“Майский” агрокомбинаты хезмәткәрләре Рөстәм Миңнеханов яклы

13 сентябрьдә узачак Татарстан Президенты сайлаулары – республикада гомер итүче һәркем өчен зур вакыйга. Әлеге вазифага исә Татарстан Президенты вазифаларын вакытлыча башкаручы Рөстәм Миңнехановтан кала берәү дә лаек түгел, дип саный “Майский” агрокомбинаты хезмәткәрләре.

Билгеле булганча, 10 июнь көнне Татарстанның Дәүләт Советы 2015 елда узачак Президент сайлауларының төгәл вакытын билгеләде. Шул рәвешле, агымдагы елның 13 сентябрендә татарстанлылар үз Президентларын  соңгы 14 елда беренче тапкыр сайлаячак.

Аңа кадәр “Бердәм Россия” партиясе Татарстан Президенты вазифасына кандидатны билгеләү буенча праймериз игълан иткән иде. Нәтиҗәдә, 12 дән артык иҗтимагый оешма әлеге вазифага Татарстан лидеры Рөстәм Миңнеханов кандидатурасын тәкъдим итте. Озак та үтми праймеризның төгәл вакыты да билгеле булды. Ул 27 июнь көнне уздырылачак.  

Яңадан-яңа үрләр яулау өчен...
18 июнь көнне исә республиканың иң зур агрокомбинатларының берсе булып саналган “Майский” предприятиесе хезмәткәрләре Татарстан Президенты вазифасына тәкъдим ителгән Рөстәм Миңнеханов кандидатурасын хуплап, махсус җыелыш уздырды. Әле алай гына да түгел, алар башка предприятие хезмәткәрләрен дә Татарстан лидеры Рөстәм Миңнеханов тарафыннан алып барыла торган, беренче чиратта халыкның тормышын яхшыртуга юнәлдерелгән  эшчәнлекне хупларга чакырды.

”Майский” агрокомбинаты директоры Илшат Ганиев  сүзләренә караганда, соңгы елларда әлеге предприятиене алга җибәрү максатыннан Татарстан җитәкчелеге тарафыннан шактый зур эшләр башкарылган. Нәтиҗәдә, ул кризиска чыдамлылык күрсәтеп кенә калмаган, ә яңадан-яңа үрләр яулауга ирешкән.

- Рөстәм Нургали улы ярдәме белән без үзебезнең шәхси энергетика системасын булдырдык. Хәзерге вакытта биредә ике электроүзәк эшли, тиздән өченчесе сафка басачак. Җылылык шулай ук үзебезнеке. Шул рәвешле без электр энергиясе һәм җылылык белән тәэмин итә торган компанияләргә бәйле түгел. Бу исә безгә бәяләрне шактый түбән дәрәҗәдә сакларга ярдәм итә, - дип ассызыклады җитәкче.

Илшат Ганиев сүзләренә караганда, Татарстан Идел буе федераль округында гына түгел, ә гомумән, илдә -  лидер.

- Безнең коллектив һәрвакыт алдынгы булырга, Европа илләре предприятиеләре белән дә көндәшлек итүгә күнекте инде. Бу – уңдырышлылык кына түгел, ә экологик яктан чиста продукция җитештерү, куркынычсызлык һәм яшелчәләрнең туклыклылыгына да бәйле, - дип белдерде җитәкче.

“Майский”ны танытуда Рөстәм Миңнехановның өлеше зур

“Майский” агрокомбинаты баш сәркатибе урынбасары Лариса Бодокия исә Татарстан Президенты сайлауларын республика гына түгел, ә гомумән, һәрбер кеше өчен зур вакыйга дип атады.

- Рөстәм Миңнеханов исә Татарстанның тотрыклы һәм уңышлы үсешендә зур роль уйный. Татарстан предприятиеләренең уңышлы эшләве дә моның шулай булуын ассызыклап күрсәтә. “Майский” ирешкән уңышларның күбесе – нәкъ менә Рөстәм Миңнеханов казанышы. Шуңа күрә мин Татарстан Президенты вазифасына Рөстәм Миңнеханов кандидатурасын хуплавыгызны сорыйм, - дип залда утыручыларга мөрәҗәгать итте Лариса Бодокия. Хезмәткәрләр исә әлеге чыгышны көчле алкышларга күмде.

Чыгыш ясарга теләүчеләр исә шактый күп иде.

- Рөстәм Миңнеханов шактый яшь җитәкче, энергиясе ташып тора. Иң мөһиме, ул һәрбер эшне азагына кадәр җиткерә. Татарстан җитәкчелеге нинди генә мәсьәләгә алынмасын, аларның барысы да уңышлы хәл ителә, - дип үз фикерен белдерде комбинатның 5 нче номерлы цехы җитәкчесе Игорь Чекуров.

Шунысын да билгеләп үтәбез: хәзерге вакытта “Майский”  агрокомбинатында барлыгы 1 меңгә якын кеше эшли. Ул Татарстанның иң зур предприятиеләреннән санала. Биредә уртача хезмәт хакы 32 мең сумны тәшкил итә. Кышкы теплицаларның гомуми күләме – 49 гектар. Алар 9 цехны берләштерә. Агымдагы елда биредә 2014 ел белән чагыштырганда 32 процентка артыграк яшелчә җитештерергә планлаштыралар. Бу - соңгы биш ел эчендә җитештерелгән продукция күләме 30 процентка артачак дигән сүз.

сылтама: http://intertat.ru/tt/society-tt/item/45525-%E2%80%9Cmayskiy%E2%80%9D-agrokombinatyi-hezm%D3%99tk%D3%99rl%D3%99re-r%D3%A9st%D3%99m-mi%D2%A3nehanov-yaklyi.html

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4561
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13176
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2833
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11346
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13789
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда