Венера Ганиева укучылары белән авыру балалар өчен концерт куйды

Казанда «Әкият» курчак театры сәхнәсендә Балалар республика клиник хастаханәсендә озак вакытлар дәваланып, «Рональд Макдоналд» хәйрия кунак йортында яшәүче балалар катнашында “Җырла, бие, изгелек кыл» хәйрия концерты үтте. Балалар белән бергә танылган җырчы Венера Ганиева җитәкчелегендә сәхнә йолдызлары чыгыш ясады.

Табиблар сүзләренчә, авыр чиргә каршы көрәш алып баручы балаларга тылсымлы бинада үткән концерт зур бәйрәм булып тора. Авыру балаларга теләктәшлек күрсәткән артистлар белән бергә алар бәхет, шатлык, өмет турында җырлап, күңелләренә сихәт-дәва ала.

«Бүген без түләүсез кунакханәне тоту өчен 130 мең сум акча җыярга ниятлибез. Фонд тарафыннан клиник хастаханә территориясендә төзелгән әлеге "Рональд Макдоналд" йорты өч еллап эшли. Биредә балалар әти-әниләре белән бергә яши, дәваланырга йөри. Без хәйрия акчаларына яңа җиһаз, компьютерлар алуны планлаштырабыз», – дип билгеләп үтте "Рональд Макдоналд" йорты хәйрия фонды генераль директоры Светлана Полякова.

Зал тамашачы белән тулы иде. Фойеда хәйрия лотереясы уйнатылды. Концерт программасы исә ике бүлектән торды һәм анда 20ләп чыгыш булды. Татар эстрадасы артистлары – Максут Юлдашев, Илнар Гомәров, Ринат Гыйләҗев, Мөнир Рахмаев һәм Кәрим Ганиев, шулай ук «Ямьле» вокал төркеме балалар белән чыгыш ясады һәм барысы да тамашачылар күңеленә бик хуш килде.

«"Рональд Макдоналд" йорты ачылганнан бирле безнең бик матур традиция барлыкка килде. Без укчыларым – Казан мәдәният һәм сәнгать институты студентлары белән балалар янында еш булабыз, алар өчен театраль тамашалар оештырабыз, күңелләрен күтәрергә ярдәм итәргә тырышабыз, – дип сөйләде Россиянең һәм Татарстанның халык артисты Венера Ганиева. – Мин һәр көн авыру балалар турында ишетәм, йөрәгем әрни. Бу йортта сәләтле балалар күп. Музыканың сихәтләндерү көче бар һәм без шуңа да бу балалар янына килергә тырышабыз. Педагог буларак үз укучыларымда кеше кайгысына битараф булмаска, ярдәмле булырга кирәклеген төшендерергә тырышам. Бу безнең уртак проблема һәм аны чишүдә һәркем үзеннән өлеш кертергә тиеш».



чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8447
    0
    84
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7675
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3750
    1
    42
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4699
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3606
    0
    27
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда