ҮЗЕМ БЕЛГӘН КЛАРА АПА ТУРЫНДА...


12 март. Язның матур бу көнендә Халыклар дуслыгы йортында Шигырь, Җыр, Музыка, Рәсем бәйрәме тантана итте. Тантананың «гаеплесе» шагыйрә Клара Булатова иде... Яшьләр эшләре һәм спорт министрлыгы, «Идел» яшьләр үзәге менә унберенче тапкыр инде мәктәп балалары арасында «Дулкыннар» республика бәйгесен уздыра. Анда вокал, нәфис сүз, уен кораллары ансамбле, рәсем номинациясендә җиңүчеләр билгеләнә. Быелгысы – укытучы-шагыйрә, республиканың Г. Тукай исемендәге Дәүләт бүләге иясе Клара Булатова иҗатына багышланган иде. Әнә ул үзе дә! Көмештәй ак чәчләрен җыйнак итеп артка төеп куйган. Зәңгәр кыңгыраулары төсендәге күлмәге дә бик килешле. Үзе гел елмая, шук-шаян сүзләр әйтеп көлдерә, кызлар-малайлар белән яратып сөйләшә. Тиздән 80 яшьлек юбилеен билгеләп үтәчәк шагыйрәнең сөйләр сүзләре, кызыклы хатирәләре байтак шул.
Мин үзем белгән Клара апа турындагы истәлекләремне барлап утырам. Аның яраткан укучысы Камәрия Җамалетдинова белән без университетта биш ел бергә укыдык, тулай торакта бер бүлмәдә яшәдек. Камәрия Клара апасының Кәшер мәктәбендә укыткан елларын легенда итеп сөйли иде. Менә ул дәресләр алып бара. Әдәбият дәресендә язучылар, шагыйрьләр турында дәреслектә дә, башка китапларда да булмаган кызыклы истәлекләр сөйли... Укучыларына «кызым», «улым» дип эндәшә... Кәшер мәктәбендә укучы балаларга шигырь «җене» кагыла...  Группадашыбыз Рәйханә Мирсәяпова да (Сарманда газета чыгарып ята бүген), бездән соңрак журналистика бүлегенә укырга кергән Атлас Гафиятов та («Татарстан яшьләре»нең баш мөхәррир урынбасары) укытучылары турында аерым бер ярату, хөрмәт белән сөйлиләр иде... Хәтерлим, Камәрия Клара апасына хатларны шигырь белән генә яза. Ул университетка укырга кергәндә ирекле темага сочинениесен дә шигырь белән язып бөтенесен шаккаттырды. Ә Кәшер мәктәбендә бер дә шаккатмыйлар икән моңа, чөнки төрле чараларга чыгышлар да шигырь белән языла ди!.. (Соң, Клара апа үзе дә Сибгат Хәким иҗатына багышланган диплом эшен шигырь белән язган лабаса! Фәнни җитәкчесе Хатип Госман гына өнәп бетермәгән мондый «тәртипсез» тайпылышны. Шигырь юлларын чәчмәгә әйләндерергә туры килгән.)
Клара апаның «Сөембикә» редакциясенә килеп китүләре үзе бер вакыйгага, бәйрәмгә әйләнә. «Балалар, күчтәнәч җиде төрле булырга тиеш дип, менә махсус сезгә төенчек әзерләдем әле, – дип сөйләнә-сөйләнә, сыен өстәлгә тезә башлый. – Монысы үзем салган күмәч, Нәфис абыегызның умартасыннан аертып кына алган балы менә, безнең Нәдер янындагы урманнан җыелган җир җиләге, кагын да үзем койдым, каймак – күршеләрдән, кызыл эремчеген авыз итегез әле... Әлмәттә чәкчәкне тәмле пешерәләр...»
Һәм, әлбәттә инде, күчтәнәчләргә ияреп, Клара апаның өр-яңа шигырьләре дә өстәлгә күчә. Аннан китә мәзәк сүзләр, бөек шәхесләрне сагынып искә төшерүләр...
...«Дулкыннар» конкурсының Гала-концертына килгәч тә рәхәт дулкында тибрәлдек. Диварларны бизәп торган балалар рәсемнәрендә Клара Булатова шигырьләренә иллюстрацияләр, укытучы Клара апа портретлары (кайберләрендә мин Клара апаны кино артистлары Элина Быстрицкая белән Дзидра Ритенбергска охшаттым хәтта!)... Сәхнәдән аның шигырьләре, сүзләренә язылган җырлар яңгырый. «Кыңгыраулар», «Якын дустың барын онытма», «Асылмалы күпер», «Шушы яктан, шушы туфрактан без»... Георгий Ибушев, Дилә Нигъмәтуллина, Булат Нигъмәтуллин, Марат Фәйрушиннар җырлый. Балалар җырлый. Зал җырлый.
                 Таллар җырлап, чишмәләре чыңлап,
                 Өянкеләр елап озата...
Рәхмәт, Клара апа! Иҗатыгызга, матур дөньягызга, матур хатын-кыз булуыгызга сокланабыз!
 
Клара Булатова турында "Сөембикә" журналның март санында укырга була: http://www.syuyumbike.ru/medeniyat/lichnosti/?id=1831

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4645
    11
    117
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13300
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2890
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11533
    16
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13931
    4
    73
Реклама
Соңгы комментарийлар
  • 3 октябрь 2022 - 22:11
    Без имени
    Фикеремне калдырган идем, нигэдер бик озак тикшерэлэр))). Дэвамын котэм. Зур рэхмэт Авторга! Татарча рэхэтлэнеп укыдым. Раушанияны жэллэдем. Нигэ ул шул хэтлем .... юаш булды икэн?!
    Гомерем усал кайнана, исерек ир белән үтте 11
  • 3 октябрь 2022 - 17:54
    Без имени
    Минем энкэем дэ шулай яшэгэн. Балага узгач(мин,а), энисе(минем эбием) кышкы буранга карамыйча, 100 километр ераклыгына карамыйча, ат ж,игеп чанага, узенен, кызын туган оенэ алып кайткан. Э минем "этием", 42 яшендэ исерек килеш кышкы суыкта, алачыкта тун,ып улгэн, "хатыны"(бергэ яшэгэн бичэсе) "исерек син"дип оенэ кертмэгэч....
    Гомерем усал кайнана, исерек ир белән үтте 11
  • 3 октябрь 2022 - 17:55
    Без имени
    Дэвамын котэм, кадерле Автор!
    Гомерем усал кайнана, исерек ир белән үтте 11
  • 30 сентябрь 2022 - 09:42
    Без имени
    Бер конне Ирегез егетегезгэ узе сойлэп бирэчэк сезнен кем икэнегезне. Ох ялгышасыз. Иргэ ышанма иделгэ таянма, тем более аерылганга
    Газаплы очрашу
  • 30 сентябрь 2022 - 16:56
    Без имени
    Зур рэхмэт сезгэ! Шундыйтэмне итеп язгансыз! Сезнекуреп сойлэшэсе, утырып чэй эчэсе килеп китте.
    «Ике ишек тишеп, икең ике якка чыгарга язмасын...»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда