Япониядә Татарстан Республикасы мәдәнияте көннәре башланды

18-22 октябрь көннәрендә Япониядә Татарстан Республикасы мәдәнияте көннәре уздырыла. Чаралар Токио, Кобе, Мацуэ шәһәрләрендә, Симанэ префектурасында үткәрелер дип көтелә.
Бу хакта Дәүләт хакимияте органнарының бердәм порталы планында әйтелә. Япониядә Татарстан мәдәниятен күрсәтү эшен оештыручылар буларак ТР Мәдәният министрлыгы, “Бөтендөнья татар конгрессы” халыкара иҗтимагый оешмасы һәм ТФАның Ш.Мәрҗани исемендәге Тарих институты күрсәтелгән.
ТР мәдәнияте көннәре уңаеннан, әлеге илдә “Япония һәм татар дөньясының мәдәни, икътисадый, технологик элемтәләре һәм багланышлары: тарих һәм чынбарлык” темасына халыкара фәнни конференция уздыру, шулай ук, Токиода татар милли бәйрәме Сабан туен үткәрү ниятләнә, дип хәбәр итте ТР Мәдәният министрлыгы матбугат хезмәте “Татар-информ” мәгълүмат агентлыгына.
Ш. Мәрҗани исемендәге Тарих институты җитәкчесе урынбасары Радик Салихов ачыклык керткәнчә, конференциянең беренче өлеше Токиода уздырылачак, икенче өлешне исә Мацуэ шәһәрендә үткәрү планлаштырыла. Конференция кысаларында Ш. Мәрҗани исемендәге Тарих институтына узган гасырның 30 нчы елларында Маньчжуриядә Гаяз Исхакый нигез салган оешма тарафыннан чыгарылган “Милли байрак” газеталарының электрон форматка күчерелгән варианты тапшырылачак. Татарстанның Тарих институты Япониянең Симанэ университеты белән килешү нигезендә хезмәттәшлек итә, бу Симанэ университеты төрки-татарлар тарихын өйрәнү буенча зур эшләр башкару белән бәйле, дип сөйләде Радик әфәнде Салихов "Татар-информ" вәкиленә.
Моннан тыш, Кобе шәһәрендә урнашкан мәчетнең 80 еллык юбилее уңаеннан тантана уздыру ниятләнә, хәер, фәнни конференция дә шуңа нисбәтле үткәрелә. Өч катлы, ике манаралы җәмигъ мәчет 1935 елда ачылган, ул әлеге калада Ислам комитеты тарафыннан җыелган хәйрия акчаларына төзелгән һәм Япониядәге беренче мәчет санала. Архитектор - чехияле Ян Йозеф Свагр (1885-1969) аны традицион төрек стилендә эшләгән. 1943 елда мәчет Япония империя флоты тарафыннан конфискацияләнүгә дә карамастан, үз вазыйфасын үтәүдән туктамаган һәм хәзер дә гамәлдә. Япониядәге беренче мәчет җир тетрәүләргә чыдам итеп эшләнелгән һәм 1995 елда Япониядә көчле җир тетрәү вакытында да зыян күрмәгән.

сылтама: http://tat.tatar-inform.ru/news/2015/10/17/114649/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гафу итә алмыйм сине, әни! – Апа, әни акылдан шашкан! Көзнең яңгырлы салкын бер көне иде ул. Мәктәптән туңып кайтып кына кердем, каршыма башлангыч сыйныфта укучы сеңлем Айзилә йөгереп килеп чыкты да, колагыма әнә шулай дип пышылдады.
    13731
    3
    172
  • Әллә?! Завод капкасы төбендә сезне бер карчык көтә дигән хәбәрне ишетүгә, Фәрһадның йөрәге чәнчеп алды, зиһене чуалды, күз аллары караңгыланды.
    11155
    2
    115
  • Үкенечле үткәннәр... Якшәмбе булса да, иртәдән телефон шалтырады. Башкаларның иртәнге йокысы бүленмәсен дип, атлас халатын тәненә элеп кенә җибәрде дә, телефонын алып балконга йөгерде. Телефонның теге ягында карлыккан ир кеше тавышы ишетелде:
    8372
    2
    87
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    3995
    7
    77
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    4579
    4
    71
Реклама
Реклама
Соңгы комментарийлар
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...