Тиздән Яңа Кырлайда “Тукай – FEST” интерактив чаралары башлана

Арча районы Мәдәният йорты үзенең яңа иҗат сезонын зур концерт белән башлап җибәрде. Әлеге Мәдәният йорты җитәкчесе Айрат Нурьязанов “Арча хәбәрләре” газетасы аша яңа иҗат сезонына төзелгән планнары белән таныштыра.

Яңа иҗат сезонын башладык, дибез, хәер, безнең ул тукталып тормады дисәк тә була, чөнки җәй дәвамында барган чаралар белән үз агымына кереп китте, ди районның Мәдәният йорты башлыгы. Соңгы вакытта гына да беренче балалар бакчасының юбилеен оештыруда ярдәм иттек, өлкәннәр ункөнлеген үткәрдек. Ул бер чара белән генә тәмамланмады, һәркөнне ни дә булса оештырырга тырыштык. Арчада гына түгел, авыл мәдәният учреждениеләрендә дә. Моңа концерт кына түгел, күргәзмәләр, очрашулар, йөри алмаган өлкәннәрнең өйләренә барулар – бар да керә, ди ул.

Әле җәен агитбригада белән йөрдек. Расих Галимҗанов җитәкчелегендәге агитбригада 15тән артык урында – ындыр табакларында булды. Кышкы сезонда агитбригада кечкенә 15 авылга концертлар белән чыгарга җыена. Моннан тыш, хәйрия концертлары уздыруны да традициягә керттек. Ул декабрь башында инвалидлар ункөнлегендә башланып китә һәм ел дәвамында бара. Концертын куябыз һәм шунда ук ярдәмгә мохтаҗ кешегә акчасын бирәбез. Узган ел шундый концертлар Шушмабаш һәм Ашытбашта булды. Хәйрия концертлары белән Яңа Чүрилегә психоневрологик интернатка, Арча өлкәннәр һәм инвалидлар йортына барабыз. Аларда безне көтеп алалар. Һәр оешма белән тыгыз элемтәдә торабыз, һөнәри бәйрәмнәрен үткәрәбез. Аларны оештыру, сценариен төзү, оешманың йөзен сәнгатьле итеп ачып бирү – безнең бурыч. Мәсәлән, өч ел рәттән инде “Татавтодор” оешмасының Арча филиалында Нәүрүз бәйрәме уздырабыз.

Алда да чаралар бик күп, оештырып кына өлгер. 24 октябрьдән Яңа Кырлайда “Тукай – FEST” интерактив чаралар башлана һәм алар ел буе дәвам итә. Кунакларны әкият геройлары белән кызыклы һәм мавыктыргыч формада, уен формасында дисәк тә була, каршылау, аларга Тукай иҗатына кагылышлы сораулар биреп, җаваплар алу, җавап бирә алмаса, “җәза” үтәтү һәм башкалар. Соңыннан барысы да Мәдәният йортына җыела, кичке уенга, мәсәлән. Бу чара 3-4 сәгатькә сузылыр дип көтелә. Монысы килгән кунаклар өчен күңел ачу чарасы булып тора. Аның беренчесе төрле районнардан җыйналган яшьләр иҗат фестивале делегатлары белән узачак. Моннан тыш, районда хезмәт итүче эшче яшьләр фестивален үткәрү планда тора. Ул башта авылларда, аннан өч көн буена Арчада була. “Төп йорт килене” бәйгесен быел да уздырырга уйлыйбыз. “Иң яхшы мәдәният учреждениесе” дигән бәйге дә игълан ителде. Кайсы мәдәният учреждениесе җиңә, шул үз җирлегендә башкаларга үрнәк булырлык бер чара үткәрергә тиеш булла, дип сөйли Айрат Нурьязанов.

Яңа ел бәйрәмнәренә дә күп калмады. Быел стадиондагы йортларны кыш көне дә кулланырга, балалар өчен чын әкияти бәйрәм оештырырга планлаштырабыз. Үзәк чыршыга барып җиткәнче, алар шул йортлар аша үтә, алардагы әкият геройлары белән уеннарда катнаша, соңгы йортта Кыш бабай белән очраша, аңа хат калдыра, җырлап, биеп күрсәтә, шигырь сөйли ала. Аннан чыршы янында бәйрәмдә катнаша. Бу чаралар 26 декабрьдән 13 гыйнварга кадәр көн саен кичке 6дан 9га кадәр дәвам итәчәк.

Алда әйтелгәннәргә әле ел дәвамында үткәрелә торган чаралар – һөнәри бәйрәмнәр, якташлар очрашулары, студентлар белән очрашу, республика, зона бәйгеләре һәм башкалар керә. Аннан быел “Рус җыры” халык вокаль ансамбленә 45, “Яшь йөрәкләр”гә 10 ел тула. Алар юбилейларын Арча Мәдәният йорты сәхнәсендә иҗат концерты белән билгеләп үтәргә җыена.

Арча Мәдәният йорты каршындагы “Җидегән чишмә” халык театры оешуга быел 30 ел тулды. Хәзерге вакытта аның “Спутник” төркеме каникул көннәрендә балаларга күрсәтү өчен Галимҗан Гыйльмановның “Кыш бабайда сер бар” әкиятен өйрәнү белән мәшгуль. Ә өлкәннәр Котдус Ситдыйковның “Серле утрау” исемле моңсу комедиясен сәхнәгә куячак, ди Арча районы Мәдәният йорты җитәкчесе Айрат Нурьязанов.

Арча районы Мәдәният йорты сайтында хәбәр ителгәнчә, әзерге вакытта анда 29 хезмәткәр эшли, шуларның 18е – белгеч. Җыеп кына әйткәндә, ел дәвамында район Мәдәният йорты тарафыннан 500дән артык мәдәни чара оештырыла. 14 клуб берләшмәсе уңышлы эшләп килә. “Егетләр”, “Ләйсән”, “Рус җыры” халык вокаль ансамбльләре, “Җидегән чишмә” халык театры, халык уен кораллары ансамбле, “Аллегро” бию төркеме чыгышлары элек-электән җыр-биюне юлдаш иткән Арча ягы халык сәнгатенең югары дәрәҗәдә булуын дәлилли, тырыш хезмәт белән ирешелгән уңышлар нигезендә үзешчәннәрен бөтен республикада таныта. Әлеге Мәдәният йортының 86 филиалы бар.

чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2714
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7372
    2
    108
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан