Мең чакрымлы веломарафон катнашучылары катгый таләпләр узган

26 июньдә Казанда VIII “Татарстан наркотикларсыз” веломарафоны старт алачак. Ундүрт көнгә исәпләнгән веломарафонда катнашучыларга 1093 чакрым юл узарга туры киләчак.

Бөтендөнья наркотикларга һәм аларның әйләнешенә каршы көрәш көнен ел саен Татарстанда веломарафон белән каршы алу гадәткә керде. Быел спорт туризмы буенча спорт остасына кандидат, Җир шарын әйләнеп чыккан 22 еллык стаж туплаган велотурист Павел Грачев җитәкчелегендәге ун кешелек төркем Казаннан чыгып китеп, Алексеевск, Болгар, Димитровград (Ульяновск өлкәсе), Чирмешән, Бөгелмә, Лениногорск, Алабуга аша үтеп, янә финишка Казанга әйләнеп кайтачак. Алар көненә якынча 60 чакрым юл узачак.

Велотуристлар арасында студентлар, мөгаллимнәр һәм укучы яшьләр бар. Шулай ук велотуризм буенча спорт мастерлары, велотуризм буенча Россия чемпионнары Әлмира Галиева белән Валерий Ромасенконың да катнашачагы мәгълүм. Әйтергә кирәк, бу велотөркемгә спортчыларны катгый таләпләр буенча сайлап алганнар. Һәм алар инде апрель аеннан бирле марафонга әзерләнгән, ләкин сайланган 30 кешенең унысы гына стартка кертелгән.

Сигезенче веломарафон ачылу уңаеннан 26 июньдә Казанда бәйрәм чаралары “Веломан И.Я.” музее каршында көндезгә сәгать 11дә башланып китәчәк. Бу көнне шулай ук башкаланың Меңьеллык паркыннан гаиләләр велоквесты да оештырылачак. Ә көндезге 14.00 сәгатьтә “Татарстан наркотикларсыз–2016” веломарафонының кече маршруты – “Кремль яр буе – Иске Аракчино” арасында узыш булачак.

Үткән 2015 елгы веломарафон рекордлар белән истә калган иде: ул чакта спортчылар Татарстан һәм күрше Самара шәһәрләре аша 18 көндә 1385 чакрым юл үтте. Шушы узган еллар эчендә веломарафонда катнашкан иң яшь спортчыга – 11, ә иң өлкәненә 67 яшь иде, уртача яшь исә – 30.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2198
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5958
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан