“Йөрәккә якын” документаль фильмы – бөтен дөнья буенча меңнәрчә кешеләрне коткарган табиб турында тарих

8 нче июнь көнне Казан дәүләт медицина академиясендә “Йөрәккә якын” (“Близко к сердцу”) документаль фильмы күрсәтеләчәк. Кинолента 2 нче апрельдә үзенең 70 яшьлеген билгеләп үткән күренекле хирург һәм галим Ренат Акчуринга багышланган. Бу хакта ТР Сәламәтлек саклау министрлыгының матбугат хезмәте хәбәр итә.

Презентациядә Татарстанның беренче Президенты, ТР Дәүләт Киңәшчесе Минтимер Шәймиевнең, ТР сәламәтлек саклау министры Гадел Вафинның, проект авторлары, фильм героеның катнашуы көтелә.

“Йөрәккә якын” документаль фильмы – бөтен дөнья буенча меңнәрчә кешеләрне коткарган табиб турында тарих. Бу Үзбәкстанның Андижан шәһәреннән хирург булырга теләгән малай турындагы бәян. Бу вакыт эчендә ул катлаулы һәм мавыктыргыч юл үткән. Акчурин ясаган операцияләрнең кайберләре чын могҗизага тиң. Пациентлардан гади бер кыз Оксана Кутнякова, ил Президенты булган Борис Ельцин, космонавт Александр Александров – һәркайсы хирургка рәхмәтле.

Фильмны төшергән группа 20 еллар элек операция ясалган һәм авыру тарихлары күптән юкка чыгарылган кешеләрне эзләүдә тикшерү үткәргән. Нәтиҗәдә, күпчелекне табуга ирешелгән. Акчуринның дөньяның төрле почмакларында – Россиядә, Маврикиядә, Перуда, Израиль һәм АКШта яшәүче пациентлары нинди сынаулар аша үтәргә туры килгәнлеге һәм операциядән соң тормышлары ничек үзгәрүе турында сөйли.

Ренат Акчурин дистә еллар Татарстан Республикасы белән элемтәдә. Медицина-корал заводында уртак көч белән коронар хирургия өчен җыелма ясаганнар. Аның исеме дә – “Акчурин җыелмасы”. Ул Татарстанда Төбәкара клиник-диагностика үзәген булдыруда катнашкан кеше. ТРның атказанган табибы һәм ТР Фәннәр академиясенең мактаулы әгъзасы.

Әйтергә кирәк, бүгенге көндә Ренат Акчурин җитәкчелек итә торган А. Л. Мясников исемендәге Клиник кардиология институтының йөрәк-кан тамыры хирургиясе бүлегендә уникаль операцияләр уздырыла.

Фильм Мәскәүнең “FDL-production» студиясе тарафыннан төшерелгән. Проект ТР Премьер-министры урынбасары – ТРның РФдагы Тулы вәкаләтле вәкиле Равил Әхмәтшин, меценатлар Дамир Ситдыйков, Рафаэль Фәизов тарафыннан гамәлгә ашырылган.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 16 гыйнвар 2021 - 17:49
    Без имени
    Энвэр бик вакытлы гаилэ корган. Кулдан кулга йоргэн хатын-кыз ана тин була алмас иде дип уйлыйм.
    Тиң ярым һәрвакыт янымда булган 
  • 18 гыйнвар 2021 - 19:50
    Без имени
    Сезнең хикәяләр , шигыйрьләрегез күпләрнекеннән өстен , бүген яза торганнардан ! Яңа үрләргә менәргә насыйп булсын . Илһам чишмәседәй челтерәп аксын иҗатыгыз
    Алсу күзлек
  • 18 гыйнвар 2021 - 21:54
    Без имени
    Жинел укыла, табигатнен матурлыгын Бик оста тасфирлагансыз, унышлар телимен!!!
    Ник ашыктың?
  • 20 гыйнвар 2021 - 15:10
    Без имени
    Гаеп итмэгез яратмаган ул сезне , яраткан яры булса гафу итэ ул, чын хэл булсада.Хатыгызны укыгач уз хэллэрем исеиэ тошеп ярсуландым, минем ирем улгэндэ эйтте мин сине яратмыйча яшэдем дип ,эле ничек аны искэ алырга яхшы иде диеп,нибар яхшы лыкларын оныттыды.Яратса кеошедэндэ суз тидертми, узе дэ эйтми.Нишлэргэне узегез хэл итегез гонахка баьмагыз, кын,гыр эш бик тиз беленэ ул.
    Ирем гомер буе, «кыз түгел идең», диде
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...