Сайлаулар–2016: Татарстан командасына көч нигә кирәк?

Россия Дәүләт Думасына сайлау алды кампаниясе финиш сызыгына якынлаша. Быелгы сайлауларда Татарстанда яшь буынның гражданлык активлыгына зур өмет баглана, чөнки сайлаучыларның 30 проценты – 35 яшькәчә яшьләр.


Чакырулар таратылды

18 сентябрьдә иртәнге сәгать 8дә Татарстанда 2812 сайлау участогы үз ишекләрен ачачак. Хастаханә, шифаханә, вокзал һәм аэропортларда, тикшерү изоляторлары кебек кешеләр вакытлыча була торган урыннарда да тавыш биреп булачак – барлыгы 48 шундый участок эшләячәк. Закон шартлары миллионнан артык кеше яшәгән шәһәрләрдә сайлау участокларын видеокүзәтү белән тәэмин итүне таләп итә, шуңа күрә Казандагы 415 участокта видеокамералар урнаштырылачак.

– Бөтен участокларның дә эше тиешле дәрәҗәдә оештырылган, комиссия әгъзалары әзерлек узды. 16 сентябрьгә кадәр сайлау участокларына сайлау бюллетеньнәре кайтарылачак. Безнең төп бурыч – сайлауларның нәтиҗәләре шик уятырлык булмасын, барысын да законлы, ачык итеп оештырып чыгу. Сайлаулар көнендә муниципаль хакимиятләр, хокук саклау органнары һәм гадәттән тыш хәлләрне юк итү хезмәтләре белән хезмәттәшлектә эшләячәкбез. Участок комиссияләрендә сайлаучыларның тәгаенләнгән исемлекләре бар, шушы көннәрдә аларның хезмәткәрләре һәр йорт-фатирны йөреп чыгып, сайлауларга чакыру таратты, – дип хәбәр итә Татарстанның Үзәк сайлау комиссиясе рәисе Әгъзам Гобәйдуллин.

 


Сайлаулар һәм сайлау участоклары турында мәгълүматларны Татарстан Үзәк сайлау комиссиясенең рәсми сайтыннан да белергә була. Шулай ук “кайнар линия” эшли: (843) 2928514, 2925642. Әгъзам Гобәйдуллин сүзләренчә, телефон аша соңгы вакытта 20 мөрәҗәгать кабул ителгән, шуларның 11 очрагында агитация кагыйдәләрен бозуга зарланганнар, ләкин тикшергәч, ул фактлар расланмаган. “Бер мөрәҗәгать тә игътибарсыз калмый. Ләкин еш кына кешеләрнең моң-зары хискә бирелүдән, законнарны белмәүдән килә”, – дип искәртә ТР Үзәк сайлау комиссиясе рәисе.

Быел Татарстанда  33 мең егет һәм кыз үз гомерендә беренче тапкыр сайлауларда катнашачак, алардан 29 кешегә сайлау көнне – 18 сентябрьдә 18 яшь тула.


“Чиста” агитация

Мәгълүм булганча, быел Россия Дәүләт Думасындагы 450 кәнәфинең бер яртысына депутатлар – партия исемлекләре, ә икенче яртысына бермандатлы округлар буенча сайлана. Ил күләмендә сайлауларда “Бердәм Россия”, КПРФ, ЛДПР, “Гадел Россия” кебек барлыгы 14 сәяси партия катнаша. Татарстанда 43 кандидат теркәлде, аларның 42се – сәяси партияләр вәкилләре, берсе – үзен-үзе тәкъдим иткән кандидат: закон бермандатлы округлар буенча андый мөмкинлекне бирә. Әмма кандидатлыкка дәгъва иткән 10 затның берсе генә катгый таләпләр куелган теркәлүне узды.

Шунысын әйтергә кирәк: Россия парламентына сайлаулар белән бер үк вакытта 18 сентябрьдә республикадагы 36 муниципаль районда җирле советларга да депутатлар сайланачак. Сайлаулар барышын яктырту өчен бу көнне Казанда журналистлар өчен Мәгълүмат үзәге оештырылачак.

– Партия исемлекләре һәм бермандатлы округлар буенча кандидатлар рәсми рәвештә агитация чорына 20 августта аяк баскан иде. Татарстанда агитация “чиста” үтә, “пычрак” технологияләр кулланылуы күзәтелмәде. Телевидение һәм басма матбугатта оппозицион чыгышлар да ясала. Телевизион дебатлар оештырылуы исә сайлау кампаниясен тагын да җанландырды. Әйтергә кирәк, бөтен партия һәм кандидатларга да агитация чараларын оештыруга тигез шартлар тудырылды: түләүсез эфир вакыты, вакытлы матбугатта урын, халык белән очрашу өчен бүлмә-аудиторияләр тәкъдим ителде. Тик, кызганычка, барысы да бу мөмкинлекләрдән файдаланмады, – дип ассызыклый Әгъзам Гобәйдуллин.

Татарстанда сайлаучыларның 11 проценты физик мөмкинлекләре чикле гражданнар булуын исәпкә алып, сайлаулар көнендә участок комиссиясе әгъзалары аларның өйләренә барырга җыена. Авыру сәбәпле сайлауларда катнаша алмаучыларга төшкә кадәр участокка шалтыратып хәбәр итәргә киңәш ителә, андый чакта да комиссия әгъзалары үзләре килә.

Гомумән, төрле сәбәпләр аркасында бу якшәмбедә сайлау участогына бара алмаучыларга, сайлаудан читтә калмасыннар өчен, сайлау участокларыннан “открепительныйлар” алырга рөхсәт ителә. Бүгенге көнгә инде 10,5 мең шундый “открепительный” кәгазе тапшырылган.

Быел сайлаулар көнендә чит илләрдә булган Россия гражданнарына да Конституцион хокукларын тормышка ашырырга җай тудырыла: 147 илдә Россия илчелекләрендә 18 сентябрьдә сайлау участоклары ачылачак.

Халык битараф түгел

Татарстанның Үзәк сайлау комиссиясе, шулай ук сәяси партияләр, шул исәптән “Бердәм Россия” фиркасе соңгы айда халыкны сайлауларга чакырып, урамнарда, җәмәгать урыннарында акцияләр, уку йортларында студентлар белән очрашулар уздырып торды. Үзәк сайлау комиссиясе вәкилләренең шик-шөбһәсе нигезле: сентябрь һаман әле отпусклар чоры, авыл хуҗалыгында, бакчаларда да эш кайный.

Россиянең җәмәгать фикерен белешү үзәге быелгы депутатлар сайлауларында участокларга сайлаучыларның 50 проценты гына киләчәген фаразлый. Әмма Татарстанда бу күрсәткечнең югарырак булачагына шикләнмиләр. Татарстан Үзәк сайлау комиссиясе рәисе искәрткәнчә, Россия өчен 50-60 процент – әйбәт күрсәткеч. “Татарстанда халык сайлауларда һәрвакыт актив катнаша. Кешеләр бер-берсен яхшы белгән авыл җирлекләрендә бу күрсәткеч 80 процентка җитәчәк дип уйлыйм”, – ди Әгъзам Гобәйдуллин.

 


Фәрит МӨХӘММӘТШИН, Татарстан Дәүләт Советы рәисе:
– Татарстан җитәкчелеге сайлауларга әзерлек барышында җитди эшләр башкарды. Бу эшләрнең нәтиҗәсе – сайлау участогына килүчеләр күрсәткече булачак. Хәзер иң мөһиме – халык сайлауларда актив катнашсын. Сайлаучыларның партияләр һәм кандидатлар белән якыннан танышырга вакыты булды. Бигрәк тә “Бердәм Россия” партиясе халык белән очрашуларга зур игътибар бирде. Халыктан 3 меңнән артык гозер-тәкъдимнәр җыелды. Алар үткән сайлауларда кебек чишелешне таләп иткән вәкаләтләргә карап, федераль, төбәк һәм муниципаль хакимиятләргә, сайланган депутатларга юлланачак.

“Бердәм Россия” партиясенең төбәк сайлау штабы җитәкчесе Юрий Камалтынов аңлатканча, закон буенча, депутат мандатлары саны төбәктәге халыкның күпме тавыш бирүенә карап бүленә. Димәк, Дәүләт Думасында Татарстан командасының ничә кешедән торуы һәр татарстанлының активлыгына бәйле.

– Кем Татарстанны ярата, 18 сентябрь көнне сайлау участокларына килеп, республика өчен тавыш бирергә тиеш. Безнең максат – Татарстан яңа чакырылыш Дәүләт Думасында көчле, профессиональ команда булып оешсын өчен мөмкин кадәр күп тавыш җыю, – дип ассызыклый Юрий Камалтынов.

 

 

Татарстан командасына көч республикага уңышлы федераль программаларны җәлеп итү, Татарстан халкы һәм республика мәнфәгатен федераль дәрәҗәдә яклау, Татарстанның социаль-икътисади үсеш тәҗрибәсен Россия күләмендә таныту өчен кирәк.

чыганак - http://intertat.ru/tt/society-tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8226
    1
    112
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    6977
    1
    104
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5277
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4424
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    7778
    2
    48
Реклама
Соңгы комментарийлар
  • 4 март 2021 - 08:26
    Без имени
    Ник вакытында аерылмадым дип гомер буе зар елап, психушка юлында уздырыр идең гомерңне. Үзеңне аяк астына салып таптаган ир белән ничек гомерңне үткәрер идең. " Хатын качмый ул" дип гомер буе өстеңнән йөрер иде.
    «Иреңне берәүгә дә бирмә!»
  • 3 март 2021 - 11:39
    Без имени
    Дүрт аяклы ат та абына. Хатаһын аңлағас, бик якшы. Бер зә хыянат итмәгән ир-ат юктыр тип уйлайым, белмәйбез генә)))
    Кайтуың белән... 
  • 3 март 2021 - 17:55
    Без имени
    Укый башлаганчы, кендек бавын өзә белергә кирәк, дип уйлаган идем. Ләкин монда эшләр башкача икән. Ул кыз нинди гаиләдә ускән? Әти-әни, әби-бабай бер - берсен хөрмәт итеп яшәгән гаиләдә тугелдер. Ничек инде, уз гаиләсе? Өҗмах - әниләрнең аяк астында бит! Минем әнинең энесе яшь вакытта Курше зур авылдагы кызны бик яратып йөргән иде. Әниең белән тормыйм, дигәч, аңа өйләнмәде. Шул авылдагы икенче кызны алып кайтты. Шул авылда йорт салып чыкты, әни кучсә генә кучәбез, диде. Ике балалары усте, зур урыннарда эшлиләр. Дәу әни устереште балаларын. Аның хәер-фатихасын алып калдылар. Тәрбиядән дияр идең, безнең дәу әни дә утә дә йомшак иде. Таләпчән дә тугел иде
    Улым өйләнде дә, мине онытты
  • 3 март 2021 - 19:19
    Без имени
    Шәп хикәя.Укыйсы килеп тора.Матур гадәт булган бит.Бала сөенечен уртаклашу. Автор халкыбызның эчкерсез мөнәсәбәтләрен күрсәткән.
    Котлату
  • 2 март 2021 - 22:12
    Без имени
    Гомер ул бер генэ, Килми ул гел генэ. Син анын, кадерен бел генэ.! Марат С.Н.
    Карындашым – көндәшем 
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...