Санкт-Петербургтагы татар рәссамнары Казанда күргәзмә оештыра

22 июньдә, 15.00 сәгатьтә “Казан” милли-мәдәни үзәгендә Санкт-Петербургта яшәүче татар рәссамнарының күргәзмәсе ачыла. Бу хакта “Казан” милли-мәдәни үзәге хәбәр итә.



Татарстан Республикасының Санкт-Петербург һәм Ленинград өлкәсендәге Даими вәкиле Валиуллин Ренат Нәкыйф улы әйтүенчә, Санкт-Петербургта татар галимнәре, рәссамнары, скульпторлары бик актив эшли. Соңгы елларда мәдәни багланышлар тагын да ныгыды. Мәсәлән, Кама Тамагы Олы Мәрәтхуҗа авылында драматург Туфан Миңнуллинга һәйкәлне Санкт-Петербург скульпторы Венера Абдуллина иҗат итте. Шулай ук Татарстан һәм Санкт-Петербург җырчылары катнашында концертлар, Муса Җәлил исемендәге Опера һәм балет, Г.Кариев исемендәге Казан татар дәүләт яшь тамашачылар, Г.Камал исемендәге Татар дәүләт академия театрларының гастрольләре, Казанда Эрмитажның күргәзмәләре оештырылды.

“Күргәзмә идеясен күптән планлаштырып йөри идек инде. Петербургта татар рәссамнары шактый күп, без шуларның бишесен алып килмәкче булабыз. Бөтендөнья татар конгрессы һәм аның җитәкчесе Ринат Закиров тырышлыгы белән бу күргәзмә милли-мәдәни үзәктә узачак. Бу эштә без – Даими вәкиллек тә турыдан-туры катнаштык. Безнең өчен бик мәртәбәле чара булачак, чөнки аерым рәссамнарның Казанда күргәзмәләре булганы бар, әмма коллектив күргәзмә беренче тапкыр уза”, - диде Ренат Вәлиуллин.
Күргәзмәдә Рәшит Гыйләҗев, Елена Сайтбагина, Сания Бәхтиярова, Илдус Вахитов һәм Рәшит Әдһәмовлар иҗат иткән картиналар куелачак. Тамашачыларга һәр рәссамның унышар әсәре - барлыгы 50 әсәр тәкъдим ителәчәк. Әсәрләрнең тематикасы төрле - пейзаж, портретлар, шактый өлеше татар халкына багышланган. 
“Нәкъ менә татар факторын алга кую максатыннан, шушы ук эшне Питерда уздырырга телибез. Киләчәктә шушы биш татар рәссамының әсәрләреннән Петербургның абруйлы залларының берсендә күргәзмә оештырачакбыз. Билгеле, беренче чиратта татар тематикасын иң алдынгы урынга чыгарырга телибез”, - диде Ренат Вәлиуллин.

(Фотода Елена Сайтбагина картиналары)

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3319
    5
    124
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10447
    5
    69
  • «Бүтән әнием юк...» – Әнием Картлар йортында минем...
    8931
    11
    61
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    5760
    0
    60
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    3954
    1
    45
Реклама
Соңгы комментарийлар
  • 29 ноябрь 2021 - 12:37
    Без имени
    Физәлиянең барлык әсәрләре дә тәрбияви, матур эчтәлекле, бик яратып укыйм рәхмәт.Баласы ана назына, иркәләвенә мохтаҗ чагында, чирле баласын ташлап киткән кешене ничек кичермәк кирәк, бу очракта мин Илүсне гәепләмәс идем
    ​Югалган әни
  • 28 ноябрь 2021 - 19:09
    Без имени
    Июнь аенда туучыларныкы тамчы да туры килми.
    Туган ай буенча холык билгеләү
  • 29 ноябрь 2021 - 02:43
    Без имени
    Нинди үрнәк гаилә. Фәнил абыйдан күпкә яшь, мин алай булдыра алмас идем.
    Нәселнең матур киләчәге – тамырларның нык булуында
  • 29 ноябрь 2021 - 10:39
    Без имени
    Гафу итегез бэлки мин дорестэ уйламыймдыр ,чирле баласын ташлап китткен (эни )кешене миндэ гафу итэ алмас идем ,устерген ,аякка бастырган гына чын эни булып каладыр ул ,кайберэулэр ния эзлэп бармаган ул дилэр ,э ния анарга ул хазер кирэк ,бэлэкэй чагында ,чирле чагында балага кирэк булган ,хазер бер кирэгедэ юк ,узе кермэген бит димэк ана кирэкмэген улы ....
    ​Югалган әни
  • 26 ноябрь 2021 - 17:41
    Без имени
    Ришат бэхетле булыгыз концертынны карадым тетевизордан семья белэн искиткеч мэгнэле матур Мишэрский эйтсэм натуральный булды Унышлар балам сина хэр яклап бик матур жырлыйсыз!!!
    Ришат Фазлыйәхмәтов: “Начар сүз әйтүчеләр Тәтишкәмне белми...”    
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан