Татарстан аюы түбәтәйле, читекле һәм камзуллы булачак

1 июльдән «Казан» гаилә үзәге янында «Tht Minis United Buddy Bears» күргәзмәсе эшли башлады. Анда БМОга кергән илләрнең символлары сурәтләнгән аюларның кечкенә вариантлары сыннары урнаштырылган. Күргәзмә ачылу тантанасында Татарстан аюын бизәкләү буенча бәйге игълан ителгән иде. Аның нәтиҗәләре белән бүген «Татар-информ» МА тарафыннан уздырылган матбугат конференциясендә таныштырдылар.
Бәйге 1-10 июль көннәрендә үткәрелеп, 10-15 июль көннәрендә социаль челтәрләрдә тавыш бирү уздырылган, 16 нда исә жюри җиңүчене билгеләгән.

Казан шәһәренең туризмны үстерүгә ярдәм комитеты директоры Евгения Лодвигова сүзләренчә, чара казанлыларга бик ошаган. Моны социаль челтәрләрдәге фотосурәтләр дә дәлилли.

Татарстан аюын бизәкләүне чараны оештыручылар үзләре тәкъдим иткән. Конкурска 170 тән артык иҗади эш юлланылган. Тавыш бирүдә исә 2 меңләп кеше катнашкан. Бәйгедә, Татарстаннан тыш, Түбән Новгород, Чабаксар кебек шәһәрләрдән дә катнашучылар булган.

Евгения Лодвигова сүзләренчә, бәйгегә юлланган һәр өченче аю эскизы түбәтәйле булган. Конкурста җиңү яулаган Мия Мусинаның аюы да түбәтәйле һәм милли бизәкләргә бай. Милли үрнәкләр аюның гәүдәсендә генә түгел, йөзенә дә төшерелгән. Түбәтәйдән тыш, Татарстанны тәкъдим иткән аю милли бизәкләр төшерелгән читекләр һәм камзул кигән. Камзулның аркасына «KAZAN» дип язылган. Башка аюлар янына аны 23 июльдә урнаштыру планлаштырыла.

Казан кызы Мия 1997 елда туган һәм рәссамнар гаиләсеннән булуы билгеле.

«Tatarsis» инновацион музыка хәрәкәте проекты җитәкчесе Ольга Паранина хәбәр иткәнчә, буялмаган аюның бәясе 1,5 мең евроны тәшкил итә.

«Мондый күргәзмәләрне тәкъдим итәр өчен мохит кирәк. Казан әлеге төрдәге чараларны уздырырга әзер дип саныйм», - диде ул. Татарстан аюы 31 августта, күргәзмә тәмамланганнан соң, Берлиндагы галереяга җибәрелә. Берникадәр вакыттан соң ул Казанга кире кайтарылачак.

Казанда уза торган Су спорты төрләре буенча дөнья чемпионатында катнашучылар күргәзмәдә урнаштырлган аюларның вәкилләре итеп билгеләнгән. Шуны да искәртергә кирәк, БМО әгъзалары булган дәүләтләрнең символларын чагылдырган зур аюлар күргәзмәсе Россиядә элек булган, ә аларның кечкенә күчерелмәләре күргәзмәсе исә безнең илдә беренче тапкыр тәкъдим ителә.

сылтама: http://tat.tatar-inform.ru/news/2015/07/20/111428/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4606
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13211
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2852
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11406
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13833
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда