Казанлылар һәм башкала кунакларына «София Гобәйдуллинаның көй галәме» дигән яңа концерт циклы тәкъдим ителә

Киләсе атна шимбә көнне, 24 октябрь кичке 5тә Казан Ратушасының колонналар залында «София Гобәйдуллинаның көй галәме» дигән абонементның өченче сезоны ачыла.
Ул дөньякүләм танылган композиторга 85 яшь тулуга багышлана, дип хәбәр итә Казан мэриясе матбугат хезмәте.

Абонементның беренче концерты «Юбиляция» дип атала. Программада –Владимир Тарнопольский (Мәскәү) җитәкчелегендә «Студия новой музыки» ансамбле солистлары чыгышы. Концертта Екатерина Кичигина (сопрано), Станислав Малышев (скрипка), Григорий Кротенко (контрабас), Мона Хаба (фортепиано), Андрей Никитин (бәрмә музыка уен кораллары) чыгыш ясаячак. София Гобәйдуллинаның контрабас һәм фортепиано өчен язган беренче әсәрләре – «Пантомима» һәм «Фацелия» вокал циклы, шулай ук композиторның соңрак иҗат иткән әсәрләре дә яңгыраячак.

«София Гобәйдуллинаның көй галәме» дигән абонементның өченче сезонында халыкара конкурста Гран-при яулаган Анна Гулишамбарова җитәкчелегендәге «Новая музыка» камера оркестры – концертның алыштыргысыз кунаклары. Бу юлы оркестр скрипка һәм камера оркестры өчен эстон композиторы Арво Пяртанның «Fratres» («Братья») һәм София Гобәйдуллинаның «Concordanza» («Согласие») әсәрен башкарачак.

Концертта Мәскәүнең яшь композиторы һәм виолончель остасы, Россия композиторлар союзының яшьләр бүлекчәсе җитәкчесе Ярослав Судзиловский катнаша.

Кичә программасында «Мәхәббәт йолдызлыгы астында. София Гобәйдуллина Казанда» документаль фильмыннан өзекләр күрсәтеләчәк. Әлеге фильм 2015 елгы XI Казан халыкара мөселман киносы фестивалендә катнашып, Казан Мэры призына ия булды.

сылтама: http://tat.tatar-inform.ru/news/2015/10/12/114470/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»