1-10 ноябрь көннәрендә Көньяк Сахалинда Татар мәдәнияте көннәре уздырыла. Аның кысаларында «Туган тел» Сахалин иҗтимагый оешмасы өлкә универсаль фәнни китапханәсе фойесында «Держава синең белән горурлана, бөек татар халкы» күргәзмәсен оештыра. Анда татар китаплары һәм кулланма сәнгать әйберләре урын алган.
Күргәзмә ачу программасында татар милли костюмын презентацияләү, татарлар тарихы, тормышы, эшчәнлеген чагылдырган слайдлар күрсәтү, шигырьләр уку, татар милли ашларыннан авыз итү, мастер-класслар каралган.
Татар мәдәнияте көннәрендә мәктәп укучылары өчен китапханәдә сыйныфтан тыш уку сәгатьләре үткәрү ниятләнә. Алар татар китабының чишмә башы, ата-бабалар ватанының байрагы, мәдәнияте һәм аш-сулары, татар халкының гореф-гадәтләре, йолалары, аларның буыннан-буынга күчүюллары темасына багышлана. Шулай ук төрле телләрдә шигырьләр уку, «Казан — төрки дөньяның мәдәни башкаласы» темасына презентацияләр уздыру да ниятләнә, диелә «Sahalin. info» сайтында.
сылтама:
http://tat.tatar-inform.ru/news/2015/11/02/115166/
Комментарий юк