Мәдинә Гайнуллина: “Өметләрем чәлпәрә килүен белеп еладым”


“2004 ел... Герцен урамында элек артистларның тулай торагы бар иде. Шунда торган чак. Кияүгә чыгып беренче баламны таптым. Шул елны тулай торакны ишеп, артистларны фатирларга күчерәбез дигән сүз чыкты, тик тулай торакта теркәлгән булганнарга гына. Мин гаиләм белән каенана фатирында тора идем. Димәк, миңа эләкмәячәк. Шул ыгы-зыгылы вакытның бер көне иде. Мин бала йоклаган арада, тулай торакның ишек алдына бала керләрен эләргә чыктым.  

Сәлам, Мәйнүш! – дип эндәштеләр.  

Миңа шулай итеп, яратып коллегаларымның берсе эндәшә. Коллегам тормышта бик шаян, эче тулы зар булса да, бөтен тәне-җаны белән елмаючан кеше. Шунда ул миңа:  

Мәйнүш, сине театрга чакырдылар. Срочно. Кер элеп йөрисең, паспортыңны ал да, дуй давай, директор чакыртты, – диде.  

Рәхмәт әйтеп, йөгереп, өйгә кереп киттем. “Я, Раббым! Бар бит син!” Шатлыгым эчемә сыймый! Башымнан: “Директор декреттагы эшчесен болай гына чакырмас, димәк моның бер сәбәбе бар. Пропискага кертәләрдер. Әнә бит, паспортыңны ал, дигән”, – дигән уй йөгереп узды. Баламны күршегә калдырып (аңа ул вакытта 1 яшь туларга 6 көн калган иде), аннан-моннан гына киендем дә, “чаптым театрга паспортны тиз генә алдым да мин, и чабам мин и чабам, ашыгам, тирлим, пешәм һәм кып-кызу утта янам!” Шул рәвешчә чабып театрга җиттем бервакыт. Килеп кердем. Вахтада утыручы апа:  

Бүген директор күренмәде. Бүген бит ял көне, – ди. 

Ничек? Мине чакырткан бит ул. Килергә кушкан! – дим. 

И, кызым, сине алдамаганнар микән? Бүген бит 1 апрель! – ди. 

Минем башыма чүкеч белән орган кебек булды. Шул вакыт айнып, 1 апрель икәненә төшендем. Декрет ялында утырган анага 1 апрель ни дә, 8 март ни? 

Урамга чыгып башта аңлашмыйча басып тордым. Аннан балам елыйдыр дип, йөгерә-йөгерә кайтып киттем. Юл буе елап кайттым, троллейбуска да утыра алмадым. Күңел халәтем троллейбуста утырып кайта торган түгел иде. 

Еладым. Башта минем өметләрем чәлпәрәмә килүен белеп, аннан алданганлык гарьлеге өстәлде, аннан ни өчен бу капкынга нәкъ менә мин эләктем дип, аннан бүгенге көннең ничәнче число булуын ла белмәвем өчен үз-үземне битәрләвем кушылды. Аннан соң йөгерә-йөгерә күкрәк сөтем күлмәгемнең кендек өлешенә агып төшкәнен күреп еладым. 5 тукталышны бертуктаусыз йөгереп кайттым. Әле ярый җәяү кайттым, кайтканда инде мин хәйран гына тынычланган идем. Шушы хәлдән соң нәкъ 3 көн сөтем булмады...”   

              

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 24 сентябрь 2021 - 08:56
    Без имени
    Менә сиңа, мә. 1 апрель дип кешене шундый өметләр белән өметләндереп, кешене авыр хәлгә куйган башсыз бәндә воҗдан газабы да кичермичә яши микән, җирбит! Саф күңелең белән яхшыга өметләнгән Мәдинәкәй, исемеңне мыскыллап Мәйнүш дип дәшкән кеше белән сак аралаш. Һәм исемеңне беркемнән дә боздырма!
Шушы ук темага
Хәзер укыйлар
Реклама
Соңгы комментарийлар
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
  • 23 сентябрь 2021 - 09:47
    Без имени
    Молодец,көрашче.Бу бәхет күпләргә эләкми.Бәхет телим сезгә һәм сәламәтлек.
    Синең мәхәббәтең коткарды
  • 21 сентябрь 2021 - 20:37
    Без имени
    Гаиленен нигезенде ярату хем хермет булса гаиле бехетле була, ЭХМЕТ абый Фэния алдада Аллахы фатихалап торсын гаилегезне бэхетле булыгыз.
    Әхәт белән Әхмәт
  • 21 сентябрь 2021 - 18:35
    Без имени
    ...телсез калдым. Көтеп алынган оныкка урын юк ((( Хәлегездән килә бит, үзегезгә фатир алыгыз.Арендага акча түләгәнче, ипотекага түлибез, ди, хәзер яшьләр.
    Тумаган килеш балама урын юк
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан