Татарстан Республикасы Президентына һәм Казан шәһәр думасы депутатларына үз тавышларын биргән казанлылар сайлау участокларында алган махсус беләзекләре белән бәйрәмгә эләгәчәк. Татарстан Республикасы Иҗат яшьләре академиясе инициативасы буенча Казан муниципаль берәмлеге Башкарма комитеты – бәйрәмнең төп оештыручысы. Киләчәгебез белән бәйле сайлаулар көнен бәйрәм итү традициясе яңартыла шулай. «Казан Арена»да гаилә бәйрәме иртәнге 10 да башланып китәчәк. Өлкәннәр һәм балалар өчен бик бай программа эшләячәк: 80 нче еллар стиле мәйданчыгы, ретро-автомобильләр күргәзмәсе, яшьләр өчен лофт-зона, ГТО комплексы нормативларын үтәү мәйданчыгы, спортның экстремаль төрләре паркы, Татарстан спорт клубларының атаклы уенчыларыннан автографлар, спорт талисманнары көрәше, фестиваль воркауты һәм башкалар...
Башкала халкы яратып өлгергән «Әдәби ишегалды» фестивале дә күпләрне үз мәйданына җыяр.
Көндезге 2 дән инде концерт мәйданында Татарстанның поп- һәм рок- коллективлары чыгышы көтелә. Алар арасында «Мураками», «Волга-Волга», «Прогульщики», «Большой куш», «Viami dance» «Doratti» кебек популяр төркемнәр, музыкантлар. Җырчы Елка, «Любэ» төркеме, Салават фестивальнең иң матур бизәге булачак. «Без булдырабыз! Без бергә!» бәйрәме салют белән тәмамланачак.
«Мин тавыш бирдем» махсус беләзеге казанлыларга җәмәгать транспортында бушлай йөрү мөмкинлеге бирә. Сайлау көнендә республика музейларына да түләүсез кереп булачак. Бәйрәмнең партнер-компанияләрендә ташламалар һәм бонуслар каралган:
«Татнефтепродукт» АЗСында һәр литр бензин өчен 20 тиен ташлама; «Бәхетле», «Чәк-чәк», «Наша марка» кибетләр челтәрендә бар төр ассортиментка 5% ташлама;
«Ривьера» аквапаркына сентябрь ахырына кадәр 20% өстәмә ташлама.
Следите за самым важным и интересным в Telegram-каналеТатмедиа
Комментарий юк