Сусауның шундые да була...

Габдулла Тукай исемендәге Татар дәүләт филармониясендә Башкортстанның халык шагыйре Әнгам Атнабаевның тууына 90 ел тулуга багышланган әдәби-музыкаль кичә узды.
Кичә башланырга берничә минут кала телефоныма «смс» хәбәр килеп төште. «Гөлнур, хәерле кичләр! Сез бу вакытта өйдәдер инде?» «Башкортостан кызы» журналының баш мөхәррире Гөлназ ханым Кутуева яза икән. «Әнгам Атнабаев кичәсендә утырам», – дип җавап бирәм. «Атнабаевта? Уфада?!» Бераздан аңлаштык: баксаң, нәкъ шушы көнне, шушы сәгатьләрдә Уфа шәһәрендә дә яраткан шагыйребезне искә алу кичәсе бара икән... Кызык, димәк, алар да, без дә бер дулкында...
 
«Җиз кыңгырау моңнары», «Галия-Заһир җыры», Хушыгыз, хыялларым», «Сагынганда»... Җырны – шигырь, шигырьне җыр алыштыра. (Алдан ук әйтеп куйыйм әле – нигәдер сәхнәдә «Бәхет» (Әнвәр Монасыйпов көе) яңгырамады. Минем кебек ул җырны көтеп утыручылар тагын булгандыр әле, мөгаен. «Бәхет» диюгә, сезнең дә колакта Вафирә апа Гыйззәтуллина тавышы ишетелә башлыймы ул?
 
Шул бәхетемне эзләп юлга чыктым,
Юлым сикәлтәле, әремле...
 
Әллә бүгенгеләр бу җырны башкармыймы соң? Югыйсә, Әнгам Атнабаевның иң билгеле җырларыннан берсе бит инде ул. Искиткеч тирән мәгънәле сүзләр ул җырда!)
 
Соңгы вакытта социаль челтәрләрдә Атнабай шигырьләрен тыңлап болай да кинәнгән идек инде (Башкортстанның халык шагыйре Әнгам Атнабаевка багышланган бу флэшмоб өчен Татар дәүләт филармониясенә аерым рәхмәт! Ул аны «Татар-информ» мәгълүмат агентлыгы һәм «Тәртип» радиосы белән берлектә оештырды). Филармония бинасында узган бу кичә исә шигырь тыңларга (затлы шигырь тыңларга!) никадәр сусаган булуыбызны тагын бер кат күрсәтте.
 
Атнабай шигырьләрен безгә сәхнәдән Россиянең һәм Татарстанның халык артисты Ринат Таҗетдинов, Татарстанның халык артистлары Дания Нуруллина һәм Хәлим Җәләй, Башкортстанның атказанган, Татарстанның халык артисты Җәвит Шакиров, Татарстанның атказанган артисты Раил Садриев, Илдар Кыямов, Илгиз Мөхетдинов һ.б. укыды. Татарстанның һәм Башкортстанның халык артисты Айдар Галимов, Татарстанның халык артисты Асаф Вәлиев, Татарстанның атказанган артистлары Филүс Каһиров, Айгөл Бариева; Илназ Баһ, Илсөя Бәдретдинова, Илшат Вәлиев, Чулпан Йосыповалар аның сүзләренә язылган көйләрне яңгыраттылар.
 
Татарстанның халык шагыйре Роберт Миңнуллинның сөйләгән хатирәләре дә бу кичәдә бик урынлы булды. Кулына якташ шагыйренең китабын тотып менгән иде ул сәхнәгә.
 
– Әнгам Атнабаевның бу китабы мин унынчы класста укыган елны басылып чыкты, – диде ул. – Мин аны китап кибетеннән унны сатып алдым. Алып кайттым да дусларыма, укытучыларыма бүләк иттем. Ә берничә көннән мине эзләп өйгә китап кибете сатучысы килде. «Синдә китаплар калдымы әле? Райкомнан сорыйлар», – ди. Ике китабым калган иде – сатучы аларны миннән кире алып китте... Менә шушы кечкенә генә бер факт та ул елларда Әнгам Атнабаевың Башкортстанда ни дәрәҗәдә популяр булуы турында сөйли.
 
«Атнабай, ниһаять, Татарстанга да тулы хокуклы, популяр шагыйрь булып килде», – диде Роберт Миңнуллин.
 
Тамаша залында Әнгам Атнабаевның улы Азамат һәм оныгы Ләйсән дә бар иде. (Азамат Атнабаев – Әлмәт шәһәрендә яши, ул гомере буе төзелештә эшләгән. Оныгы Ләйсән – Казанда тора, юридик факультетның аспирантурасында укый. Без аны этикет буенча дәресләр бирүче белгеч буларак та беләбез. Шигъри флэшмобка кушылып, Ләйсән бабасының шигырен дә укыган иде. Сез аны «Татар-информ» мәгълүмат агентлыгы сайтыннан табып тыңлый аласыз.)
 
Кичәгә шагыйрь Әнгам Атнабаевны белгән, аны хәтерләгән, яраткан тамашачы килгән иде. Аның җырлап торган шигырьләрен яттан белгән тамашачы: өйгә кайтканда, мин автобустан төшеп калганда да, филармония каршындагы тукталышта бергән утырган юлдашларым һаман Атнабай шигырьләре турында сөйләшәләр иде әле... Өлкәнрәк буыннар, әлбәттә. Әмма кичәнең Әнгам Атнабаев шигырен 7 яшьлек Әмир Гайнатуллин сөйләве белән башлануында шулай ук тирән мәгънә ята иде, минемчә.
 


концерт видеосы биредән алынды: http://intertat.tatar/society/ngam-atnabaevny-uly-ti-rli-d-belm-de-ul-svo-o-loch-dip-ytep-salsa-shunnan-barysy-da-a-lashyla/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9469
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9601
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5280
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4074
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6476
    2
    30
Реклама
Соңгы комментарийлар
  • 31 июль 2021 - 14:13
    Без имени
    Аллаһыга сыенырга кирэк, догалар укырга, дога ярсыган йорэкне тынычландыра ул.
    Ничек онытырга?
  • 31 июль 2021 - 23:11
    Без имени
    3 тапкыр ташлаган нинди кинэш сезгэ. Бер нинди кинэш тэ сезгэ булышмый.
    Ничек онытырга?
  • 31 июль 2021 - 22:51
    Без имени
    Азрак гордость диган айбкр булырга тиеш сина аягын сорткан да сорткан бит и биграк исар булгансын бит.
    Ничек онытырга?
  • 1 август 2021 - 20:56
    Без имени
    Җуләр, нәрсә дип әйтим...
    Ничек онытырга?
  • 1 август 2021 - 21:15
    Без имени
    Ачу кила башлады инде, бер да узенне ихтирам итмисен икан.
    Ничек онытырга?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан