ФИЛҮС КАҺИРОВ ХӘНИЯ ФӘРХИНЕҢ НИНДИ ТЕЛӘГЕН ТОРМЫШКА АШЫРГАН?

Казанда Татарстанның атказанган артисты Филүс Каһировның концертлары узды. Эстрадабызның йөзек кашы булган җырчының концерты зәвык белән оештырылган: биредә халык җырлары да, эчтәлекле, матур шигырьләр дә, милли көйләр дә яңгырады.

Концерт җанлы, тере тавышлы булуы белән үзенчәлекле, күңелгә ятышлы булды. Филүс Каһиров "Мирас" инструменталь ансамбленә кушылып җырлады. Аның "Җиз кыңгырау моңнары", "Кояшларың белән", "Идел буе каеннары", "Соңдыр шул", "Иделләре күлләре", "Сагынганда", "Сентябрьдә ак кар", "Йөрәк җылысы", "Кайда син" һәм башка җырлары һәр тамашачының күңеленә үтеп керерлек итеп башкарылды.


Җырчы быел якты дөньядан киткән күренекле артистларыбызны да искә алды. "Быел татар халкы зур югалтулар кичерде. Беренчеләрдән булып, үземнең якташымны, иң эчкерсез җырчыбыз, күңел түрендәге җырчыбыз Хәния апа Фәрхине искә аласым килә. Аның турында узган заманда сөйләшү, сөйләү хәтта күз алдына да килми. Шушы концертта аның бер теләген тормышка ашырасым килә. Ул миңа һәрвакыт ихтирам белән "Филүс, энем" дип эндәшә иде. Мин башкарган бер җырны ул бик яратып тыңлый иде. "Филүс, энем. Бу җырны бер концертыңнан да калдырмыйча, һәрвакыт тамашачыларга җиткереп бар. Бу җыр тамашачы күңелендә яшәргә тиеш", - дигән теләген җиткерде Хәния апа. Сүз "Соңдыр шул" җыры турында бара иде.

Филүс Әлфия апа Авзалова истәленә "Мәхәббәтем" җырын башкарды. Концертта шулай ук матур дуэтлар да булды. Беренче бүлектә Филүс Фәридә Сөнгатова белән чит телдә җыр башкарса, икенчесендә Гөлназ Солтанова белән "Сулар кирегә акмый" җырын җырлады. Әлеге җырга төшерелгән клип көннән-көн популярлаша бара. Филүс тамашачыга Илгиз Мөхетдинов исемле яшь талантны тәкъдим итте. Көчле алкышларга караганда, Илгиз халык күңеленә хуш килде.


Филүс үз репертуарына Салават Фәтхетдиновның "Соңгы мәхәббәт" җырын алган. Җырчы бу җырны халыкка яңа яктан ачты. "Салават Зәкиевич аның җырын башкаруыңа каршы килмәдеме?" дигән сорауга Филүс: "Салават абыйны ихтирам итәм, шуңа да баштан аннан рөхсәт сорадым. Ә ул миңа "нинди җырны җырлыйсың килә, барысын да җырла!" - диде. Авторлар белән дә килешеп куйдык", - диде Филүс.

Билгеле булганча, Филүс Каһиров тумышы белән Башкортстанның Бүздәк районыннан. Җәй көне ул Башкортстанның гүзәл табигатендә яңа җырына клип төшергән иде. Бу хакта җырчы болай дип сөйләде: "Мин яшәгән Бүздәк районы белән Татарстан табигате арасында бернинди аерма тапмыйм мин. Анда да, монда да шундый ук табигать. Ә менә Уфаның икенче ягында - башкортлар яши торган Белорет, Сибай якларында табигать бөтенләй икенче. Ләкин сер биреп булмый. Монда килгәч, "Табигать матурмы анда?" - дип сорыйлар. "О, андагы табигать! Ул таулар, кыялар! Андагы суның чисталыгы", - дим. Ә үземнең күргәнем дә юк!.. Быел җәй көне ул якларга клип төшерергә бардык. Табигатькә исең, акылың китә! Клип төшергәндә, бер башкорт абзыена: "Эх, сездәге табигать! Бу бит икенче Швейцария!" - дидем. "Дустым, һин ялгышаһың. Башкортстан икенсе Швейцария түгел, Швейцария - икенсе Башкортстан ул", - диде.

Концертны Филүс үзе алып барды. Ләкин ул халыкны шаккатырам дип артык сүзләр, тозсыз мәзәкләр сөйләмәде, халык белән итәгатьле итеп аралашты. Залдагы тамашачылар арасында Филүснең иҗатын хөрмәт итеп килгән 90 яшьлек әби дә бар иде. Филүснең тамашачыга ихлас булуы, хөрмәт белән каравы күпләргә үрнәк булырлык. Җырчы тамашачы соравы буенча "Агыла да болыт агыла" җырын башкарды. Ә бит күп кенә артистлар "сценарийга кермәгән" дип, тамашачы сораган җырларны башкармый. Филүс бер җырын хәтта микрофонсыз гына баянга кушылып җырлады.


Затлы, моңлы артистка чәчәк бәйләмнәрен ташып кына тордылар. "Бу авыр заманда билет алып килүегез өчен рәхмәт. Ә шулай да сездән чәчәкләр кабул итү, сезнең мәхәббәтне тою - рәхәт!" - диде Филүс Каһиров.

чыганак: http://intertat.ru/shou-biznes-yanalyklary/fil-s-ka-irov-kh-niya-f-rkhine-nindi-tel-gen-tormyshka-ashyrgan/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2708
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7230
    2
    106
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан