Витаминлы ризыклар

Язгы чорда кеше организмы витаминнарга аеруча кытлык кичерә. Шул уңайдан бу витаминлы ризыклар һәм эчемлекләр бик вакытлы булыр дип уйлыйбыз.


Мүк җиләкле яшелчә салаты

Пешкән бәрәңге, кишер, гөмбә һәм яшел суганны вак шакмаклап турагыз. Шуларга мүк җиләге, борчак, тоз, үсемлек мае кушып барысын бергә болгатыгыз. Салат өстенә туралган яшелтәмләткечләр сибегез.

4 өлеш өчен: 5 бәрәңге, 3 кишер, 200 г тозланган яисә маринадланган гөмбә, 100 г консервланган яшел борчак, 100 г мүк җиләге, 100 г яшел суган һәм укроп, 3 аш кашыгы үсемлек мае, тоз кирәк.
 

Бәрәңге күмәчләре

Әрчелгән бәрәңгене вак угычта уыгыз да яшелчә шулпасы өстәп болгатыгыз. Шуңа 1 стакан он кушып, болгатып, төнгә җылы урынга куегыз.
Иртән, калган он, тоз, канәфер өстәп, камыр изегез. Шул камыржан йомырка зурлыгында күмәчләр ясап, мичтә пешерегез. Күмәчләрне табынга җылы килеш куегыз.

6 өлеш өчен: 6 бәрәңге, ярты литр яшелчә шулпасы, 4 стакан он, 1 аш кашыгы үсемлек мае, 3-5 данә канәфер, тоз кирәк.
 

Бодай ярмасыннан голубцы

Голубцыга кәбестә яфраклары пешекләп әзерләгез. Бодай ярмасына кайнар су салып, бүрттерегез. Ярманың суын түгегез дә тоз, борыч һәм ваклап туралган базилик кушып болгатыгыз.
Аннан соң кәбестә яфрагына алдан әзерләнгән шул эчлекне салып, төрегез. Голубцыларны кәстрүл төбенә тезгәч, өстенә, күмелерлек итеп су салып, салмак утта 1-1,5 сәгать томалап пешерегез.

6-8 өлеш өчен: уртача зурлыктагы 1 баш кәбестә, эчлеккә: 1-1,5 стакан бодай ярмасы, төелгән кара борыч, чи яисә киптерелгән базилик, тоз кирәк.
 

Кабак орлыгы белән чөгендер салаты

Пешкән чөгендерне әрчеп эре угычта уыгыз. Шуңа төелгән кабак орлыгы, вак угычта уылган сарымсак, тоз һәм үсемлек мае кушып болгатыгыз.

4 өлеш өчен: 3 пешкән чөгендер, ярты стакан кабак орлыгы, 1 төш сарымсак, 2 аш кашыгы үсемлек мае, тоз кирәк.
 

Итле винегрет

Юылган итне һәм әрчелгән бәрәңгене шакмаклап турап, аерым табаларда кыздырыгыз. Ә пешкән чөгендер белән кишерне эре угычта уыгыз. Тозлы кыярны шакмаклап, ә башлы суганны ярым боҗралап турагыз. Шуларга яшел борчак, тоз һәм майонез кушып, барысын бергә болгатыгыз.

6 өлеш өчен: 200 г сыер ите, 1-2 пешкән чөгендер, 2-3 пешкән кишер, 3-4 бәрәңге, 2 баш суган, 1 тозлы кыяр, 1 банка консервланган яшел борчак, 2 аш кашыгы тоз, 200 г майонез, тоз кирәк.
 

Яшел борчак ашы

Әрчеп туралган бәрәңге, кишер һәм суганны тозлы суда пешерегез. Шуңа яшел борчак өстәп, кайнатып чыгарыгыз. Борчак ашына туралган яшелтәмләткечләр сибеп табынга куегыз.

4 өлеш өчен: 1,5 л су, 3 бәрәңге, 300 г консервланган яшел борчак, 1 кишер, 1 баш суган, туралган укроп һәм петрушка, тоз кирәк.
 

Кабаклы дөге боткасы

Дөгене 1 сәгать кайнар суда томалап бүрттерегез. Чи кабакны эре угычта уыгыз, кишерне саламлап турагыз, кипкән җиләк-җи-мешне яхшылап юыгыз. Кәстрүл төбенә иң элек кабак, аннары кишер, җиләк-җимеш һәм иң өскә дөге салыгыз. Шуңа, күмелерлек итеп, кайнап торган тозлы су өстәп, болгатмыйча гына 10-15 минут пешерегез. Уттан алып, 15-20 минут томалап тотыгыз. Үсемлек мае салып болгаткач, ботканы тәлинкәгә конуслап (чүмәләләп) өеп салыгыз.

4 өлеш өчен: 1 стакан дөге, 1-1,5 стакан уылган кабак, 1 кишер, 1 стакан киптерелгән җиләк-җимеш, 3 стакан су, 2 аш кашыгы үсемлек мае, тоз кирәк.
 

“Чәйле” бәлзәм

Грузин чәенә бөтнек белән ромашка салып болгатыгыз. Чәйне пешерер алдыннан чәйнекне 2-3 тапкыр кайнар су белән пешекләгез. Шуңа 2 чәй кашыгы чәйле үлән катнашмасы һәм 2-3 стакан кайнар су салып, 5-6 минут төнәтегез. Төнәтмәдән көн дәвамында чәй ясап эчегез.

7 аш кашыгы грузин чәенә ярты чәй кашыгы киптерелгән бөтнек һәм ярты чәй кашыгы дару ромашкасы кирәк.
 

Витаминлы эчемлек

Томат согына тозлы кәбестә суы, 1 лимон согы сыгып кушыгыз. Шул катнашмага кайнаган су, шикәр комы һәм тоз кушып болгатыгыз.

1 литр томат согына 1 стакан тозлы кәбестә суы, 1 лимон согы, 1 стакан кайнаган су, шикәр комы һәм тоз кирәк.
 

Җиләкле кишер эчемлеге

Кипкән җиләк-җимешне яхшылап юыгыз, кишерне эре угычта уыгыз. Шуларны эмаль кәстрүлгә салыгыз да өстенә киптерелгән бөтнек яисә мелисса, шикәр комы, кайнар су кушып болгатыгыз. Эчемлекне 3-5 минут кайнатып, ярты сәгать төнәтегез.

4 өлеш өчен: 200 г киптерелгән җиләк-җимеш, 2 кишер, ярты стакан шикәр комы, 4 стакан су, киптерелгән бөтнек яисә мелисса кирәк.
 

Баллы кишер согы

Яңа ясалган кишер согына бал кушып болгатыгыз. Шул катнашманы җылы урында 4-5 сәгать төнәтегез. Сокны көнгә бер тапкыр эчегез.

1 өлеш өчен: 1 стакан кишер согы, ярты аш кашыгы бал кирәк.




 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7823
    1
    76
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8874
    2
    64
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    6001
    3
    58
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4347
    0
    49
Реклама
Соңгы комментарийлар
  • 26 гыйнвар 2022 - 21:41
    Без имени
    Хэзер куп инде андый гаилэлэр,балалар дип яшэуче,куплэре ипотека тули бит,чынлап та берэр башка эйбер алырга уйласалар,эти-эни узлэре ярдэм кулын суза,булыша алганнарына соенэ-соенэ.
    Үз сөягем үземә авыр түгел
  • 26 гыйнвар 2022 - 22:00
    Без имени
    Безнен аниебез гел шулай пешерер иде коймакны без торганчы мичка ягып тамле ислар боронны кытыклап уята иде . И гомерлар анида юк хазер андый мичта юк ...без исанбез
    Мич коймагы
  • 26 гыйнвар 2022 - 12:46
    Без имени
    Сез балалар кеше булсын дип яшэгэн очен алар шундый эгоистлар. Нишлэптер эчеп йоручелэрнен эти-энисе кадерле була, алар узлэре турында уйлыйлар. Ризалашыгыз, тик узегезнен кайтып керергэ урыныгыз булсын.
    Кызларым каршы булса да, кияүгә чыгаргамы?
  • 24 гыйнвар 2022 - 09:14
    Без имени
    Балаларыгызны уз тормышларына бастыргансыз бит инде. Алар сезгэ каршы булырга ничек ? Конечно, вакыт кирэк, риза булачаклар. Яхшы кеше очраткансыз икэн, бэхетле булыгыз!
    Кызларым каршы булса да, кияүгә чыгаргамы?
  • 24 гыйнвар 2022 - 09:13
    Без имени
    Көне- төне мин 18 е тулып килуче кызыма тукыган сүзләр!!!!! СМСлар язып теңкәларенә тимәгез егетләрнең!!!!
    Акыллы хатын – хәзинә
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда