Курчак театры олылалар өчен спектакль күрсәтә

«Әкият» курчак театры өлкәннәр өчен «Ханума» спектаклен тәкъдим итә башларга җыена.

Авксентия Цагарелиның «Ханума» комедиясе төрле милләт театрларының репертуарын бизи. Әлеге әсәр теләсә нинди тамашачының да күңел түрен яулый. Шуңа күрә «Әкият» курчак театрының баш режиссеры Илдус Зиннуровның бу әсәргә алынуы бик табигый.

«Ханума» Татарстан Театр әһелләре берлегенең гранты хисабына тормышка ашырылды. Спектакль – юмор бәйрәме, шатлык, яхшылык һәм матурлыкка дан җырлый. Якты костюмнар һәм декорация, колоритлы музыка, биюләр, әсәргә яңача караш ташларга мөмкинлек бирә. Һәрвакыт шат күңелле яучы Ханума образы әкият сәхнәсендә үзенчәлекле итеп ачыла.

Спектакльнең рәссамы – Захар Давыдов, музыкасын СССРның халык артисты Гия Канчели язган. Пластиканы Татарстанның сәнгать эшлеклесе Гүзәл Маннапова куйган. Яңа спектакльдә коллективның яшь, шулай ук өлкән яшьтәге артистлары да катнаша: Татарстанның халык артисты Наталия Егорова, Татарстанның атказанган артистлары Эльвира Гыйлемханова, Сергей Кузнецов, артистлар – Алсу Хайсарова, Рафаэль Таһиров, Дилюс Хуҗиәхмәтов, Юлия Василишина, Айвар Гыймаев, Илсур Минкиев, Айдар Шәйһиев.

«Әкият» театрының өлкәннәр өчен тәгаенләнгән спектакльләрен тамашачы яратып кабул итәчәк, дигән өмет бар, чөнки бу юнәлештә коллективның инде эшләп караганы бар. Өлкәннәр спектакле биредә соңгы тапкыр 1997 елда күрсәтелгән иде.

сылтама: http://intertat.ru/tt/multimedia-tt/item/42957-olyilar-da-%E2%80%9C%D3%99kiyat%E2%80%9Dk%D3%99-mohta%D2%97.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    6057
    0
    84
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    8464
    0
    64
  • 3176
    0
    40
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3241
    3
    34
Реклама
Соңгы комментарийлар
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи