​Табыш белән эшлиләр

Журналистлар белән булган матбугат конференциясендә Агропромпаркның генераль директоры шулай дип белдерде.

Узган ел Сәүдә паркында 3 миллион кеше булып киткән. Ай саен 170 тонна ит сатылган. Сату күләме 1 миллиард сумнан артып киткән. «Алынган табыш Агропромпаркны тотуга һәм аның яңа юнәлешләрен үстерүгә тотыла», – диде җитәкче. Бәяләрне көйләү мәсьәләсенә аерым тукталды. Ни дисәң дә, иң арзан һәм иң сыйфатлы ит шунда сатыла ич. Һәрхәлдә халык шулай дип уйлый. Парк хуҗалары бәяләргә турыдан-туры йогынты ясый алмасалар да, төрле кызыксындыру чаралары (әйтик, арендага акчаны кимрәк алу) тәкъдим итәләр. Иң беренче, сатып алучылар мәнфәгате истә тотыла. «Безнең өчен бу бик мөһим», – диде Олег Власов.