​РЕСПУБЛИКА КӨНЕ: «Мәдәният бизәкләре» – татулыкның дәлиле

Һава торышы иртәдән бәйрәмчә булмаса да, башкалабызда Республика һәм шәһәр көне уңаеннан планлаштырылган чараларның барысы да күтәренке рухта уза.

«Казан» гаилә үзәге янындагы мәйдан да халык белән шыгрым тулы диеп булмаса да, шактый гына кешене үзенә җыйды. Биредә күпмилләтле республикабызның дуслык һәм татулык традицияләрен чагылдырган «Мәдәният бизәкләре» фестивале гөрли.

Татарстан элек-электән төрле милләтләр һәм конфессияләр өчен бертигез шартлар тудыра алуы белән данлыклы. Күпмилләтле һәм күпконфессияле республика  өчен үзендә гомер иткән халыкларының килешеп яши белүеннән дә өстен нәрсә бармы икән?! Моңа исә һәрбер халыкның теленә, гореф-гадәтләренә, мәдәниятенә ихтирамлы мөнәсәбәт, һәрбер милләтнең милли үзенчәлекләрен саклау һәм үстерү өчен шартлар тудыру аша гына ирешеп була. Республикабызда боларның барысы да үтәлә.

Республика көне уңаеннан уздырылган «Милләтләр бизәге» этноконфессиональ фестивале халыклар, диннәр арасындагы дустанә мөнәсәбәтләрнең ачык чагылышы булып тора. Бу чара быел икенче тапкыр уза. «Казан» гаилә үзәге янында күпсанлы чатырларда милли төрлелегебезне чагылдырган күргәзмәләр эшли. Бәйрәм кунаклары төрле халыкларның киемнәре, бизәнү әйберләре, уен кораллары, милли аш-су, кул эшләре үрнәкләре һ.б. белән таныша ала. Моннан тыш төрле осталыкларга өйрәнергә теләүчеләр өчен мастер-класслар да оештырылган – һәркем үзен чүлмәкче һәм тимерче һөнәрендә сыный ала, кәрзин үрергә, алтын җепләр белән чигәргә өйрәнә ала.

Шулай ук фестивальдә балалар һәм яшьләр өчен төрле интерактив мәйданнар эшләп тора. Төрле халык уеннары һәм күңел ачулары кәеф күтәренкелеген тәэмин итә. Күпсәгатьлек концерт программасы исә биредәге ике мәйданда оештырылагн. Төп сәхнәдә төрле милләтләр җыр-биюләрен, музыкасын  профессиональ коллективлар һәм ансамбльләр  тәкъдим итә. Кече сәхнәдә үзешчән коллективлар чыгыш ясый.

Фестиваль төп сәхнәдә дуслык флеш-мобы белән башланып китте. Бер-бер артлы рус, мордва, чуаш, удмурт, татар биюләре күрсәтелде .Аннары сәхнәгә мәртәбәле рәсми затлар күтәрелде. Халыкны бәйрәм белән Татарстан Президенты Рөстәм Миңнеханов сәламләде:

– Барлык милләтләр дә, конфессияләр дә дуслыкта-татулыкта яшәве сөенечле. Әлеге бәйрәмдә дә без барыбыз бергә. Бергә теләсә кайсы халык биюен, җырын башкарасыз. Татарстан халыклар ассамблеясеннән тыш биредә Тывадан, Казахстаннан, Австриядән кунакларыбыз бар. Барыбызны да Республика, шәһәр көне белән чын күңелдән котлыйм. Алга таба да дуслыкта-татулыкта чәчәк атуыбызны телим, – дип котлауларын ирештерде республика башлыгы.
 
Җыр-биюле думлык бәйрәме бүген кичкә кадәр дәвам итә. Фестивалдә барлыгы Татарстанның 48 коллективы чыгыш ясавы көтелә. Барлыгы быел фестивальдә 1 меңнән артык катнашучы исәпләнә.

Гүзәл НАСЫЙБУЛЛИНА, Солтан ИСХАКОВ фотолары

http://intertat.ru/tt/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1470
    22
    185
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    5802
    4
    77
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5106
    2
    70
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан