"Голос" телепроектында катнашучы Самара кызы Луиза Имангулова: Тыңлаучымны табасыма ышанам

Самара өлкәсенең Сукай авылында туып үскән татар кызы Луиза Имангулова “Беренче канал” уздыра торган “Голос” тапшыруының 5 нче сезонында җиңүгә өметләнә.

Луиза Имангуловага 31 яшь, хәзер ул Мәскәүдә яши һәм эшли. “Голос”ка ул “Колечушко" исемле халык җыры башкарып эләкте.

“Мин өч яшьлек чагымда ук халык җырларын һәм “Черный кот”ны көйләп йөргәнмен. Мәктәптә укыганда барлык иҗади чаралар, бигрәк тә музыкаль номерлар минем өстә иде”, - диде җырчы Луиза “Татар-информ” мәгълүмат агентлыгы хзбәрчесенә.

 

Музыка буенча белемне ул иң элек музыка мәктәбендә, аннан мәдәният көллиятендә һәм Самараның мәдәният һәм сәнгать академиясендә алган.

“Лидерлык сыйфатлары миндә һәрвакыт аерылып торды”, - ди Луиза Имангулова.

Музыкага мәхәббәтне кызда әтисе тәрбияләгән. “Ул бик матур җырлый, гармунда һәм гитарада уйный. Әтием музыка уен коралларында уйнарга үзлегеннән өйрәнгән, әмма көйләрне профессионаллар дәрәҗәсендә башкара. Ул һәрвакыт безнең янда җырлый, гармунда уйный, төрле пластинкалар уйната иде”, - дип искә ала “Голос” катнашучысы.

Уңышка ирешү өчен үз хыялыңа таба атларга, бик күп эшләргә, үз көчеңә ышанырга кирәк, дигән фикердә җырчы.

 “Голос”та чыгыш ясап, үз-үземә ышанычым артты. Минем музыкамның тугры тыңлаучылары табылачагына ышанам. Бу исә музыкант өчен иң бөек хис”, - ди Луиза.

Җырчы үзенең татарча җырларны сирәк башкаруын да яшермәде. “Кызганыч, татар җырларын мин сирәк башкарам, әмма бу хатамны төзәтергә сүз бирәм. Әлегә мин татар көйләренең барлык нечкәлекләренә төшендерә алырдай педагог эзлим. Минем көйләремдә һәм башкаруымда шәрыкъ музыкасы чалымнарын күрергә мөмкин”, - ди Луиза Имангулова.

Татар җырларын сирәк башкарса да, мөселман гаиләсендә тууына горурлануын белдерде җырчы. “Татар хатын-кызлары чисталык, тыйнаклык, матурлыкның гәүдәләнеше. Мин мөселман гаиләсендә тууыма шатмын. Әмма башка диннәргә дә хөрмәт белән карыйм”, - диде Луиза Имангулова.

Ул 16 декабрь көнне проект кысаларында кабат чыгыш ясаячак. Моңа кадәр “Голос” проектының берничә этабын узган кыз алга таба көч сынашсын өчен аның өчен смс-хәбәрләр юллау шарт.

Мәгълүм булганча, 2013 елда “Голос” проектында Динә Гарипова һәм Эльмира Кәлимуллина 1 нче һәм 2 нче урыннарны яулаган иде. 2015 елда “Голос. Дети”да исә Сәйдә Мөхәммәтҗанова 3 нче урынга лаек булды. 
 



чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8925
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9008
    8
    73
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4717
    4
    55
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5965
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан