Төрки журналистлар Казанда җыелды

Казанга төрки телле журналистлар килде. Төрки дөнья журналистларының II корылтаеның тантаналы ачылышы бүген “Гранд отель Казань”да узды. Форумга 20дән артык илдән - Кыргызстан, Гыйрак, Сүрия, Иран, Молдова, Румыния, Болгария, Греция, Венгрия, Әзербайҗан, Төрекмәнстан, Казахстан, Үзбәкстан һ.б. илләрдән каләм осталары килде.

Әлеге җыенны үткәрү идеясе авторы - Татарстан Президенты вазифаларын вакытлыча башкаручы Рөстәм Миңнеханов. Казанга килгән коллегаларыбыз үзләренең сәлам чыгышында республика җитәкчесенә олы рәхмәтләрен җиткерде. Корылтайның көн тәртибе ирекле. Рәсми өлештән соң һәркем үз фикерләрен җиткерә, башкаларның тәҗрибәләрен барлый ала.

Дөньяның төрле илләреннән килгән кардәшләрне уртак мәдәният, дини гореф-гадәтләр берләштерә. Бер-беребез турындагы мәгълүмат, яңалыкларны барлауда журналист зур хезмәт куя. Татарстан Дәүләт Советы рәисе урынбасары, Журналистлар берлеге рәисе Римма Ратникова да тантаналы ачылышта бүгенге көн журналистының роленә тукталды. “Без бер-беребез белән аралашып яшәргә тиеш. Татарстан һәрвакыт диологка ачык республика”, - дип белдерде ул. Шулай ук Римма Ратникова Исмәгыйль Гаспринский, Риза Фәхретдин, Габдулла Тукай шәхесләренә тукталды, аларның татар журналистикасына керткән хезмәтләрен олылады.

Төрек дөньясы журналистлары федерациясе президенты Мендерес Демир дә дуслык күперләрен ныгытуга, дустанә аралашуга, иҗади хезмәттәшлеккә өндәде. Төрки каләмдәшләребезне Татарстанның бүгенге сулышы белән дә таныштырдылар. Татарстандагы сәнәгать объектлары турында күзаллау өчен видеотасма да тәкъдим ителде.

Быел Татарстан журналистикасы олугъ бәйрәмгә әзерләнә. Моннан 110 ел элек беренче татар газетасы дөнья күргән. Корылтайның пленар утырышында КФУның гаммәви коммуникация бүлеге мөдире Васил Гарифуллин килгән төрки кунакларга татар журналистка тарихы буенча сәяхәт кылдырды.

Республиканаң “Татмедиа” матбугат һәм массакүләм коммуникацияләр агентлыгы җитәкчесенең беренче урынбасары Нурия Беломоина Intertat.ru газетасына менә болай дип белдерде:

- Төрки эшмәкәрләр форумында төрек эшмәкәрләре Татарстан лидерына мөрәҗәгать белән чыккан була. Алар төрки журналистларның корылтаен нәкъ менә Казанда үткәрергә аның ризалыгын алган. Чараны Рөстәм Миңнеханов карары буенча оештырдык. Аның беренчесе Төркиядә узды. “Искешәһәр – төрки мәдәни башкала - 2013” чарасы булган иде. Мәдәни эзләр буенча журналистлар корылтае булды. Ә Казан былтыр “Төрки дөньяның мәдәни башкаласы” дип игълан ителгән иде. Шуңа күрә без дә калышмадык. Без - журналистлар Татарстанны алга сөрәсебез, аның мөмкинлекләрен төрки дөньясына таратасыбыз килә. Төрки дусларыбызның да Татарстан турында күбрәк мәгълүмат беләселәре килә. Һәр ике яктан да теләкләребез уртак. Корылтайда тел даирәсе, газет-журналларны укучыга тарату, аудиториябезне арттыру мәсьәләләре каралачак. Безнең уртак проблемаларыбыз шактый, - дип саный Нурия Беломоина.

Соңгы елларда төрки дөнья активлаша, берләшә башлады. Дөньякүләм чаралар моны раслап тора. Бу фикер белән Төркиядә яшәүче каләмдәшебез Рушания Алтай да килешә.

- Моңарчы тарихта төрки журналистларның берлеге турында алай зурдан кубып уйлаучы юк иде. Бу эштә беренчелекне Төркия күрсәтә башлады. Бу күренешкә сөенергә кирәк. Беренче корылтай да Искешәһәрдә узган иде бит. Аның икенчесе мәркәзебез Казанда булуы очраклы түгел, әлбәттә. Бу безгә зур өстенлек бирә. 100дән артык чит илдән килгән журналист безнең Казаныбызны, Татарстанны таный. Моңарчы бит Татарстан турында күзаллау башкача иде, - ди Рушания Алтай.

Чыннан да, төрле мәмләкәтләрдән килгән каләм осталарына республикабызны таныту, аның гүзәл гамәлләре белән таныштыру өчен әлеге җыен менә дигән форсат. Төрки журналистларның берлеген булдыру зур башлангычларга алынырга мөмкинлек бирә. Беркемгә дә сер түгел, медиа зур көчкә ия. “Төрки дөнья журналистлары берлеген булдыруга әлеге корылтай зур өлеш кертәчәк. Безнең бик күп башкарган эшләребез башка халыкларга, илләргә танытылмый. Шушы берлеккә кергән журналистлар аша моңа ирешергә мөмкин булачак”, - ди Төркиядән килгән кунагыбыз да.

Төрки дөнья журналистларының II корылтае 28 майга кадәр дәвам итәчәк.

Сылтама: http://intertat.ru/tt/society-tt/item/44796-t%D3%A9rki-zhurnalistlar-kazanda-%D2%97yieldyi-foto.html

Солтан ИСХАКОВ фотолары

   

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гафу итә алмыйм сине, әни! – Апа, әни акылдан шашкан! Көзнең яңгырлы салкын бер көне иде ул. Мәктәптән туңып кайтып кына кердем, каршыма башлангыч сыйныфта укучы сеңлем Айзилә йөгереп килеп чыкты да, колагыма әнә шулай дип пышылдады.
    13136
    3
    171
  • Әллә?! Завод капкасы төбендә сезне бер карчык көтә дигән хәбәрне ишетүгә, Фәрһадның йөрәге чәнчеп алды, зиһене чуалды, күз аллары караңгыланды.
    10865
    2
    114
  • Үкенечле үткәннәр... Якшәмбе булса да, иртәдән телефон шалтырады. Башкаларның иртәнге йокысы бүленмәсен дип, атлас халатын тәненә элеп кенә җибәрде дә, телефонын алып балконга йөгерде. Телефонның теге ягында карлыккан ир кеше тавышы ишетелде:
    8056
    2
    86
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    3505
    7
    73
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    4053
    2
    63
Реклама
Реклама
Соңгы комментарийлар
  • 20 ноябрь 2020 - 13:52
    Без имени
    Дэвамы булмагач, ник башын бирергэ икэн хикэянен????
    Балагызны үзем карап торам! - 1
  • 20 ноябрь 2020 - 15:20
    Без имени
    Ничэнче гасырда яшибез! Баш кутэрмэ хатын кыз кыскача. Бер 200 ел элекке вакыт турында укыган кебек булдым!..
    Көнләшү түгел, көнләшмәү куркыныч
  • 20 ноябрь 2020 - 15:44
    Без имени
    Ирең шалтыраткач "Мин бит бу, яшьлекне искә төшереп аласым килде" дисең дә бетте бит инде. Шаяруның ни гөнаһы бар?!
    Иремне югалта яздым... 
  • 20 ноябрь 2020 - 15:59
    Без имени
    Ир кешенең үз урынында торуы кирәк. " Ике бозауга кибәк аера белмәгән нәстә" дигән гыйбәрә бар, бу нәкъ менә анасы белән хатыны арасында алтын урталыкны сайлый белмәгән ирләргә карата әйтелә. Әни котырта, хатын котырта дип ике арада болганып йөрсәң тормыш булмый инде.
    Каенана һәм килен
  • 20 ноябрь 2020 - 17:01
    Без имени
    Зур йорэкле кешелэргэ сокланмый момкин тугел
    «Әти, без бит барыбер туган!»
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...