​Казанда узган II төрки дөнья журналистлары корылтаеның 14 пункттан торган резолюциясе кабул ителде.

Казанның «Гранд отель Казань» мәйданчыгында II төрки дөнья журналистлары корылтаеның йомгаклау утырышы булды. Бүген аңа кадәр корылтайда катнашучылар, Казан (Идел буе) федераль университеты студентлары һәм мөгаллинәре белән очрашты.

Йомгаклау утырышында Республика матбугат һәм массакүләм коммуникацияләр агентлыгы җитәкчесенең беренче урынбасары Нурия Беломоина, Төрки дөнья журналистлары федерациясе президенты Мендерес Демир, әлеге федерациянең генераль секретаре Шәмсеттин Күзәджи, шулай ук төрки дөнья медиакорылышы, Татарстан Республикасы массакүләм мәгълүмат чаралары җитәкчеләре, журналистлар катнашты.

Утырышта чыгыш ясаганнар әлеге корылтайны оештыручыларга, аеруча кабул иткән як буларак Татарстан Республикасы җитәкчелегенә күп санлы рәхмәт сүзләре белән Казанга һәм татарстанлыларның дустанә булуларына соклануларын белдерде, үзләре эшләгән ММЧ мөмкинлекләре белән кыскача таныштырды. 

Чарада төрки дөньяның яшь журналистлары берлеге оешу турында игълан ителде һәм корылтайда катнашучыларның кайберләре, аерым алганда, Россия, Кыргызстан, Үзбәкстан, Казакъстан, Сербия, Голландия һ.б. илләрдә яшәп иҗат итүче яшь журналистлар берлеккә әгъза итеп алынды, аларга таныклыклар һәм сертификатлар  тапшырылды. Корылтайны оештыручылардан төрле ил ММЧ җитәкчеләренә Рәхмәт хатлары бирелде.

Мендерес Демир быел корылтайны үзендә кабул иткән Татарстанга, чараны югары дәрәҗәдә оештыруга зур өлеш керткән Республика матбугат һәм массакүләм коммуникацияләр агентлыгына рәхмәт белдерде. «Корылтайның төп максаты, төрки дөнья журналистларын берләштерүдән тыш, иң беренче чиратта, – халыкка хезмәт итү. Ник дигәндә, журналист хезмәтенең төп асылы да шунда», – диде ул.

Һәм, ниһаять, II корылтай эшчәнлегенә нәтиҗә ясалды. Төрки дөнья журналистларын борчыган проблемалар әллә ни калку итеп күрсәтелмәсә дә, ихтыяҗлар барланды һәм резолюциягә кертелде, әйтик, барлык төрки халыклар өчен дә уртак, аларны берләштерә торган медиакиңлек булдыру.

Аерым алганда, II төрки дөнья журналистлары корылтаеның 14 маддәдән торган резолюциясе күпчелек тавыш белән кабул ителде. Анда милли гаммәви мәгълүмат чараларының дәүләт тарафыннан яклануын тәэмин итүгә ирешү, әлеге ММЧларның мәдәни чараларны, бәйрәмнәрне яктыртудан тыш, милли проблемаларны да чагылдыруы, халыкка җиткерүе мөһимлеге билгеләп үтелә. Шулай ук, төрки дөньядагы мөһим вакыйгалардан, уртак проблемалардан хәбәрдар булу максатыннан, Төркия телеканалы платформасында бердәм мәгълүмати канал яки мәгълүмат агентлыгы булдыру, аны үстерү, моның өчен уртак төрек алфавиты булдыру, бу эшкә төрки дөнья журналистлары берлекләрен тарту, Татарстан белән Төркия журналистлары уртак корылтаен үткәрү мөмкинлеге карала. Телевидение эшчәнлеге белән бәйле пунктта Төркиянең «ТРТ Аваз» телеканалы белән Татарстанның «ТНВ» телевединиесе хезмәттәшлеген үстереп, әлеге 2 телевизион каналның милли сериаллары, фәнни-популяр фильмнар, мультфильмнар белән үзара алмашуы, башта Мәскәүдә, аннары Казанда да «ТРТ Аваз» телеканалының корпунктын булдыру мәсьәләләре билгеләнә. Документта төрки дөнья журналистларының сүз иреген тәэмин итү, иреге кысылган журналистларның хокукын яклауга юнәлтелгән комиссия булдыру, төрки дөньяны, аның медиакиңлеген берләштерү зарурияте һ.б. ихтыяҗлар резолюциягә кертелде.

Документ кабул иткәннән соң, Нурия Беломоина: «Һәрбер эшнең мәгънәсе һәм нәтиҗәсе булырга тиеш. Бүген әйтелгәннәр сүз генә булып калмасын иде. Уйлаган, ниятләгән теләкләребезнең иң яхшылары гамәлгә ашсын. Аралашып яшик һәм эшләребез нәтиҗәле булсын», – дигән теләкләрен җиткерде.

Искәртеп үтик: корылтай Төрки дөнья журналистлары федерациясе башлангычы белән «Татмедиа» Республика матбугат һәм массакүләм коммуникацияләр агентлыгы тарафыннан ТР Президенты вазифаларын вакытлыча башкаручы Рөстәм Миңнеханов йөкләмәсе һәм ярдәме белән оештырылды. Корылтайга дөньяның 22 иленнән 100ләп журналист чакырулы иде. Нурия Беломоина биргән белешмә буенча, делегатлар саны көтелгәннән беркадәр азрак булган һәм бу виза мәсьәләсенә бәйле, шулай да, 60ка якын кеше килгән.

Төрки дөнья журналистларының III корылтаен исә төрки дөньяның, Казаннан соң, быел мәдәни башкаласы булган Төрекмәнстанның Мары каласында уздыру ниятләнә.

Сылтама: http://intertat.ru/tt/society-tt/item/44841-t%D3%A9rki-zhurnalistlar-t%D3%99%D2%97rib%D3%99-urtaklasha.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9687
    11
    115
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9761
    9
    79
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5431
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4356
    0
    45
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6600
    2
    30
Реклама
Соңгы комментарийлар
  • 2 август 2021 - 19:02
    Без имени
    Оендэ жыеп укырсын бигрэк кыланасыз ботен шарты туры килми ул
    Марсель Вагыйзов аэропортта күңелсез хәлгә тарыган
  • 29 июль 2021 - 15:48
    Без имени
    Уги энилэрнен дэ торлесе була шул менэ минем жэмэгатьтэ уги эни белэн ускэн ул эйтэ иде дурт бала остенэ килде дип ин зурысы мин идем дип эти колхоз эшенэ иртэ таннан чыгып китэ иде Аннан уги эни дэ эшкэ китэ ботен нэрсэ йозакта без мэктэпкэ каткан ипи белэн салкын су эчеп чыгып китэ идек дип Аннан узе бала алып кайтты минем бала чагым бала карап утте мин уеннын нэрсэ икэнен белмэдем бала чагым бала кутэреп йореп утте дип бала эз генэ еласада мина кыен элэгэ иде ул бала гына бала иде бездэн качырып ана тэмле эйберлэр ашата безне Курэ алмады без гел эштэ э ашау юк иде ияреп килгэн ике зур баласы бар иде аларнын аталары кем икэнен белмилэр отчестволары уги ананын атасынын исеме белэн иде анын безгэ курсэткэн эшэкелеклэрен сойлэп кенэ бетерэ торган тугел инде
    Үги әнкәйнең җылы йөрәге
  • 29 июль 2021 - 23:39
    Без имени
    Шэп! Мин яратам Сезне!!🥰🥰🥰🥰
    Көндәлек
  • 30 июль 2021 - 15:20
    Без имени
    Бик ошады
    Ал чәчәкләр бәясе
  • 30 июль 2021 - 09:56
    Без имени
    Эйе... авылга кайткач, исэнлэшергэ дэ курше юк... Зэйнэп жырындагыча: куршелэргэ сэлам бирим дисэм, кайсы исэн икэн, кайсы юк... Идая. Чаллы.
    Күршеләр
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан