Яшьләр — социаль челтәрләрдә, ЗАГС - яшьләр артыннан

Яшьләрнең күпчелеге хәзер социаль челтәрләрдә таныша, аралаша, хәтта кавыша да. Шуңа да ЗАГС идарәсе үз эшчәнлегендә бу инструмент белән бик актив файдалана. Заманча алымнар белән коралланып, алар шул рәвешле гаилә кыйммәтләрен популярлаштырырга омтыла. Социаль челтәрләрдәге төркемнәр аша алар яшьләр белән диалог кора, ягъни бер телдә сөйләшергә омтыла.
Татарстан Премьер-министры Илдар Халиков та Татарстан Министрлар Кабинеты каршындагы гражданлык хәле актларын теркәү идарәсенең мондый заманча эш алымнарын хуплый.

- Әгәр дә республикабыз халкы анда ешрак була икән, димәк, безгә дә шунда барырга кирәк. Яшьләр арасында 90 проценттан артыгы интернеттан куллана, 70 проценттан артыгы социаль челтәрләргә көненә  5 тапкырдан күбрәк керә. Күп чыгымнар таләп итмәгән бу инструменттан активрак файдаланырга кирәк, - дип белдерде Илдар Халиков ЗАГС идарәсенең 2015 ел нәтиҗәләре буенча йомгаклау коллегиясендә.

Узган елда ЗАГС идарәсе тарафыннан 157 538 гражданлык хәле актлары теркәлгән, бу алдагы ел белән чагыштырганда 2,6 процентка кимрәк. Туу турында 57 499 таныклык  бирелгән. 2014 елдагыга караганда бу 0,4 процентка күбрәк. Ана капиталы программасына башлангыч бирелгән 2007 ел белән чагыштырганда, икенче балалар  – 78 процентка, өченче сабыйлар – 106 процентка, дүртенче һәм аннан соңгылар 81 процентка арткан.

Әмма шуның белән бергә, соңгы өч елда гаиләдә беренче балалар тууы шактый кимегән. 2013 елда 26,3 мең беренче сабый дөньяга килсә, 2015 ел нәтиҗәләре буенча, 24,1 мең бала аваз салган.  Бу 1990 еллардагы демографик дулкынның объектив нәтиҗәсе. Хәтерләсәгез, ул чорда илдә туучылар исәбе кискен кимегән иде. Шуңа да иҗтимагый аңда өч балалы гаиләне үрнәк итү буенча эш алып барылырга тиеш, ди ЗАГС идарәсе башлыгы Альбина Шәвәлиева.

Инде бишенче ел республикада туучылар үлүчеләргә караганда күбрәк исәпләнә. Димәк, халыкның табигый үсеше күзәтелә. Шул ук вакытта югалтулар исәбе дә 1 процентка кимегән. Үлемнәр турындагы актларның 51,6 проценты – ир-атларга, 48,4 проценты хатын-кызларга туры килә. Ирләрнең 38 проценты пенсия яшенә җитмичә бакыйлыкка күчкән. Хатын-кызлар арасында андыйлар 14 процент.

Рәсми рәвештә гаилә теркәүләр, кызганыч, быел 6,1 процентка кимегән.  Ирләр дә, хатын-кызлар да хәзер гаилә коруны соңракка күчерә. Ун ел элек хатын-кызларның 57 проценты 18-25 яшьләрдә кияүгә чыкса, хәзер бу яшьтә 41 процент кына гаилә учагын булдыра. 2005 елда 25-34 яшьләрдә 28 процент хатын-кыз кияүгә чыкса, 2014 елда инде мондыйлар – 43 процент. Ир-егетләр арасында да шундый ук тенденция күзәтелә.

- Бу, бер яктан, аңлашыла да кебек: яшьләр башта ныклап аякка басу, аннан соң гына гаилә кору турында уйлый башлый. Әмма мондый үзгәрешләр бер дә уңай дип әйтеп булмый. Хатын-кызның репродуктив яше чикле бит, – дип борчыла Альбина Шәвәлиева.

Сөенечле күрсәткечләр арасында - икенче ел рәттән Татарстанда аерылышучылар исәбе кими баруы. Былтыргы нәтиҗәләр буенча таркалган гаиләләр 11 процентка кимрәк булган, 13 450 шундый акт теркәлгән. Аерылышуларның күпчелеге, элеккечә, яшь гаиләләргә туры килә.

Бу тискәре тенденцияне үзгәртүгә республикабызда бик ныклап алындылар. 2016 елда ЗАГС идарәсе ике грант проектын гамәлгә ашыра башлады.  Кризис кичергән парларга ярдәм кулы сузу максаты белән эшкә психологлар алына. Психологик ярдәмне күрсәтүнең бер варианты ЗАГС идарәсе сайтында тест рәвешендә эшләтеп җибәрелгән “Гаилә консультациясе” интернет-сервисы тора.

Илдар Халиков, таркалучы гаиләләрнең әзәюен яхшы нәтиҗә дип билгеләде, әмма 13 меңнән артык аерылышулар – бик зур сан, дип белдерде Премьер-министр.

- Бу горурлана торган әйбер түгел. Димәк, шуның кадәр гаилә трагедиясе дигән сүз. Әмма вәзгыять бит төрле районнарда төрлечә. Әйтик, менә Балтач районында 251 гаилә теркәлгән, 40 гаилә таркалган. Менә шуңа таба юл алырга кирәк. Иң яхшы районнар тәҗрибәсе нигез итеп алынсын иде, – дип белдерде ул.


сылтама: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14073
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9097
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10442
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5007
    3
    45
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр