Төркиянең Казандагы Генераль Консулы Турхан Дилмач шәхси фотокүргәзмәсен тәкъдим итте

өркия Республикасының Казандагы Генераль Консулы Турхан Дилмач шәхси фотокүргәзмәсенә кунаклар җыйды. Күргәзмә Генераль Консуллык ачылуның 20 еллыгы уңаеннан оештырылган.

Төркиянең Мәскәүдәге илчесе Турхан Дилмачның фотосурәтләрен күреп: “Эшләрең яхшы гына килеп чыккан, әйдә, күргәзмә оештыр”, - дип киңәш биргән. Шул рәвешле, консул күргәзмәсен консуллыкның 20 еллыгына багышларга уйлаган. Күргәзмәдә барлыгы 30 фотография.



“Сезне консуллыкның 20 яшьлек туган көнендә күрү минем өчен зур шатлык”, - диде Турхан Дилмач күргәзмәгә килүчеләргә. Ул Төркиянең Казандагы Баш консуллыгы Россиядә беренчесе булуына ишарәләп: “Без моның белән горурланабыз”, - диде.

“Төркия белән Россия мөнәсәбәтләрендә катлаулы чор артта калды. Президентларыбыз иртәгә Кытайда тагын бер кат очрашачак”, - диде Турхан Дилмач һәм шушы чорга бәйле хатирәсе белән уртаклашты. “Бу чорның иң киеренке вакытында бер көнне иртән эшкә килдем. Хезмәткәрләребезнең берсе “сезгә Дәүләт Киңәшчесе шалтыратты” диде. Дәүләт Киңәшчесе сүзен төрекчәгә тәрҗемә иткәндә, аның мәгънәсе бераз югала. Башта аңлап бетермәдем. Аннары “Шәймиев шалтырата” дигәч, беренче Президент яки “Бабай” дип әйтергә кирәк дип төзәттем”, - дип шаяртып, кунакларны көлдерде.

Консул Минтимер Шәймиевнең биргән киңәшләрен дә әйтеп узды. “Бабай менә шулай диде: Төркия һәм Россия – ике зур дәүләт. Моңа кадәр дә илләр арасында кайбер проблемалар булган иде, хәзер дә күңелсез хәлләр барлыкка килде. Иң мөһиме – эшне дәвам итәргә. Баш консуллыкның эшләрен күзәтеп барам – яхшы эшлисез. Төркия, Россия, Татарстанның файдасына эшләрегезне дәвам иттерегез”, - дип сөйләде Турхан Дилмач.



Ул Шәймиевнең “һич борчылмагыз, кайгырмагыз, күңелегез төшмәсен” дигән сүзләр белән канатландырганын әйтте. “Минтимер Шәймиевнең бу сүзләре безнең өчен бик мөһим иде. Без 20 ел дәвамында Россия илләре, аның кысаларында Татарстан һәм башка республикалар, төбәкләр белән хезмәттәшлегебезне ничек алыр бардык, киләчәктә дә багланышларыбызны шулай үстерәчәкбез”, - дип ышандырды консул.

Турхан Дилмач үзенең фотографияләрен профессиональ иҗат җимешләре дип санамый, шулай да аларның күңел көзгесе аша төшерелгәнен әйтә.

"Төркия һәм Россия арасында булган низаг - Аллаһтан бер сынау"

Татарстан митрополиты Феофан тәбрикләү чыгышында консуллыкның 20 еллык юбилееның ниндидер купшы шоу белән түгел, ә фотографияләр күргәзмәсе рәвешендә тыйнак билгеләп үтелүен мактап телгә алды. Ул дипломатның Төркия һәм Россия, Татарстан мәнфәгатьләрен бертигез күреп эшләгәнен ассызыклады. “Фотографияләр – шуның дәлиле. Фотосурәтләр консулның спорт, табигать белән дә кызыксынуын күрсәтә. Аларда Татарстан, Россия тормышының тулы спектры чагылыш таба. Кем белә, бәлки, берничә дистә ел узгач, бу фотографияләр Россия һәм Төркия державаларын тоташтыручы иң яхшы күперләрнең берсе булыр”, - дип белдерде Феофан.

Ул Төркия һәм Россия арасында булган низагны Аллаһтан бер сынау булуын билгеләп узды. “Аллаһ безнең бер-беребезгә кирәклегебезне күрә. Без күршеләр кебек яшибез. Ә күрше булса, аңлый, ярдәм итә торган булырга тиеш”, - диде Феофан. Ул Төркиянең соңгы айларда террорчылык белән бәйле авыр сынаулар кичерүен искәртте. “Без бу юнәлештә бергә булырга тиеш”, - диде митрополит.

“Бу фотолар барысы да балаларым кебек якын. Аларны күңел биреп төшердем”, - диде Турхан Дилмач журналистларга. Ул гаиләсе сурәтләнгән “Кичке әкият” фотосурәтенә тукталды. Анда хәләл җефете балаларына китап укып утырган мизгел тасвирланган. Консулның шулай ук, балыкчылар сурәтләнгән фотографиясе бар. “Кышын 31 градус салкында елгада балык тотып утырган кешеләрне төшердем. Минем өчен фотография сәнгате белән шөгыльләнү Казанның, Татарстанның төрле урыннарын күрү өчен яхшы мөмкинчелек булды”, - диде Турхан Дилмач. 

чыганак - http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3618
    5
    124
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    1113
    4
    87
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10961
    5
    74
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6136
    0
    63
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4400
    1
    50
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан