Татарстан – халыклар дуслыгының символы

Халыклар бердәмлеге көненең мәгънәсен аңлау, төрле милләт һәм дин вәкилләренең бердәм тормышына соклану өчен Татарстанга килергә кирәк. Нәкъ менә ул халыклар дуслыгы һәм бердәмлек буенча Россиянең башка төбәкләренә генә түгел, чит илләр өчен дә үрнәк ролен үти, дип саный Россиянең Дәүләт Думасы депутаты Александр Сидякин.


4 ноябрь – Россиядә Халыклар бердәмлеге көне буларак бәйрәм ителә. Быел ул илебездә 23 нче ел рәттән билгеләп үтелде. Әлеге уңайдан Казанның меңьеллык мәйданында зур митинг-концерт оештырылды. Халык шулкадәр күп иде ки, аларның сөенечле алкышлары музыка тавышын да күмеп китте, хәтта. Кемдер җырлап-биеп күңел ачса, башка берәүләр фотога төшеп рәхәтләнде.



Бердәмлекнең әһәмияте арта

- Бу – яңа бәйрәм. Ул илебез өчен бик зур әһәмияткә ия дип саныйм. Дөньяда вәзгыять хәзер шактый катлаулы. Телевизорны ачарлык түгел: әллә ниниди куркыныч нәрсәләр турында сөйлиләр. Мондый шартларда бердәмлек, дуслыкның әһәмияте бермә-бер арта. Шәхсән мин Татарстанда яшәвем белән горурланам. Алга таба да дус булыйк, бердәм булыйк, - дип уртаклашты безнең белән бәйрәмгә килгән Фәния ханым.



Ул бирегә оныгы белән килсә, Алия һәм Евгений Кузнецовлар бөтен гаиләләре белән чыккан.

- Бәйрәм булгач, килми калмадык инде. Моңа кадәр әлеге көннең ни дәрәҗәдә зур әһәмияткә ия булуын аңламаганбыз икән. Ә бит чыгыш ясаучылар дөрес әйтә – Татарстан рус һәм татар милләтләренең, ислам һәм православ диннәренең үзара дус һәм тату яшәве буенча бик күпләр өчен үрнәк, - дип уртаклашты яшь гаилә.



Чит илләр дә көнләшә

Чыннан да, чыгыш ясаучыларның барысы да бәйрәм кунакларына дуслык, татулыкның әһәмияте турында сөйләде.

- Россия – күпмилләтле ил. Татарстан исә аның аеруча күпмилләтле төбәге. Безнең республикада халык үзенең һәм башка милләт вәкилләренең гореф-гадәтләрен, милли-мәдәни традицияләрен хөрмәт итә. Без бердәм. Дус-тату гомер кичерәбез, бергәләшеп алга барабыз, камилләшәбез. Нәтиҗәдә, тормышыбыз көннән-көн яхшыра, байлыгыбыз арта, - дип ассызыклады Татарстан Халыклар дуслыгы йорты директоры Ирек Шәрипов.



Ул китергән мәгълүматларга караганда, хәзерге вакытта Татарстанда 100 дән артык милли-мәдәни берләшмә эшли. Алар республиканың чын мәгънәсендә визит карточкасына әверелгәннәр инде.

- Соңгы ике ел эчендә республикада 45 тән артык чит ил делегациясе кунак булды. Төп максатлары – үзара милли мөнәсәбәтләрне җайларга өйрәнү, бездән, Россиядән үрнәк алу булды. Безнең бердәмлекне, уртак омтылышларны күреп, шаккатып киттеләр, - дип дәвам итте сүзен җитәкче.



“Сәләт” фондының башкарма директоры Тимур Сөләйманов исә үзенең чыгышында Татарстанның мөмкинлекләр территориясе булуына басым ясады.

- Биредә үз потенциалыңны тормышка ашыру, яхшы белем алу, үз алдыңа зур максатлар куеп, аларга ирешү өчен барча мөмкинлекләр дә тудырылган. Чөнки кеше – безнең республиканың иң зур кыйммәте. Әйе, без барыбыз да төрле, тик без бердәм, - дип бәйрәмгә җыелган халыкка мөрәҗәгать итте Тимур Сөләйманов.



Дуслыкның чын мәгънәсе Татарстанда аңлашыла


Чара җыр һәм биюләр белән дәвам итте. Көннең шактый салкын булуына карамастан, берәү дә кайтып китәргә ашыкмады. Киресенчә, балалар да, өлкәннәр дә рәхәтләнеп күңел ачтылар. Мәскәүдән исә әлеге бәйрәмгә Дәүләт Думасы депутаты Александр Сидякин килгән иде.


 


- Биредә – меңьеллык тарихы булган шәһәрдә милләт һәм диннәр һәрвакыт тоташ үрелеп камилләшкәннәр. Әлеге дуслык, бердәмлекнең тарихы бик еракларга барып тоташа. Шуңа күрә Казан  өчен Халыклар бердәмлеге көне аеруча зур игътибарга ия дип саныйм. Нәкъ менә биредә әлеге бәйрәмнең мәгънәсе тулысынча аңлашыла, - дип ассызыклады Александр Сидякин.

Ул Татарстанда татар һәм рус милләтләре, ислам һәм православ диннәренең бер-берсенә шул дәрәҗәдә якын торуларына соклануын яшермәде.

- Биредә мәчет һәм чиркәүләр бер-берсенә бик якын урнашкан. Татарстанның беренче Президенты Минтимер Шәймиев Болгар һәм Зөяне берьюлы төзекләндерә, әлеге мәдәни мирасларны саклау өстендә бик зур эшләр башкара. Шул рәвешле, республикада ислам һәм православ диннәре турында берьюлы кайгырталар. Бу – һәркем өчен зур үрнәк, - дип белдерде депутат.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4644
    11
    117
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13294
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2889
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11528
    16
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13928
    4
    73
Реклама
Соңгы комментарийлар
  • 3 октябрь 2022 - 22:11
    Без имени
    Фикеремне калдырган идем, нигэдер бик озак тикшерэлэр))). Дэвамын котэм. Зур рэхмэт Авторга! Татарча рэхэтлэнеп укыдым. Раушанияны жэллэдем. Нигэ ул шул хэтлем .... юаш булды икэн?!
    Гомерем усал кайнана, исерек ир белән үтте 11
  • 3 октябрь 2022 - 17:54
    Без имени
    Минем энкэем дэ шулай яшэгэн. Балага узгач(мин,а), энисе(минем эбием) кышкы буранга карамыйча, 100 километр ераклыгына карамыйча, ат ж,игеп чанага, узенен, кызын туган оенэ алып кайткан. Э минем "этием", 42 яшендэ исерек килеш кышкы суыкта, алачыкта тун,ып улгэн, "хатыны"(бергэ яшэгэн бичэсе) "исерек син"дип оенэ кертмэгэч....
    Гомерем усал кайнана, исерек ир белән үтте 11
  • 3 октябрь 2022 - 17:55
    Без имени
    Дэвамын котэм, кадерле Автор!
    Гомерем усал кайнана, исерек ир белән үтте 11
  • 30 сентябрь 2022 - 09:42
    Без имени
    Бер конне Ирегез егетегезгэ узе сойлэп бирэчэк сезнен кем икэнегезне. Ох ялгышасыз. Иргэ ышанма иделгэ таянма, тем более аерылганга
    Газаплы очрашу
  • 30 сентябрь 2022 - 16:56
    Без имени
    Зур рэхмэт сезгэ! Шундыйтэмне итеп язгансыз! Сезнекуреп сойлэшэсе, утырып чэй эчэсе килеп китте.
    «Ике ишек тишеп, икең ике якка чыгарга язмасын...»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда