Ригада “Татар шигърияте” бәйрәме узды

Шушы көннәрдә Латвиянең Рига шәһәрендә Габдулла Тукайның тууына – 130 ел һәм Муса Җәлилнең тууына 110 ел булуга багышланган “Татар шигърияте” кичәсе узды.
Бу бәйрәмне Латвиянең “Идел” татар җәмгыяте белән “Башкорт корылтае” ватандашлар берләшмәсе берлектә үткәрде. Рига Думасының Мәдәният, мәгәриф һәм спорт департаменты проектларын тормышка ашыру кысаларында, Латвиянең милли-мәдәни оешмалар ассоциациясе бинасына дөнья әдәбиятында югары бәяләнгән татар шагыйрьләрен искә алу кичәсенә Балтыйк буенда гомер итүче татарлар һәм башкортлар гына түгел, башка милләт вәкилләре дә җыелды. Милләттәшләребез, әлбәттә, Тукай, Җәлил иҗаты белән яхшы таныш. Муса Җәлил Бөек Ватан сугышы елларында фашистлар тарафыннан бу якларда Даугавпилс шәһәрендәге борынгы кирмән эчендә корылган концлагерьда ябылып тотылуын да беләләр.Төрле чорларда яшәп иҗат иткән Тукай һәм Җәлилнең әдәби мирасы, бүген бөтен дөнья буенча сибелеп гомер кичергән халкыбызның рухи хәзинәсен тәшкил итә. Күпме вакытлар узуга карамастан, әле дә аларның шигырьләре үзенең актуальлеген югалтмый. “Идел” җәмгыяте оештырган кичәдә Ригада яшәүче татар теле укытучысы һәм шагыйрә Гөлфия Хурамшинага Муса Җәлилнең 110 еллык юбилеена чыгарылган истәлекле медале бүләк итеп тапшырылды. Гөлфия ханым исә Муса Җәлилгә багышлап язган шигырьләрен укыды.
Муса Җәлилнең 110 еллык юбилеена
Ел артынан еллар үтә,
Гомерләр узып китә.
Кемдер үзенең исемен
Мәңге югалтмас итә.
Муса Җәлил тууына
Күп еллар үтеп киткән.
110 ел узып китеп,
Зур юбилейга җиткән.
Бу бәйрәм – татар илендә,
Гомумән, җир йөзендә,
Татар кешесе яшәгән
Дөньяның һәр җирендә.
Шагыйрь үзе яшәгәндә
Үзенә һәйкәл сала.
Аның һәр язган юллары
Мәңгегә исән кала.
Еллар уза, кемдер китә,
Кемдер килә яңадан.
Язучылар һәм шагыйрьләр
Үлмиләр, яши алар.
Күпме җырлар яңгырыйлар
Алар язган юллардан.
Сөенәбез, көенәбез
Җырга салган моңнардан.
Ышаналар ул җырларның,
Мәңге җирдә яшәсен.
Күрә халкым, шигыйрьләрен
Чыннан мәңге яшәвен.
Башкалабызда шагыйрьгә
Шундый һәйкәл корылган –
Бар карашы, барлык көче
Бәйсезлеккә омтылган.
Кыска гомере эчендә
Ул гел корәшче булган.
Ирек өчен янып-көеп,
Керсез гомерен куйган.
Йөрәгендә шыткан җырлар
Чәчәкләргә әйләнеп,
Яши татар күңелендә
Бер-беренә бәйләнеп.
Үлгәндә дә туры калды
Җырындагы антына.
Җырлары күк гомерен дә
Биргән туган халкына.
Ул – татарның горурлыгы,
Илнең бер батыр улы.
Дошманнарга бирешмәскә
Өнди ул яшь буынны.
Кичәдә Муса Җәлилгә багышланган “Үлемсезлеккә юл” исемле фильм да күрсәтелде, шагыйрьнең тормышын һәм иҗатын чагылдырган фотосурәтләр күргәзмәсе әзерләнгән иде. Милләттәшебез Ринат Фәизов әнисе яратып җырлый торган Муса Җәлил шигыренә иҗат ителгән “Сагыну” җырын башкарды. Ә Минхәят ханым Муса Җәлилнең “Бала йокысы” шигырен, “Лира” рус җәмгыяте рәисе, шагыйрә Аврора Ирбе Габдулла Тукай шигырьләрен һәм үзенең әсәрләрен укыды.
чыганак
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
«Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
-
«Төшләремдә ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
-
Алсу тәрәзә Хикәя
-
Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа.
-
Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
Соңгы комментарийлар
-
26 гыйнвар 2023 - 11:48Без имениРэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.Синсез рәхәт түгел, әни...
-
26 гыйнвар 2023 - 17:37Без имениТанышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.Бала кирәкме миңа?
-
26 гыйнвар 2023 - 19:34Без имениБик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсынҖанымның бураннары
-
25 гыйнвар 2023 - 10:45Без имениБалалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.Бала кирәкме миңа?
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.