«Том Сойер» фестиваленә – койма буярга килегез!

Берәр нәрсә буйыйсыгыз килеп, кулыгыз «кычытса», быел җәй сезгә андый мөмкинлек чыгарга тора. 11 июнь көнне, кичке дүрттә Казан шәһәренең Ульянов-Ленин урамындагы 16 нчы йорт янында «Том Сойер Фест 2016» фестивале башланып китә. Мондый фестиваль узган ел Самарада узган булган, быел инде безнекеләрне дә илһамландырган. Проектның нигезенә волонтерлар ярдәме белән Казан урамнарының бизәге булган, аның борынгы йөзен күрсәткән агач яки агач-таш йортларны бизәү идеясе салынган. Фестивальне оештыручылар ТРОВООПИиК һәйкәлләрне саклау җәмгыяте һәм «Казан» журналы. Иганәчеләре – «Партнеръ и К» һәм «Стройдвор» җәмгыятләре. Төзелеш материаллары белән Tikkurila компаниясе ярдәм итә.

Бизәү-матурлау өчен Казанның Волхов һәм Ульянов-Ленин урамнарында урнашкан өч йорт сайланган. Унтугызынчы гасыр азагында төзелгән бу йортлар өр-яңадан буялып, тышкы агач элементлары – тәрәзә яңаклары, кәрнизләре төзәтеләчәк. Профессионал архитектор-реставраторлар Фәридә Зәбирова, Андрей Винокуров, Ирина Карпова, Анастасия Анцигиналар аларны төзекләндерү концепциясен булдырган, 3D моделен ясаган. Волонтерларга эшнең артык катлаулы булмаганы – кыру, сылау, кагу, буяу булса, агач элементларны яңарту эшен Кирилл Кузнецов башкарачак. Әгәр дә мәгәр, Казанның борынгы йөзе булган ул агач йортлар киләчәк буыннарны да сокландырсын дисез икән, мөмкинлегегез булса, буяшырга килегез. Сорау-тәкъдимнәрне проектның кураторы Мария Шаронованың «Вконтакте»дагы сәхифәсендә калдырырга, mariia/sharonova@gmail.com адресына юлларга яки 8987-207-45-00 телефонына шалтыратып әйтергә була.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    5967
    0
    81
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    8285
    0
    63
  • 3047
    0
    40
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3202
    3
    34
Реклама
Соңгы комментарийлар
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи