Рамилә һәм Рәзилә Батыровалар гаиләсендә олы кайгы...

Игезәк җырчы кызлар Рамилә һәм Рәзилә Батыровалар гаиләсендә зур кайгы: Мамадыш районы Шәдче авылында яшәүче дәү әниләре Мөгаззәмә әби вафат булган. "Әле дә ышанып булмый, безнең өчен бу – зур югалту. Дәү әниебез – сугыш чоры баласы, авырлыклар күргән, бик тырыш, эшчән, чын татар хатын-кызларыдай киң күңелле, кул эшләре остазы иде", – ди кызлар.
– Дәү әниебез 89 яшендә арабыздан китте. Соңгы елда бик ябыкты. Чирләп тормаса да, картлык үзенекен алды. Өч атна элек йокы аралаш торып кулын сындырган иде. Болай да көчсез организмга шул гына җитә калды кирәк, хастаханәдә ятып чыкканнан соң хәле начарайды. Саташып ятты, бәгыркәем. Кичә кич белән аркаларын угалап, зәңгәрләнә башлаган кулларыннан үбеп, "дәү әнием, исәнлектә күрешик", дип киттем. Ә бүген исә ул гүр иясе... – дип сөйләде безгә Рамилә Батырова.

Мөгаззәмә әби бәхетле карчык кичергән. Тормыш иптәше моннан 15 еллап элек вафат булса да, балалары, оныклары, оныкчыклары аны бер минутка да ялгызын калдырмаган. "Янәшәсендә һәрчак олы улы Гомәр абый, уртанчы улы – әтиебез Мансур, килене – әниебез Фәүзия, кече кызы Роза апа булдылар. Соңгы көненә кадәр янәшәсендә булдык. Гомер буе "игезәкләремнең кияүгә чыгуын күреп үлсәм ярар иде", диде. Быел икебезнең дә никахын күрү бәхетенә иреште. Никахыбызга кулдан эшләнелгән бертөсле сандыклар бүләк итте. Бу – дәү әниебезнең соңгы бүләге булды", – ди Рамилә Батырова.

– Бәләкәй чакта дәү әнидән "үлемнән куркасыңмы син?" дип сорый идек. "Юк, кызым. Үлем килсә, торам да, Газраильгә "менә мин монда" дип каршысына басырмын", дип көлә иде. Бервакыт: "Әй, кызым, бабаң мине көтеп аргандыр инде", диде. "Дәү әни, кыз кеше сваданиега соңга калып йөри ул. Көтсен әйдә оҗмах капка төбендә", дип көлешә идек. Балачакта өйрәткән догалары истә. Вакыт узганын да сизмичә, озаклап утырып чәйләр эчә идек, – дип сөйләде Рәзилә Батырова.

Рамилә һәм Рәзилә Батыроваларның авыр кайгысын уртаклашабыз. Мөгаззәмә әбинең урыны җәннәттә, рухы тыныч, туфрагы җиңел булсын! Аллаһы аның якыннарына сабырлык бирсен!
– Дәү әниебез 89 яшендә арабыздан китте. Соңгы елда бик ябыкты. Чирләп тормаса да, картлык үзенекен алды. Өч атна элек йокы аралаш торып кулын сындырган иде. Болай да көчсез организмга шул гына җитә калды кирәк, хастаханәдә ятып чыкканнан соң хәле начарайды. Саташып ятты, бәгыркәем. Кичә кич белән аркаларын угалап, зәңгәрләнә башлаган кулларыннан үбеп, "дәү әнием, исәнлектә күрешик", дип киттем. Ә бүген исә ул гүр иясе... – дип сөйләде безгә Рамилә Батырова.

Мөгаззәмә әби бәхетле карчык кичергән. Тормыш иптәше моннан 15 еллап элек вафат булса да, балалары, оныклары, оныкчыклары аны бер минутка да ялгызын калдырмаган. "Янәшәсендә һәрчак олы улы Гомәр абый, уртанчы улы – әтиебез Мансур, килене – әниебез Фәүзия, кече кызы Роза апа булдылар. Соңгы көненә кадәр янәшәсендә булдык. Гомер буе "игезәкләремнең кияүгә чыгуын күреп үлсәм ярар иде", диде. Быел икебезнең дә никахын күрү бәхетенә иреште. Никахыбызга кулдан эшләнелгән бертөсле сандыклар бүләк итте. Бу – дәү әниебезнең соңгы бүләге булды", – ди Рамилә Батырова.

– Бәләкәй чакта дәү әнидән "үлемнән куркасыңмы син?" дип сорый идек. "Юк, кызым. Үлем килсә, торам да, Газраильгә "менә мин монда" дип каршысына басырмын", дип көлә иде. Бервакыт: "Әй, кызым, бабаң мине көтеп аргандыр инде", диде. "Дәү әни, кыз кеше сваданиега соңга калып йөри ул. Көтсен әйдә оҗмах капка төбендә", дип көлешә идек. Балачакта өйрәткән догалары истә. Вакыт узганын да сизмичә, озаклап утырып чәйләр эчә идек, – дип сөйләде Рәзилә Батырова.

Рамилә һәм Рәзилә Батыроваларның авыр кайгысын уртаклашабыз. Мөгаззәмә әбинең урыны җәннәттә, рухы тыныч, туфрагы җиңел булсын! Аллаһы аның якыннарына сабырлык бирсен!
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
-
Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
-
Салават Илсөянең гомерен коткарып калган Җырчы Илсөя Бәдретдинова Салаватка: «Минем гомеремне коткарып калучым», – ди. Болай әйтүенең сәбәбе белән кызыксындык.
-
Вәсилә Фәттахованың ире Илгиз: «Минем иң якын кешем... Мәңгелеккә!» Вәсилә Фәттахова арабыздан киткәнгә бүген 5 ел. «Әнисез 5 ел. (31.12.1979-26.01.2016)» дип язган бүген төнлә ире Илгиз үзенең инстаграмдагы битенә. Без яраткан җырчысыз калсак, ире Илгиз сөекле хатынсыз, балалары Кәрим белән Камилә әнисез калды. Вәсиләсез тормыш, җырчыга багышланган китап, тормыш турында уйнанулар Илгиз Әбдрәкыйпов белән әңгәмәдә.
Соңгы комментарийлар
-
23 февраль 2021 - 21:22Без имениФагыйлэ Талип бабай турында язманны укыдым эле.Бик ошады.«Фәрештәләр төшемдә дога өйрәтте»
-
20 февраль 2021 - 13:53Без имениПрощай, кадеремне белмәгән ир. Шуның белән бетәдер инде азагы)))Төнге яңгыр сере
-
20 февраль 2021 - 14:07Без имениБәхетле булсыннар, әлбәттә. Бабай яшәвен яшәп калыр ул үзе теләгәнчә. Тик тол хатынның ике бала үстерәсе булыр.Чәчәкле көзге мәхәббәт
-
20 февраль 2021 - 14:20Без имени"Акыллылар меңгә бер генә туа", Акыллы кешенең язмасын укуы да рәхәт. Рәхмәт.Яшәп кенә карыйм...
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.