Июльдә җыясы дару үләннәре

Пәйгамбәр тырнагы

Икенче төрле атамасы – календула.

Июль аенда чәчәк ата башлый. Дару сыйфатында аның яңа гына ата башлаган чәчәкләрен җыялар. Таҗ яфракларының төсе никадәр җетерәк, шифалы үзлеге дә шуның кадәр күбрәк була.

Календуланы табигый антибиотик дисәң дә була. Аның стрептококк, стафилококк һәм башка микробларга каршы тору үзлеге билгеле.

Халык медицинасында башлыча ашказаны чирләре – ашказаны җәрәхәте, гастрит, бөерләр, талак, үт куыгы авыруларын дәвалау өчен кулланыла. Шулай ук тире авыруларын – төрле киселү, үлекле яра, пешкән, өшегән урыннарны дәвалаганда да шифасы бар.

Календуланы хатын-кыз үләне дип әйтүләре дә юкка гына түгел. Гинекологиядә ул аналык җиңсәсе ялкынсыну – эрозияне дәвалаганда кулланыла. Моның өчен 1 чәй кашыгы вакланган чәчәкләрне 1 стакан суда төнәтеп, спринцевание ясыйлар.

Балаларның авыз эче бозылу, теш казналыгы шешү, ангина кебек чирләрдән дә шифасы бар календуланың.

 

Пәйгамбәр тырнагы төнәтмәсен ясар өчен: 2 аш кашыгы вакланган чәчәкләрне эмаль савытка салып, 200 мл кайнар су коялар һәм «су мунчасы»нда 15 минут кайнаталар. 45 минут бүлмә температурасында суытып, сөзәләр. Төнәтмәне кабат 200 мл күләменә җиткереп, ашарга 30-40 минут кала көнгә яртышар стакан 2-3 тапкыр эчәләр.

Халыкта әлеге үләннең спирттагы төнәтмәсен яман шешкә каршы тору чарасы буларак та кулланыла.

Спирттагы төнәтмәсе болай ясала: 1 өлеш үләнгә 10 өлеш (чәчәкләрне ачылып беткәнче чәчәк корзины белән җыярга кирәк) 70 процентлы чиста спирт алына. Спиртлы төнәтмә 10-30 тамчы күләмендә көнгә 2-3 тапкыр кулланыла.

 

Кура җиләге

Күп кеше кураны бары тик тирләткеч чара буларак кына белә. Моннан тыш ул матдәләр алмашын яхшырту, аппетитны ачу чарасы буларак да шифалы. Шулай ук аның ашказаны-эчәк авырулары, атеросклероз һәм диабеттан да шифасы бар.

Халык медицинасында кура җиләге салкын тигәннән, хәлсезлектән, ревматизмнан кулланыла. Аның шулай ук айныткыч тәэсире булуы да билгеле.

Кура җиләгенең тамырын бронхит, бума ютәл (бронхиальная астма) вакытында кулланалар. Моның өчен: 1 аш кашыгы вакланган тамырны 2 стакан су белән төнәтәләр.

Дару максатында кураның җиләкләрен яфраклары белән бергә җыеп киптерәләр, аннары ваклыйлар.

 

Әнис

 

 

 

 

 

Русча атамасы – тмин. Дару сыйфатында өлгергән орлыклары җыела.

Әнис аппетитны ачу, ашкайнатуны яхшырту чарасы буларак кулланыла. Шулай ук аның эчне йомшарту үзлеге дә билгеле. Әнис орлыгы үт бүленеп чыгуны арттыра, ашказаны асты бизенең эшчәнлеген яхшырта. Шунлыктан аны ашказаны, үт куыгы, панкреатитны дәвалаганда кулланалар.

Болардан тыш, әнис орлыгы тын юллары ялкынсынуны да дәвалый. Әнис суы балаларның эч авыртуын басарга сәләтле.

Төнәтмәсен ясау өчен: 2 аш кашыгы әнис орлыгын 200 мл (1 стакан) суга салып, 15 минут «су мунчасы»нда төнәтәләр. 45 минут суытып, сөзәләр. Ашаганнан соң көненә 2-3 тапкыр чирек яки ярты стакан күләмендә эчәләр.

Игътибар: үләннәр белән дәваланганчы, табиб белән киңәшегез! 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 июнь 2021 - 15:15
    Без имени
    Бик тиз баеганнар ьылар
    «Мин сине башкага бирмим...»
  • 17 июнь 2021 - 17:16
    Без имени
    Рэхмэт язучым,куз яшьлэрсез укып булмады,эй бу язмыш .
    Сыңар алкалар
  • 16 июнь 2021 - 16:43
    Без имени
    Баштан утте.
    Чират
  • 16 июнь 2021 - 21:06
    Без имени
    Бала белән әти арасына кермәгез инде, зинхар. Ул аның әтисе. Ул карамаса аны кем карасын.
    Баладан көнләшәм
  • 17 июнь 2021 - 06:01
    Без имени
    Бик яхшы ир, мин конлэшер идем может повод белэн чакврадыр кешенекен белмисен. Тунрылы булсын
    Баладан көнләшәм
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан