Сулыкларда сак булыйк!

Атна ахырына Татарстанда һава торышы 28 градуска кадәр җылытырга мөмкин – синоптиклар шундый фараз белән сөендерә. Эссе булгач, су коенасы, комлыкта кызынып ятасы да киләчәк. Тик сулыкларда саклык чаралары турында бөтен кеше дә уйламый гына.

Кечкенә сулыклар буенча Татарстанның баш дәүләт инспекторы Юрий Венедиктов бүген матбугат очрашуында хәбәр иткәнчә, саксыз гамәлләр аркасында республика сулыкларында һәлак булучылар саны, узган елның шушы вакыты белән чагыштырганда, ике тапкырга кимегән. Узган ел 49 кеше су корбаны булса, быел андыйлар – 28. Быел коткаручылар 18 кешенең гомерен саклап кала алган (узган ел коткарылганнар 30 булган). Ә барлыгы быел сулыкларда 37 фаҗига теркәлгән (узган ел – 65).

Шулай да, фаҗигаләр саны кимеде, дип шатланырга иртәрәк. «Халык, сулык күрүгә, саклык чаралары турында бөтенләй оныта», – ди Юрий Венедиктов. Мисал өчен, быел сулыкларда батып үлгән кешеләрнең 7се исерек хәлдә булган, 9ы тиешсен урында коенган. Ә 10 кеше көймә әйләнеп каплану сәбәпле баткан.

Иң күп фаҗига Түбән Кама сулыкларында теркәлгән. Биредә быел гына да 4 кеше батып үлгән инде. Чистай, Казан һәм Әгерҗедә өчәр кеше баткан. 

Юрий Венедиктов әйтүенчә, республикада 297 җәмәгать ял итү урыны бар. Аларда тәртипне саклау өчен 113 патруль төркеме булдырылган. Шулай да кешенең үзеннән дә күп нәрсә тора. Кеше 80 процентка судан торса да, сулыкларның куркыныч тудыруын онытырга ярамый. Су корбаны булу өчен күп вакыт кирәкми – 1-2 минут та җитә. Шуңа күрә үзебезнең һәм якыннарыбызның тормышына игътибарлы булсак иде!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    5972
    0
    81
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    8290
    0
    63
  • 3053
    0
    40
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3202
    3
    34
Реклама
Соңгы комментарийлар
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи