Бүген Татар-информ агентлыгында «Ир-ат сәламәтлеге» дип аталган XII Конгресс уңаеннан матбугат конфереренциясе узды. Анда Татарстанның сәламәтлек саклау министры Адель Вафин, «Мужское здоровье» җәмгыяте президенты, Мәскәү Дәүләт Университеты каршында эшләүче Университет клиникасы директоры Армаис Камалов, Татарстанның баш урологы Ринат Гареев һәм республика матбугаты вәкилләре катнашты. Бүгенге көндә ир-егетләребезнең саулыгы мәсьәләсе аеруча кискен тора. Егетләр арасында кысырлык чире белән авыручылар саны 21 процентка арткан, мәни бизе ялкынсынуы белән авыручылар да арта бара. Простата яман шеше дә чигенергә уйламый. Ир-егетләребез арасында мондый чирләрнең артып китүенең сәбәбен Армаис әфәнде вакытында табибка күренмәүдә һәм чирне дөрес итеп, вакытында ачыкламауда күрә. Ә республикабызның баш урологы, гомумән дә, ир балаларга памперс кидерүгә каршы булуын белдерде. Памперслар малайларның спермалары өлгерүгә комачаулык тудыра икән. «Элек балалар ыштансыз үсте, мондый чирләр дә булмады. Ә хәзер без аларны җылы итеп киендерәбез, кат-кат төрәбез – сперматогеннар җылыда өлгерми», – диде ул.
Следите за самым важным и интересным в Telegram-каналеТатмедиа
Комментарий юк