Яңа акчалар: Казан Кремле һәм КФУ финалда!

Татарстанның Казан Кремле һәм Казан федераль университеты бинасы яңа купюраларга символ сайлау конкурсының финалистлары, дип табылды.


Бүген яңа банкнотларда төшереләчәк символлар конкурсының 10 финалисты билгеле булды. Әлеге бәйгенең беренче этабы 28 июньнән алып 28 июльгә кадәр дәвам итте. 5-30 август көннәрендә конкурсның икенче этабы социологик сораштыру формасында үтте. Сахалиннан Калининградка кадәр үткәрелгән бу чара “Иҗтимагый фикер” фонды тарафыннан уздырылды. 6 мең респондент катнашкан сораштыруда авыл халкы да, шәһәрләрдә яшәүчеләр дә катнашты.

Нәтиҗәдә, финалга 10 шәһәр чыкты. Аларның һәрберсендә икешәр тарихи урын сайлап алынган. Петрозаводск шәһәре белән Сергиев Посад искәрмә булып тора. Аларда берешәр символ – “Кижи” музей-тыюлыгы һәм Изге Троица Сергиева Лавры чиркәве сайлап алынган.

Финалга, Казаннан кала, икешәр символ белән чыккан шәһәрләр менә алар:


- Владимир шәһәре: Алтын капка һәм Успение соборы,
- Волгоград: “Ватан-Ана чакыра!” скульптурасы һәм Мамай Курганы,
- Ерак Көнчыгыш: Көнчыгыш космодромы һәм Рус утравындагы күпер,
- Иркутск: Байкал күле һәм бабр,
- Түбән Новгород: Түбән Новгород Кремле һәм Түбән Новгород ярминкәсе,
- Севастополь: баткан корабларга һәйкәл һәм Херсонес Таврический,
- Сочи: “Фишт” Олимпия уеннары стадионы һәм “Роза-Хутор” курорты.

Сораштыру уздырганда, респондентларда теге яки бу символ шушы тарихи һәйкәл урнашкан төбәк белән күзаллана. Шуңа да Ерак Көнчыгышның төбәк символлары өчен төркем формалаштырылып, аларга Ерак Көнчыгыштагы икешәр шәһәр кертелде, – дип аңлата “Иҗтимагый фикер” фонды башлыгы Александр Ослон.

Халык арасындагы әлеге сораштыру ике этапта уздырылган. Беренчесендә 49 шәһәрдән 20 иң популяры сайлап алынган. Икенче дулкында исә, россиялеләрнең фикеренә нигезләнеп, ун шәһәр узган.

Александр Ослин фикеренчә, тавыш бирүдә төрле манипуляцияләр булмасын һәм ул гадел барсын өчен, бөтен респондентлар да очраклы рәвештә сайлап алынган. Анда бары тик 18 яшьтән өлкәнрәкләр генә катнашырга хокуклы булган. Сораштыруны үткәрүчеләр респондентларның өйләренә (фатирларына) килеп, шәһәрләр исемен чагылдырган карточкалар һәм алардагы символларны күрсәткән. Нәтиҗәдә, халык үзенә охшаганын сайлап алган.

Бүгеннән башлап, бәйгенең өченче этабы башланып китте. Биредә җиңүгә дәгъва кылган 10 шәһәр арасыннан бары тик икесен генә сайлап алырга кирәк булачак.

–  Финалга эләккән символларның барысы да – безнең Ватаныбызның уникаль урыннары. Аларның һәрберсе яңа банкнотларда сурәтләнергә лаек. Без финал этабында ярыш кызганнан-кыза барыр, дип ышанабыз. Чөнки анда барысын да бер тавыш кына да хәл итә алачак. Халык, чыннан да, бу бәйгегә зур кызыксынучанлык һәм җаваплылык белән карады. Нәтиҗәдә, без халык яраткан банкнотны сайлап алырбыз, – ди Россия Банкы рәисенең беренче урынбасары Георгий Лунтовский.

Исегезгә төшерәбез, өченче этапта россиялеләр берничә ысул белән тавыш бирә ала. Аның иң уңайлысы –  Твоя-Россия.рф сайтында. Ул 7 октябрь көндезге 12гә кадәр дәвам итәчәк. Тавыш бирүнең тагын бер ысулы – 1 октябрь көнне Россия Банкының территориаль учреждениесенә Ачык ишекләр көненә килеп, махсус анкета тутырып, үзеңә охшаган символ өчен тавыш бирү. 7 октябрь көнне “Россия 1” телеканалы эфирында 18.00дә ике җиңүче игълан ителәчәк.

чыганак - http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 август 2022 - 17:46
    Без имени
    Хатын кыйнаган кешенен туктаганын кургэнегез бармы?! Хатынга бер суккан кеше беркайчан кыйнаудан туктамый! Беркайчан! Донья кургэн эти эни буларак сез моны анларга тиеш. Картая картая кул белэн уйный торган кеше эшэкелэнэ генэ сэбэпле-сэбэпсез кул кутэрэ. Сез нинди генэ суз эйтсэгездэ тозэтеп була торган тугел! Кызыгыз яшьлеге белэн генэ белгертмэскэ,ярарга тырыша, тозэлер дип омет итэ. Димэк эти энигэ бергерткэн очен тагын кыйнаган?! Белгертэсе килмэсэ дэ кешегэ беленми кала торган эш тугел бу. Эле кызнын таянырга эти энисе тигез. Шуны белэ торын кияу кыйный. Эти энисез яклаучысыз калгач ни кыланачак бу кияу?! Бу кеше белэн яшэсэ алдагы гомерен кыйналып яшэячэк кыз. Кыйнап имгэтэчэк хичшиксез иртэме сонмы. Имгэнгэн хатын иргэ кирэк тугел! Кешедэн ким булып яшисе килми. Белгертэсе килми. Парлы матур тормышта яшисе килэ. Цена вопроса кызыгызнын сэлэмэтлеге. Эти эни якламаса кем яклар?!
    Кияү кызыбызны кыйный?
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
    Асылташ
  • 9 август 2022 - 09:35
    Без имени
    Ряхмят!Бик яхшы язасыз
     Гомерем усал кайнана, исерек ир белән үтте 5
  • 9 август 2022 - 11:39
    Без имени
    Бигерәк күп күргән сез. Кайтмаска иде, үсәр иде бала. Ййй язмышлар
     Гомерем усал кайнана, исерек ир белән үтте 5
  • 8 август 2022 - 12:19
    Без имени
    Ирегез белән барып, утырып күзгә күз карап сөйләшәсегез калган.Телефо6ан решать итеп буламыни
    Кияү кызыбызны кыйный?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда