​Спортчылар депутатлар белән очрашты

Татарстанның көньяк-көнчыгыш районнарындагы спорт структуралары җитәкчеләре Дәүләт Советы депутатлары, «Бердәм Россия» фракциясе әгъзалары Ринат Хәйров һәм Марат Барыев белән очрашты. Очрашу барышында спорт өлкәсендә үсеш мәсьәләләре каралды.

Әлмәттә 50 метрлы яңа «Мирас» бассейны төзү күздә тотыла, велоюл салуның беренче этабы тәмамланып килә. Депутатлар алдына яңа гозер-сораулар да куелды. Төбәктә берничә балалар спорт мәктәпләре капиталь төзекләндерүгә мохтаҗ, әлеге объектларны планга кертергә һәм финанслау мөмкинлекләрен табарга кирәк. Бүгенге көндә Түбән Мактама җирлегендәге спорт комплексы базасында яңа балалар яшьләр спорт мәктәбе ачу мәсьәләсе каралды һәм депутатлардан ярдәм соралды.

«Республикада физик культура һәм спортны үстерү республика программасы гамәлгә ашырыла. Без халыкның спорт белән шөгыльләнүенә барлык шартлар тудырылуын телибез. Бу – дәүләт мәсьәләсе, чөнки спорт – ул физик сәламәтлек, ә сәламәт халык – сәламәт ил, сәламәт икътисад. Төп эш, әлбәттә, җирлектәге белгечләр – физкультура укытучылары, тренерлар, сәламәт яшәү рәвешен пропагандалаучы иҗтимагый оешмалар җилкәсенә төшә. Ә без һәркем спорт белән шөгыльләнә алырлык шартлар тудырырга тиеш», – ди Ринат Хәйров.

Соңгы елларда Әлмәттә спорт үсешенә караган күп эшләр эшләнде. 600дән артык төрле спорт объектлары халыкка хезмәт күрсәтә. Алар исәбендә 8 балалар спорт мәктәбе бар, 23 спорт федерациясе һәм клублар эшләп килә. Ел саен районда республика, Россия, халыкара  ярышлар уздырыла. Әлмәт VI Бөтенроссия спортның техник төрләре фестивале, «AlmetievskCUP» халыкара теннис турниры, аквабайка буенча Россия кубогы, бокс, грек-рим көрәше буенча Беренчелекләр һ.б. шундый ярышлар уздыру мәйданына әверелде.

Әлмәт районында 86 ишек алды спорт мәйданчыгы, 46 хоккей корты эшләп килә. Спартакиада хәрәкәтендә уннарча мең әлмәтле катнаша. Июнь аенда «Яшел Фитнес» проектына старт бирелгән иде. 30 июльдә Түбән Мактама җирлегендә яңа спорт-сәламәтләндерү комплексы ачылды. Шәһәр пляжы мәйданында вейкпарк, скалодром, бауларда йөрү паркы, воркаут зонасы булдырылды.

http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 октябрь 2020 - 09:04
    Без имени
    Март аенда язылган кимчелеклэр турында. А воз и ныне там!
    Ныклыкка сынау
  • 22 октябрь 2020 - 18:36
    Без имени
    Сер. Интер. кенэ. язмассыз. микэн. телефон. номерын?
    Күкләр кушкан эш
  • 22 октябрь 2020 - 18:38
    Без имени
    Иптэшемнен. Тез. Буыннары. сызлый,э. уземнеке. артроз
    Күкләр кушкан эш
  • 22 октябрь 2020 - 20:45
    Без имени
    Булдырдылар инде ул пенсия яшен бер тамаша!! 60-65 ир атлары 50-55 кэ чак житэ хатын кызлары...куп мисаллар ..ишетеп куреп белэм бугенге кондэ ялган бн донья тулган..янэсе кеше гэ хэзер техника ярдэмгэ килде алар жинел рэхэт яшилэр гомер озайды ..ялган..кеше хэзер натураль продукт ашамый ..туганнан смесь..и..т..д
    Хушлашмыйк, яшьлек
  • 21 октябрь 2020 - 20:45
    Без имени
    Бик яхшы эсэр дэвамын котэбез
    КУНАК АПА
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...