«Татмедиа» агентлыгында монополиягә каршы дүртенче пакетның төп нигезләмәләре турында сүз барды

Бүген Монополиягә каршы федераль хезмәтнең Татарстан Республикасы буенча идарәсе җитәкчесе Павел Козел «Татмедиа» агентлыгында «Татар-информ» МА оештырган матбугат конференциясендә  монополиягә каршы дүртенче пакетның төп нигезләмәләре турында сөйләде.
2015 нче елның 5 нче октябрендә РФ Президенты Владимир Путин «Конкуренцияне яклау турында»гы Федераль законга үзгәрешләр кертү турында ФЗны имзалаган иде. Әлеге закон Монополиягә каршы федераль хезмәт тарафыннан эшләнгән.

Закон бизнес өчен административ чикләүләрне күпкә кыскартуны һәм бер үк вакытта дәүләтнең икътисадта катнашын киметүне күздә тота. Павел Козел билгеләп үткәнчә, намуссыз конкуренциягә, хакимият органнары гамәлләренә карата кисәтү институты киңәя. «Хакимият органнарының барлык гамәлләре кисәтү аша узачак. Әгәр хилафлык була калса, аларны бетерү вакыты билгеләнгән булачак», - диде спикер. Ул аңлатканча, хакимият органнары вазифаи затлары тарафыннан кылынган монополиягә каршы хилафлыкларны оператив төстә бетерү, икенче яктан, конкуренцияне яклау турындагы законны берничә мәртәбә бозган түрәләр өчен катгыйлык механизмы барлыкка килә. «Закон кабаттан бозылган очракта, вазифаи зат өчен берсүзсез дисквалификация каралачак», - диде П. Козел.

Товар базарында өлеше 35 проценттан югары булган затлар исемлеге дә кыскартылачак. Россиянең Монополиягә каршы хезмәте фикеренчә, реестрга кертү гражданлык хокукларын тәэмин итүгә чикләүләрне генә түгел, өстәмә вазифаларны да күздә тота. Бу реестрны кыскарту аңа кергән компанияләрнең административ мәшәкатьләрен күпкә киметәчәк.

Моннан тыш, закон РФ Хөкүмәтенә, монополиягә каршы закон бозулар булган очракта, күпләп тупланган товар базарларында товарга дискриминацион булмаган юл белән үтеп керү кагыйдәләрен билгеләү хокукын бирә.

Монополиягә каршы дүртенче пакетның тагын бер яңалыгы – икътисади концентрация контроле кагыйдәләре буенча, Россия Монополиягә каршы хезмәтенең алдан ризалыгы белән, уртак эшчәнлек алып бару турында хуҗалык итүче субъектларның килешүләр төзүен күздә тота.

«Конкуренцияне яклау турындагы законга яңа «сатып алучылар картеле» төшенчәсе кертелде. Монополиягә каршы хезмәт сатучының гына түгел, сатып алучының да товар сату буенча үз шартларын кую очракларын ачыклаган. Әгәр сатып алучылар үзара килешеп, сүз куешып, теге яки бу предприятиегә «бүген бу бәягә сатып алганбыз икән, иртәгә инде бу бәягә риза булмаячакбыз» дип шартын куя икән, сату күләмнәре шактый төшә, керем кими дигән сүз. Алга таба мондый гамәлләргә чик куелачак. Хәзер без кулланучыларны гына түгел, менә шундый намуссыз сатып алучылар гамәлләреннән зыян күргән субъектларны да яклаячакбыз. Суд практикасында мондый мисаллар бар, әмма законда ул теркәлмәгән иде. Бу хатаны төзәтергә уйладык», - диде Павел Козел.

Төзәтмәләр агымдагы елның 5 нче гыйнварында законлы көченә кергән.

сылтама: http://tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8245
    0
    82
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7473
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3624
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4438
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3524
    0
    26
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда