Рушания Бильгильдеева: "Республикада сайлауларда тупас хокук бозулар булмавы куандыра"

Быел Татарстанда сайлауларга килүчеләр саны күбрәк булачак. ТР Президенты вазифасына кандидат ТР да "Гадел Россия" партиясе төбәк бүлеге советы рәисе Рушания Бильгильдеева шулай дип саный.
Бу хакта сәясәтче ТР Үзәк сайлау комиссиясенең "Татарстан Республикасында Бердәм тавыш бирү көне - 13 сентябрь 2015 ел" мәгълүмат үзәгендә брифингта белдерде. Аерым алганда, ТР Президенты вазифасына кандидат, бүген төбәктә 1,2 мең сайлау участогында партиядән күзәтүчеләр эшли, хәзергә җитди хокук бозу очраклары теркәлмәгән, диде. "Тавыш бирү көненә җитди әзерләндек. Бүген ТР буенча сайлау участокларында 4 меңнән артык кеше эшли, 1455 кеше әле ул партиядән күзәтүчеләр генә, калганнары - участок комиссияләре әгъзалары. Без укулар үткәрдек, бүген партиянең федераль штабы белән туры элемтәдә булган call-үзәк, кайнар линия эшли. Республикада сайлауларда тупас хокук бозулар булмавы куандыра", - дип ассызыклады Бильгильдеева. Аның сүзләренә караганда, тавыш бирү башланганчы, комиссия әгъзаларында һәм күзәтүчеләрдә берникадәр искәрмәләр булган, алар сайлау участоклары ачылганчы хәл ителгән.

"Бүген күп кенә сайлау участокларында булдым, кешеләрнең сайлауларга килүе куандыра. Быел тавыш бирүчеләр саны, узган елдагыга караганда, күбрәк булып кебек тоела, - диде Бильгильдеева.  - Бу кампаниядә катнашуым белән горурланам. Мин 25 елда ТР Президенты вазифасына беренче кандидат булган хатын-кыз", - дип өстәде ТР да "Гадел Россия" партиясе төбәк бүлеге советы рәисе.

сылтама: http://tat.tatar-inform.ru/news/2015/09/13/113535/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан