Татарстанда II төбәкара «Болгар - Туган тел» форумы эшен башлады

Болгар музей-тыюлыгында II төбәкара «Болгар - Туган тел» форумы эшен башлады. 29 июньгә кадәр дәвам итәчәк әлеге форумда Татарстанның барлык районнарыннан һәм Россиянең дистәдән артык төбәгеннән 14-17 яшьлек 600ләп бала һәм яшүсмер катнаша.

«Болгар - Туган тел» ТР Мәгариф һәм фән министрлыгы тарафыннан ТР Яшьләр эшләре һәм спорт министрлыгы һәм «Сәләт» фонды белән берлектә оештырыла. Форумның программасы татар халкының рухи-мәдәни мирасын саклап калуга киңлек булдыруга, татар телен һәм мәдәниятен өйрәнү, шулай ук тормышның төрле өлкәләрендә туган телне гамәли файдалану күнекмәләрен үзләштерүгә юнәлтелгән.

Форумный сайтында әйтелгәнчә, лагерь программасы уку-укыту, мәдәният өлкәсенә кагылышлы чараларны үз эченә ала. Программа үзара бәйләнгән 4 блоктан тора. Алар, бер-берсен тулыландырып, катнашучыларга татар мәдәнияте белән танышу мөмкинлеге тудыра. Шулай ук программа кысаларында лагерьны тантаналы рәвештә ачу һәм ябу, спорт чаралары, корпоратив чаралар уздыру, Болгар музей-тыюлыгы территориясе буенча квест экскурсияләр оештыру каралган.

Әйтик, «Лингвистика, тарих» юнәлешенең төп максаты – катнашучыларны тел мохитенә алып керү һәм лингвистика, этимология, тарих белән таныштыру. Бу профиль кысаларында галимнәр Фаяз Хуҗин, Кадрия Фәтхулова, Рәдиф Җамалетдинов, Индус Таһиров, шагыйрь Ренат Харис, язучы Рабит Батулла катнашында мастер-класслар уздыру ниятләнә.

«Гаммәви мәгълүмат чаралары» юнәлеше исә татар телен һәм мәдәниятен гаммәви мәгълүмат чараларында файдалану күнекмәләренә төшерендерүгә юнәлтелә. Профильнең кунаклары республиканың әйдәп баручы ГМЧда эшләүчеләр – Йолдыз Миңнуллина, Раил Өметбаев, Луиза Янсуар, Зөһрә Фатыйхова, Алисә Җамалиева, Миләүшә Насыйбуллина һ.б. Мастер-класслар барышында катнашучылар язмалар иҗат итә, интернет челтәрендә яңалыкларын урнаштыра, әңгәмәләр әзерли, видеороликлар төшереп монтажлый. Кичке чара барышында татар телен үстерүгә багышланган видеоязмалар һәм социаль рекламалар карау күздә тотыла.

«Мәдәният һәм сәнгать» профиле милли уеннар, театр, җыр һәм бию, халык иҗаты, рәсем аша татар мәдәнияте белән таныштыруны күз уңында тотып оештырыла. Аның кысаларында милли бәйрәм Сабан туе үткәрелә. Анда һәр бала иҗади чыгышын тәкъдим итә, милли ашлар пешерергә өйрәтә, ярышларда катнаша ала.

«Кул эшләре остаханәләре» юнәлешенең төп максаты – катнашучыларны кул эшләренә бәйле милли мәдәният белән таныштыру. Аның кысаларында яшь дизайнер Миләүшә Мусина татар милли киемнәре тарихы, дизайн студиясе җитәкчеләре Ләйсән һәм Айдар Мәрданшиннар милли бизәкләр һәм дизайн, аяк киеме остасы Илдар Шәйхетдинов милли аяк киемнәре турында сөйләячәк. Шулай ук татар халкының милли уеннары, борынгы йолалары, риваятьләре һәм мифлары белән таныштыру да күздә тотыла.

Форумның гимны да була. Аның авторлары – «Ялкын» журналының баш мөхәррире, шагыйрә Йолдыз Миңнуллина һәм тамашачыларга «Алтын Казан» мюзиклы, «Кара пулат» операсы аша яхшы таныш яшь композитор Эльмир Низамов.

Форум эше «2014-2020 елларга Татарстан Республикасында ТР дәүләт телләрен һәм башка телләрне саклау, өйрәнү һәм үстерү» дәүләт программасын тормышка ашыру кысаларында оештырыла.

 Форум мөмкинлеклре белән биредә танышырга мөмкин.

сылтама: http://tat.tatar-inform.ru/news/2015/06/23/110665/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4561
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13176
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2833
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11346
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13789
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда