Җәйнең бер көне ел туйдыра

Татарстан аграрийлары бер миллион тонна ашлык суктырып алды. Бу чикне алар кичә уздылар. Бу хакта «Татар-информ» мәгълүмат агентлыгы оештырган матбугат конференциясендә ТР Авыл хуҗалыгы һәм азык-төлек министрының җир эшләре буенча урынбасары Илдус Габдрахманов хәбәр итте. 

Алдагы елларга караганда, урып-җыю эшләренә быел ике атнага соңрак тотындык, – диде ул. – Барлык мәйданның әлегә 23 проценты җыеп алынды. Һәр гектардан уртача 36,8 центнер уңыш чыга. Зәй, Сарман һәм Нурлат районнарында бу күрсәткеч 50 центнердан да узып китә. Тагын ун районда (Тәтеш, Балтач, Азнакай, Кайбыч һ.б) һәр гектардан 40 центнердан артык уңыш алалар.

Заманча технологияләр кулланылган, белгечләре булган хуҗалыкларда уңыш тагын да югарырак икән. Министр урынбасары моңа мисал итеп Кукмара районының «Вахитов», Балтач районының Тимирязев исемендәге хуҗалыкларын атады. Аларда уңыш гектарыннан 60 центнер чыга.

– Кичә генә Спас районында булдык, – диде ул. – 780 гектар мәйданда бер фермер үз хуҗалыгында көзге бодай үстерә. Ул гектарыннан бүген 60 центнер уңыш ала. Шул ук районда башка фермер 25 центнер белән канәгатьләнә.  Димәк, нәтиҗәләр һава торышына, яңгыр яву яки яумауга гына бәйле түгел. 
Табигать шартлары әлегә әйбәт тора. Комбайннар куелган темплар белән эшләсәләр, 10 сентябрьгә уракны тәмамларга уйлыйлар. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8284
    1
    106
  • 8783
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9753
    1
    55
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...