ВИЧ: өлкәннәр яшьләрне алыштыра

Республикада ачыкланучы ВИЧ-инфекция йоктыручыларның күбесен өлкәннәр тәшкил итә.

Россиядә ВИЧ-инфекция йоктыручыларның артуы күзәтелә: 2017 елның 6 аенда яңа очракларның үсеш темпы 3,3 процент тәшкил иткән. Татарстанда исә, киресенчә, ВИЧ-инфекция очракларының кимүе күзәтелә.

 

Ел башыннан алып Татарстанда 940 кеше (2016 елның шул чорында – 1055) ВИЧ-инфекция эләктергән. Бу – әлеге яман чирне йоктыручылар саны 6,7 процентка кимегән дигән сүз. Әмма экспертлар шундый тенденцияне ачыклаган: әгәр 2000 еллар башында ВИЧ-инфекция 15-20 яшьлек егетләр һәм кызлар арасында киң таралса, хәзер әлеге чир 70 процент очракта 30-50 яшьлек гражданнарда ачыклана.

 

Татарстанда соңгы елларда 40 яшьтән өлкәнрәк гражданнар арасында ВИЧ-инфекция йоктыручылар артканнан-арта бара: әгәр 2010 елда өлкән яшьтәгеләр әлеге чирне эләктергән кешеләрнең 14,8 процентын тәшкил итсә, 2015 елда ул – 24, 2016 елда – 32,3, ә 2017 елның 9 аенда инде 36,2 процентка җиткән.

 

Ахырын уйлап тормыйлар...

 

-  Татарстанда соңгы 10 елда актив рәвештә тормышка ашырыла торган, яшьләр арасында сәламәт яшәү рәвешен формалаштыруга  юнәлдерелгән проектлар егетләр һәм кызлар арасында ВИЧ-инфекция очракларын 5 мәртәбә киметергә мөмкинлек бирде. Бүген яшьләр бу мәсьәләдә шактый мәгълүматлы. Өлкәннәр турында исә алай дип әйтеп булмый, алар арасында бу чирне йоктыручылар 5 тапкырга артыграк. 40 яшьтән өлкәнрәк гражданнар җенси элемтәгә кергәндә саклык чараларын күрми һәм шуның белән үз тормышын куркыныч астына куя, - ди ТР Сәламәтлек саклау министрлыгының СПИД һәм йогышлы авыруларны кисәтү һәм аларга каршы көрәшү буенча республика үзәге баш табибы урынбасары Гөлнара Чернобровкина.

 

2017 елда республиканың кайбер районнары да ВИЧ-инфекция очракларының артуы белән гаҗәпкә калдырган. Биредә Әгерҗе һәм Яшел Үзән районнарын атап үтәргә мөмкин.

Казандагы вәзгыятькә килгәндә, агымдагы елның 1 октябренә шәһәрдә ВИЧ-инфекциянең 8314 очрагы теркәлгән. Бу 10 мең кешегә 674,9 очрак туры килә дигән сүз. Ул республика буенча уртача күрсәткечтән 1,2 тапкырга югарырак (Татарстанда – 565,8).

 

Спорт чаралары – күз уңында

 

СПИД үзәге инде икенче ел рәттән Татарстан предприятиеләренә барып, «Эш урынында ирекле рәвештә һәм конфиденциаль тестлаштыру» кампаниясен үткәрә. Шулай итеп, быелның 9 аенда Казан, Әлмәт, Чаллы һәм Татарстан муниципаль берәмлекләрендәге предприятиеләрдә эшләүче 3605 кеше ВИЧка экспресс-тест узган.

- Безнең белгечләр предприятиеләр чакыруы буенча коллективларга бара. Теләгән кеше аноним рәвештә, 15 минут эчендә үзенең ВИЧ-статусын белә ала. Дискиминациядән куркырга кирәкми. Хокукый кагыйдәләр буенча, тест нәтиҗәсе ябык була, ул кешегә шәхсән хәбәр ителә, - дип искәртте Үзәкнең баш табибы урынбасары.

 

2015 елда Су спорты төрләре буенча XVI дөнья чемпионаты, «Казан марафоны», 2017 елгы Конфедерация Кубогы уеннары чорында да теләгән һәркем экспресс-тестлар үтә алды.

 

2018 елда Казанда узачак Футбол буенча дөнья чемпионаты кысаларында да экспресс-тест тапшыру пунктларын оештыру күздә тотыла.



Автор: Айгөл МОТЫЙГУЛЛИНА
сылтама: Интертат

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2362
    28
    239
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6153
    2
    89
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан