Спортның су төрләре буенча Дөнья чемпионаты кысаларында Камал театры спектакльләр күрсәтә

7-15 август көннәрендә Г.Камал исемендәге Татар дәүләт академия театры, спортның су төрләре буенча Дөнья чемпионаты кысаларында, тамашачыларга 9 спектакль тәкъдим итә.

Спектакльләр циклы Кәрим Тинчуринның «Зәңгәр шәл»е белән башлана һәм тәмамлана. Бу очраклы түгел, чөнки «Зәңгәр шәл» күптән инде театрның «йөзек кашы»на әверелде. Әлеге пьеса татар театры сәхнәсендә 1926 елдан бирле уйнала, һәр буын тамашачы аны яратып кабул итә.

Спектакльне 7 августта 19.00дә һәм 15 августта 18.00 сәгатьтә Камал театрында карарга мөмкин булачак.

8 август сәгать 18.00 дә Нәкый Исәнбәт һәм Саадалла Ваннус әсәрләре буенча сәхнәләштерелгән «Хуҗа Насретдин» спектакле күрсәтеләчәк.

9 август сәгать 19.00 дә Илгиз Зәйниевның «Бабайлар чуагы» тәкъдим ителә. Әлеге лирик комедиядә татар театрының данлыклы артистлары Ринат Таҗетдинов, Әзһәр Шакиров, Равил Шәрәфиев, Ирек Баһманов, Наилә Гәрәева уйный.

10 август сәгать 19.00 дә Туфан Миңнуллин әсәре буенча сәхнәләштерелгән һәм тамашачылар яратып кабул иткән «Гөргөри кияүләре»н күрергә мөмкин.

Зөлфәт Хәкимнең «Искән җилләр көенә»сен 11 августта кичке 7 дә карарга була. Әлеге романтик комедиядә театрның яшь, артистлары Ришат Әхмәдуллин, Нәфисә Хәйруллина, Эмиль Талипов, Айгөл Хәйруллина һ.б. катнаша.

12 августта Галиәсгар Камал пьесасы буенча «Банкрот» сатирик комедиясе тамашачылар хозурына тәкъдим ителә. Спектакль сәгать 19.00 дә башлана.

109 сезонның беренче премьерасы - «Сөясеңме, сөймисеңме...» спектаклен 13 августта 19.00 дә карап булачак. Төп рольләрдә – Равил Шәрәфиев һәм Дания Нуруллина. Спектакль драматург Флорид Бүләковның якты истәлегенә багышлана.

14 август сәгать 19.00дә Фәрит Бикчәнтәев сәхнәләштергән «Мулла» спектаклен карау мөмкинлеге бар. Төп рольләрдә – Эмиль Талипов, Искәндәр Хәйруллин. Әлеге пьеса данлыклы драматург Туфан Миңнуллинның иң соңгы әсәрләреннән берсе, диелә театрның матбугат хезмәте хәбәрендә.

Барлык спектакльләр дә рус һәм инглиз телләренә синхрон тәрҗемә белән тәэмин ителгән.

сылтама: http://tat.tatar-inform.ru/news/2015/07/28/111748/
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4559
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13176
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2832
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11343
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13788
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда