Нәрсә җитә ана булуга?!

Кичә Казанда «Святость материнства» Бөтенроссия программасының «Гаиләдәге гореф-гадәтләр – Россия киләчәгенең нигезе» дип исемләнгән  форум үзенең эшен башлады.

Ул С. Сәйдәшев исемендәге Зур концерт залында «Татарстан гаиләләре» фестивале белән ачылып китте. Тантанада РТ Президенты Рөстәм Миңнеханов, «Милли дан» үзәге попечительләр советы рәисе Владимир Якунин һ.б. дәрәҗәле кунаклар катнашты. Дүртенче форумда Кытай, Япония, Сербия, Украина, Молдова, Грузия кебек илләрдән дә килгән кунаклар бар.

«Гаилә – дәүләтнең нигезе, ул мәдәниятебезне, телебезне, гореф-гадәтләребезне саклап калу чыганагы, – диде Татарстан Президенты Рөстәм Нургалиевич үзенең сәламләү сүзендә. – Гаиләләр нык булсын өчен без бөтен шартларны тудырырга тиеш. Никахларны саклап калу максатыннан аерылышу процессына үзгәрешләр кертү – аны катлауландыру буенча тәкъдимнәр керттек. Аның белән килешмәүчеләр дә бар. Әмма аны үзгәртергә мөмкин. Бу бик мөһим мәсьәлә».

Рөстәм Миңнеханов Татарстанда күп балалы гаиләләрне ничек зурлау үрнәген дә күрсәтте: форум кунаклары алдында Балтачта яшәүче биш бала анасы Зөлфидә Тлякова һәм Сарман районының Җәлил бистәсендә гомер кичерүче, шулай ук биш бала тәрбияләүче Наталья Дубининага «Ана даны» медальләрен тапшырды.

РФ Дәүләт Думасы депутаты, Федерация Советы әгъзасы Елена Мизулина да Татарстан Президентының аерылышуларны катлауландыру тәкъдимен хуплап чыкты. «Гаиләдә бәлигъ булмаган балалар барында никахны өзү процессын катлауландыру бигрәк тә мөһим. Чөнки бала өчен әти белән әнинең аерылуы һәрвакыт фаҗига», – диде ул.

«Форумда катнашучыларның фикере уртак: традицион гаиләләр – бүгенге Россиянең нигезе ул, – диде Елена Мизулина. – Гаиләләргә бүген өч куркыныч яный. Беренчесе – аерылышулар, икенчесе – бала төшерү («Һәр минут саен Россиядә 3 аборт ясала», – дигән мәгълумат форум барышында берничә тапкыр яңгырады. – ред.) һәм өченчесе – суррогат әниләр. Соңгысын күп илләрдә фахишәлек, кеше сату белән тиңләштерәләр».

Россия мөселманнары Үзәк Диния идарәсе башлыгы, мөфти Тәлгать Таҗетдин гаиләләрне саклау, ныгыту буенча шактый кызык тәкъдимнәр ясады. «Сез нигәдер ата кешенең ролен онытасыз, – диде ул. – Гаиләдә биш бала икән, әнигә «Ана даны» медале бирергә, ә әти кешегә – машина. Гаиләдә унөч бала тәрбияләнә һәм алар барысы да тәртипле, үрнәкләр икән, бу гаиләгә коттедж төзеп бирергә. Егет белән кыз икесе дә никахка саф, гыйффәтле килеш керә икән, аларны фатир белән бүләкләргә».

Форум бүген үзенең эшен фәнни конференция, түгәрәк өстәлләр, тренинглар белән дәвам итә. Секция утырышларының берсендә «Сөембикә» журналының баш мөхәррире Ләйсән Юнысова да чыгыш ясаячак.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14076
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9099
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10443
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5008
    3
    45
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр