Кытай вәкилләрен Татарстандагы сәнәгать үсеше шаккаттырган

Татарстанның Дәүләт Советында парламент вәкилләренең чираттагы утырышы уза. Сессия эшенә Кытай халык республикасының парламент вәкилләре дә кушылды.

Аларны республика парламенты рәисе Фәрит Мөхәммәтшин сәламләде.

Кытайлылар Татарстан белән кызыксына

- Дәүләт Советында Кытайдан килгән мәртәбәле кунакларны кабул итү – безнең өчен зур вакыйга. Россиягә кылган эшлекле сәфәрләре вакытында алар Татарстанга, Казанга килеп, безнең икътисад тармагында ирешкән уңышларыбыз, инновацион үсешебез белән танышырга карар кылды. Кытай безнең белән бик күптәннән хезмәттәшлек итә. Без аларның республикада социаль-икътисади торышны яхшырту белән бәйле инвестицион инициативаларын шатланып кабул итәбез, - дип ассызыклады үзенең чыгышында Фәрит Мөхәммәтшин.


Чыннан да, соңгы вакытта Татарстан һәм Кытай арасындагы мөнәсәбәтләр шактый ныгый. Тиздән машина төзелеше, суыткычлар өчен җиһазлар ясау һәм Кытайда Татарстан җитештерүчеләренең самолет-вертолет сервис үзәкләрен булдыру белән бәйле проектлар тормышка ашырыла башларга тиеш.

- Кытай инвесторлары Мәскәү-Казан арасында тизйөрешле поезд юлы төзүдә дә актив катнашачак. Бу безнең мөнәсәбәтләрне ныгытуда аеруча зур роль уйнарга тиеш, - дип дәвам итте сүзен парламент рәисе.

Хезмәттәшлекне төбәкләр арасында җәелдерү мөһим

Кытай вәкилләре дә җавапсыз калмады, билгеле. Трибунадан Татарстанның Дәүләт Советы депутатларына Бөтенкытай халык вәкилләре җыены комитеты рәисе Чжан Децзян мөрәҗәгать итте.
Бу – минем Татарстанга беренче генә килүем әле. Хәер, бирегә сәфәр кылу турында күптән хыяллана идем инде. Ниһаять, хыялым чынга ашты, - дип башлады сүзен Кытай вәкиле.

Ул Татарстанда сәнәгать үсешенең югары дәрәҗәдә булуын да ассызыклап узды.

- Без бүген Татарстанда сәнәгать үсешенең никадәр зур дәрәҗәдә булуына төшендек. Икътисад тармагында ирешкән уңышларыгыз белән чын күңелдән котлыйм. Рөстәм Миңнеханов җитәкчелегендә республика зур уңышларга ирешкән, - дип белдерде Чжан Децзян.

Сылтама:  http://intertat.ru/tt/society-tt/item/45225-kyitay-v%D3%99kill%D3%99ren-tatarstandagyi-s%D3%99n%D3%99gat-%D2%AFseshe-shakkattyirgan.html
Ул шулай ук Кытай һәм Россия арасындагы мөнәсәбәтләрнең елдан-ел ныгый баруын ассызыклап узды.

- Ике илнең үсеше өчен төбәкләр арасында хезмәттәшлекне җәелдерү аеруча зур роль уйный. Социаль базаны алга таба да ныгыту кирәк. Кытай һәм Россия арасында бу эшчәнлек шактый уңышлы тормышка ашырыла, - дип билгеләп үтте Чжан Децзян.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7852
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7154
    2
    72
  • Кайту Безне ташлап киткән иремнең сөяркәсе шалтыратты...
    6036
    2
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3433
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    3799
    1
    37
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда