Бүген Казанда "Корстон" кунакханә комплексында "XXI гасыр Россия юллары" 17 нче халыкара күргәзмә-форумы ачылды. Катнашучылар экспозицияләрен Татарстан Республикасы Президенты Рөстәм Миңнеханов һәм Росавтодор башлыгы Роман Старовойт карады.
Күргәзмә-форум ярты елга бер төрле җирләрдә уза. Урынын оештыручысы "Росавтодор" билгели. Казан халыкара күргәзмә-форумын 2009 елда каршы алган иде инде.
2016 елгы күргәзмә-форум максаты - алдынгы технологияләрне күрсәтү һәм юллар төзүдә тәҗрибә белән уртаклашу, Россия транспорт системасы үсеше буенча федераль максатчан программаны гамәлгә ашыруны тәэмин итү чаралары турында фикер алышу.
Татарстан - пилотсыз автомобильләр хәрәкәте өчен трасса төзеләчәк Россия төбәкләренең берсе. Бу хакта бүген журналистларга "Азия-Европа "акыллы" автоюл транспорт коридорын үстерүгә багышланган халыкара конференциядә катнашырга килгән Федераль юл агентлыгы җитәкчесе Роман Старовойт сөйләде.
"Хәзер "КАМАЗ"да йөртүчесез хәрәкәт итә ала торган автомобильне сыныйлар. Без автомобиль техникасы җитештерүчеләрдән артта калмаска хәл иттек һәм быелдан республика, "КАМАЗ" белән "Караван" проектын чынга ашырабыз", - дип билгеләп үтте Роман Старовойт.
Беренче юл, мөгаен, Татарстанда ике елдан салыныр, ул Казан-Чаллы федераль трассасы булачак диде ул.
чыганак - http://president.tatarstan.ru/tat
Следите за самым важным и интересным в Telegram-каналеТатмедиа
Комментарий юк