Тал мамыгы кебек киттең очып…

Кайгылы хәбәр көтмәгәндә, уйламаганда килеп иреште… Шагыйрь, Габдулла Тукай исемендәге Дәүләт премиясе лауреаты Рөстәм Зәкуанов вафат…

Күз алдыннан, кино кадрлары кебек, җитез, тиктормас,  гади, ягымлы, ярдәмчел Рөстәм йөгереп узды. Казан дәүләт университетында, журналистика факультетында укып йөргән студент чаклары истә… Редакциядә эшләгән елларын хәтерлибез… Татарстан Дәүләт Советы депутаты булып, халык мәнфәгатьләрен яклап йөрүләре күз алдында… Соңгы елларда «Таттелеком» АҖда матбугат үзәге җитәкчесе вазыйфасында тарихи мирасыбызны, мәдәниятебезне үстерү һәм саклап калу юнәлешендә бөтен җанын биреп, тырышып йөрүләре исә барчабызны сокландырган иде… Тукай премиясе бирелгән шатлыклы көннәр… (Вахит Имамовның «Зәкуан булмаса, Кырлайда Сәгъди абзый утары булмас иде», – дип язган сүзләре генә дә Рөстәмнең Тукай дөньясына никадәр якын булуын сөйли түгелме?) 
Азнакайда, Ык буенда туып үссен дә, ничек шагыйрь булмасын ул, күңелендә ничек җырлар тумасын! Рөстәм Зәкуановны халкыбыз аның шигырьләренә язылган популяр җырлары өчен аеруча яратты, үз итте.
Яшисе дә, яшисе иде бит әле. Халкыбызны матур җырлар, изге гамәлләр белән сөендерәсе дә, сөендерәсе иде…
 Җаннарыбыз телгәләнеп,  кабат-кабат Рөстәм Зәкуанов шигырьләрен кулга алабыз. Һәр сүзе, фикере, хисе бу сагышлы минутларда үзенә бер мәгънә яшергән кебек. Әйтерсең шагыйрь безгә соңгы сүзен җиткерә, хушлаша…
Картаяммы?! Кими җегәр,
Арыйм дөнья шау-шуыннан…
Елый кебек бәллүр чишмә,
Моң түгелә агышыннан.
Ялгыз калган аккош кебек
Бәргәләнәм сагышмнан.
Салмак җилдә бөтерелеп,
Тал мамыгы китте очып…


***
Еллар буе һаман ашыгабыз,
Кемдер куа гүя артымнан.
Теләсәм дә кайчак туктый алмыйм –
Язмыш йөгәнләгән атымны.
Уңга-сулга йолкый язмыш җиле,
Яфрак кебек оча көннәрем.
Гомер мизгелләре бөтерелә,
Хатирәләр кайта төннәрен.
Хатирәләр, гүзәл хатирәләр,
Сөюләрдән йөрәк янгандыр.
Хәсрәтләрдән җаннар өшегәндер,
Йөрәк туңган чаклар булгандыр.
Яманнары күптән онытылган,
Сынауларны һәркем эзләренә бары
Калган сарылып сагыш тузаны…

***
Шатлык кына түгел, кайгысы да
Көтмәгәндә үтә кагылып…

***
Үткәннәргә ләкин юллар ябык,
Кайтып булмый кабат кирегә…

***
Шулай яратылган фани дөнья;
Ходай сыный безне һәр көнне.
Язмыш белән шулай бил алышып,
Узып барам язган гомерне…

***
Куалыймын һаман чаптарымны,
Җитеп булмый язмыш артыннан.
Язларымны кышлар алыштыра,
Гомер чаба еллар артыннан.
Көннәр уза гүя мизгел кебек,
Бу гомерләр ай-һай бик кыска.
Кемдер туа, кемдер дөнья куя,
Яшәү кануннары кырыс ла…

***
Җырладым, җырлармын һаман да,
Җанымда моңнарым бар әле.
Мин гашыйк тормышка, күңелемә
Сагышка урыннар тар әле…
Гомерем көзләргә барса да,
Көтәсе язларым бар әле…


Сине сагыну, юксыну мизгелләре бездә, Рөстәм… Тал мамыгы кебек киттең очып… Бик авыр безгә…

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 27 сентябрь 2020 - 23:10
    Без имени
    Аяныч
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11635
    5
    146
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7333
    1
    95
  • 8171
    2
    54
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...