​Рөстәм Миңнеханов Татарстанның балалар сырхауханәләр җитәкчеләренә 28 яңа автомобильдән ачкыч тапшырды

Халыкара балаларны яклау көне уңаеннан Татарстан Республикасы Президенты вазыйфаларын вакытлыча башкаручы Рөстәм Миңнеханов ТР Сәламәтлек саклау министрлыгының Республика балалар клиник сырхауханәсендә булды. Аны ТР сәламәтлек саклау министры Гадел Вафин, ТР Президенты Аппараты җитәкчесе Әсгать Сәфәров һәм башкалар озата йөрде. 

Рөстәм Миңнеханов анестезиология һәм реанимация бүлегендә паллиатив пациентлар өчен палатаны карады. Биредә 13 бала дәвалана. Татарстан Республикасы Президенты вазыйфаларын вакытлыча башкаручы  хәбәр иткәнчә, бүгенге көндә республикада 300 яшь татарстанлы паллиатив ярдәмгә мохтаҗ. Күбесенчә мондый пациентларның дәваланмый торган хроник авырулары бар.  Рөстәм Миңнеханов палаталарны карады һәм медик хезмәткәрләр белән аралашты. Гадел Вафин Татарстанда балаларга паллатив медицина ярдәмен күрсәтү буенча региональ системаны тәкъдир итте.

Шуннан Рөстәм Миңнеханов клиниканың икенче дәвалау корпусына юнәлде. Анда терәк-хәрәкәт аппараты функцияләре бозылган балалар өчен яңа югары технологияле җиһаз - Locomat механотерапия өчен роботлаштырылган комплексны күрсәттеләр. Әлеге җиһаз Рөстәм Миңнеханов боерыгы буенча терәк-хәрәкәт аппараты функцияләре бозылган, шул исәптән ДЦПлы балаларны реабилитацияләү хезмәтен үстерү кысаларында сатып алынган.

Татарстан Республикасы Президенты вазыйфаларын вакытлыча башкаручы тренажер комплексы эше белән танышты, аннан кечкенә пациентлар һәм аларның ата-аналары белән сөйләште. Рөстәм Миңнеханов балаларга тизрәк терелүләрен теләде һәм истәлекле бүләкләр тапшырды.

Халыкара балаларны саклау көненә багышланган тантаналы чарадагы чыгышында Рөстәм Миңнеханов ассызыклаганча, каты авырулы балалары булган гаиләләр дәүләттән тиешенчә ярдәм алырга тиешләр. «Бүген мин баласы терелер, аякка басыр дигән өмет белән яшәүче аналар белән очраштым.  Кызганычка каршы, бөтен балалар да без теләгәнчә тулысынча сәламәт түгел. Ләкин безнең максат – аларга бәхетле буларлык шартлар булдыру. Ул чакта без дә бәхетле булабыз», - дип ассызыклады ул.

Рөстәм Миңнеханов сүзләренчә, Россия һәм Татарстан җитәкчелеге медицина дәрәҗәсен арттыру өчен чаралар уздыра. «Республика киләчәге – балалар, - дип әйтте Рөстәм Миңнеханов. – Кешеләр потенциалы – безнең иң зур байлыгыбыз».

Шуннан Рөстәм Миңнеханов республиканың балалар сырхауханәләре җитәкчеләренә 28 махсуслаштырылган автомобильдән ачкычлар тапшырды. Бу машиналар балалар поликлиникаларында күчмә табиб-фельдшер бригадасы булган ашыгыч медицина бүлекләрен оештырырга ярдәм итә. 

Сылтама: http://president.tatarstan.ru/tat/news/view/125557

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8511
    1
    108
  • 8929
    2
    59
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9888
    1
    56
  • 5053
    1
    33
Реклама
Соңгы комментарийлар
  • 30 сентябрь 2020 - 09:42
    Без имени
    Шамсия ярата белмэгэн,анламыйда яратунын ничек булганын.
    Парлы ялгызлар
  • 30 сентябрь 2020 - 15:34
    Без имени
    Аңлашылмады. Ире белән язылышмыйча яшәгәннәрмени? ЗАГСка барабыз дигән.
    Күз белән каш арасы...
  • 30 сентябрь 2020 - 16:46
    Без имени
    Ике тиле...
    Парлы ялгызлар
  • 29 сентябрь 2020 - 20:37
    Без имени
    Шундый матур язылган!Укыйсы да укыйсы гына килэ!
    Яшел кар
  • 28 сентябрь 2020 - 10:18
    Без имени
    Гел белмэсэ бик эйбэт. Бер ачуланышканда йорэк озгеч сузлэр ишетэсегез килмэсэ белдермэгез. Иргэ таянган иделгэ таянган дилэр. Таяк та бер ата. Гомер озак.
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...