэ бит,узегез язганны бастырмыйсыз
    Көйсез кайнана хикмәтләре
  • 5 август 2020 - 10:40
    Без имени
    Җәннәт аналарның аяк астында, онытма балакаем. Бу хәдис күбесенчә егет кешеләргә кагыла. Сабыр булу кирәк
    Көйсез кайнана хикмәтләре
Реклама