Акция кысаларында Н.М. Фешин исемендәге Казан сәнгать училищесы укытучылары күн сәнгате буенча “Милли бизәкләр” исемле мастер-класс тәкъдим итәр дип ниятләнә. Шулай ук Милә Нуруллинаның “Россия чәчәкләре” мастер-классында катнашу да мөмкин булачак.
Сәгать 14.00 дә татар шигъриятен сөючеләр Г.Тукай исемендәге Дәүләт премиясе лауреаты Роберт Әхмәтҗановның тууына 80 ел тулуга багышланган Әдәби салон утырышына чакырыла.
Сәгать 16.00 дә А.М.Горький исемендәге Әдәби – мемориаль музейда “Язучы – чор – герой. А.М.Горькийның тормыш һәм иҗат юлы”, “Ф.И.Шаляпин һәм Казан” исемле яңа экспозицияләр белән таныштыру планлаштырыла. В.И.Ленин музей-йортыннан “Госпожа Орлова” кунакларны көтеп кала. Сәгать 18.00 дә музейга “Боратынскийлар йортында таң” дигән бәйрәм уздырылыр дип көтелә.
Бәйрәм кичәсе Милли музейда “Җанланлы экспозиция” исемле экскурсия белән тәмамланачак.
“Сәнгать төне” – сәнгатьнең төрле юнәлешләрен һәм заманча технологияләрне берләштергән иҗат төне. Татарстан Республикасы Милли музеенда һәркем бу бәйрәмдә үзенә ниндидер бер яңалык ачар, әлеге чараны безнең белән бергә уздырырга теләүчеләрне тагын күп кенә сюрпризлар көтә.Следите за самым важным и интересным в Telegram-каналеТатмедиа
Комментарий юк