Мөселман кинофестивале җиңүчеләре бүләкләнде

5-11 сентябрьдә Казанда XII Халыкара мөселман киносы фестивале узды. Быел фестиваль программасында 33 илдән 60 фильм тәкъдим ителде. 

 
«Мәдәниятләр багланышы аша багланышлар мәдәниятенә» шигаре астында 2005 елдан оештырылып килүче фестиваль тынычлык, дини сабырлык, толерантлык идеяләрен алга сөргән, милләтара хезмәттәшлек турында сөйләүче фильмнарны берләштерә. Быел фестивальгә 50ләп илдән 700дән артык гариза кабул ителгән.
 
Фестиваль Татарстан Президенты теләктәшлегендә ТР Мәдәният министрлыгы, Казан мэриясе, Россиянең Мөфтиләр шурасы тарафыннан оештырыла. Быел традицион номинацияләргә өстәп, Россиянең яшь режиссерларын барлаучы «Яшь Россия» номинациясе дә кертелде. Жюрины танылган кинорежиссер, Россиянең халык артисты, СССР Дәүләт премиясе лауреаты Александр Прошкин җитәкләде. Шулай жюрида Әфганстан, Төркмәнстан, Үзбәкстан, Татарстан вәкилләре эшләде.
 
Бәйгедән тыш программа да вакыйгаларга бай булды. Иран режиссеры Мәҗид Мәҗидинең Пәйгамбәр балачагына багышланган «Аллаһы Илчесе» фильмы, җирле режиссерларның Муса Җәлил, Габдулла Тукай, Габдрахман Әпсәләмов тормышы һәм иҗатын яктырткан фильмнары күрсәтелде, II «Кино вакыты» белем бирү форумы оештырылды. Фильмнар берьюлы Казанның «Родина», «Мир», «Корстон» кинотеатрларында, Казан Кремлендә һәм беренче тапкыр Иннополис шәһәрендә барды.
 
Фестиваль Казанның «Пирамида» комплексында ачылган иде. Ябылу тантанасы М.Җәлил исемендәге Татар дәүләр академия опера һәм балет театры бинасында үтте. Иң яхшы нәфис фильм, иң яхшы режиссер, оператор, сценарий авторы, ир-ат ролен башкаручы, хатын-кыз ролен башкаручы, иң яхшы документаль фильм, иң яхшы анимация фильмы кебек номинацияләрдә барлыгы 10 җиңүчегә Казан фестиваленең билгесе – Сөембикә манарасын сурәтләгән истәлекле сыннар тапшырылды.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    12048
    4
    111
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    11431
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9301
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    8628
    1
    53
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4159
    0
    48
Реклама
Соңгы комментарийлар
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
  • 10 август 2022 - 11:06
    Без имени
    Тизрэк аерып алып кайтыгыз, тазалыгын, я ботенлэй узен бетерэ ул юньсез
    Кияү кызыбызны кыйный?
  • 10 август 2022 - 10:28
    Без имени
    ДАУАМЫН КӨТӘРГӘ ҠАЛДЫ.
     Гомерем усал кайнана, исерек ир белән үтте 5
  • 11 август 2022 - 13:57
    Без имени
    Гүзәл, син үзең дә бик гади, булган кеше. Гаилә иминлеге, матур киләчәк Сезгә!
    «Иреңнең әнисен ярат!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда